Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 17:1-19

17  Na ne ba Yehosafat+ bedii n’ade, na ɔmaa ne tumi yɛɛ den Israel.  Ɔde akofo gyinagyinaa Yuda nkurow a wɔabɔ ho ban nyinaa mu, na ɔde asraafodɔm koguu Yuda asase ne Efraim nkurow a ne papa Asa ko fae+ no mu.  Na Yehowa dii Yehosafat akyi,+ efisɛ ɔnantew ne nana Dawid akwan so+ na wankodi Baal akyi.+  Ne papa Nyankopɔn na ɔhwehwɛɛ no,+ na ne mmara nsɛm mu na ɔnantewee,+ na wamfa Israel akwan so.+  Na Yehowa maa ahenni no timii ne nsam,+ na Yuda nyinaa de akyɛde+ brɛɛ Yehosafat daa; enti onyaa ahonyade ne anuonyam pii.+  Onyaa akokoduru wɔ Yehowa akwan+ ho, ma enti oyiyii sorɔnsorɔmmea+ ne abosonnua+ a ɛwɔ Yuda no.  N’ahenni afe a ɛto so abiɛsa mu no, ɔsoma kɔka kyerɛɛ ne mmapɔmma yi sɛ wɔnkɔkyerɛkyerɛ wɔ Yuda nkurow mu: Ben-Hail, Obadia, Sakaria, Netanel ne Mikaia;  Lewifo yi na na wɔka wɔn ho: Semaia, Netania, Sebadia, Asahel, Semiramot, Yehonatan, Adoniya, Tobiya ne Tob-Adoniya, wɔn nyinaa yɛ Lewifo, ná Elisama ne Yehoram a wɔyɛ asɔfo+ no nso ka wɔn ho.  Na wosiim kɔkyerɛkyerɛe+ wɔ Yuda; ná wokura Yehowa mmara nhoma+ no, na wokyinii Yuda nkurow nyinaa mu kyerɛkyerɛe wɔ ɔman no mu. 10  Yehowa ho hu+ tɔɔ nsase no so ahenni a atwa Yuda ho ahyia nyinaa so, na wɔne Yehosafat anko.+ 11  Na Filistifo de akyɛde+ brɛɛ Yehosafat na wɔde sika betuaa tow+ maa no. Arabiafo+ nso de nyɛmmoa brɛɛ no; wɔde adwennini mpemnson ahanson ne mpapo mpemnson ahanson.+ 12  Yehosafat nyaa nkɔso, na ɔyɛɛ kɛse+ paa, na ɔkyekyee nkurow a ɛyɛ den+ ne adekora nkurow+ wɔ Yuda. 13  Ɔyeyɛɛ nneɛma pii Yuda nkurow mu, na onyaa akofo,+ mmarima akokodurufo a wɔn ho yɛ den+ wɔ Yerusalem. 14  Eyi ne wɔn dibea sɛnea wɔn agyanom abusuafie te: Yuda apem apem so mpanyimfo, Adnah ne wɔn sahene, na mmarima akokodurufo a wɔn ho yɛ den mpem ahasa ka ne ho.+ 15  Nea ɔhyɛ n’ase ne ɔsahene Yehohanan, na mpem ahanu aduɔwɔtwe ka ne ho. 16  Nea ɔhyɛ ɔno nso ase ne Sikri ba Amasiya, a otuu ne ho maa+ Yehowa, na mmarima akokodurufo a wɔn ho yɛ den mpem ahanu ka ne ho. 17  Nea ofi Benyamin+ mu nso ne ɔbarima kokodurufo a ne ho yɛ den Eliada, na mmarima mpem ahanu a wɔn na wokura agyan ne akyɛm+ ka ne ho. 18  Nea ɔhyɛ n’ase ne Yehosabad, na mmarima mpem ɔha aduɔwɔtwe a wɔhyehyɛ wɔn ho kɔ ɔsa ka ne ho. 19  Eyinom ne wɔn a wɔsom ɔhene; ɛsono wɔn a ɔhene de wɔn totoo nkurow a wɔagye ho ban+ ano wɔ Yuda nyinaa no.

Ase Hɔ Nsɛm