Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

2 Beresosɛm 14:1-15

14  Na Abia ne n’agyanom kɔdae,+ na wosiee no wɔ Dawid Kurow+ mu, na ne ba Asa+ bedii n’ade. Ne nna mu no, asase no nyaa asomdwoe+ mfe du.  Asa yɛɛ nea eye na ɛteɛ Yehowa, ne Nyankopɔn ani so.  Oyiyii ananafo afɔremuka+ ne sorɔnsorɔmmea+ no fii hɔ, na obubuu abosom adum+ twitwaa abosonnua+ no gui.  Afei ɔka kyerɛɛ Yuda sɛ wɔnhwehwɛ+ Yehowa, wɔn agyanom Nyankopɔn no, na wonni ne mmara nsɛm+ ne n’ahyɛde+ so.  Na oyiyii sorɔnsorɔmmea ne aduhuam ade+ no fii Yuda nkurow nyinaa mu, na asomdwoe+ baa ahenni no mu ne bere so.  Ɛnna ɔkyekyee nkurow a ɛyɛ den wɔ Yuda,+ efisɛ na asomdwoe wɔ ɔman no mu. Obiara ne no ammedi ako mfe no mu; Yehowa ma onyaa ɔhome.+  Enti ɔka kyerɛɛ Yuda sɛ: “Momma yɛnkyekye nkurow yi na yɛnto afasu+ ne aban+ wɔ ho nhyia, na yɛnyɛ aponkɛse ne mmeamu.+ Asase no da hɔ ma yɛn, efisɛ yɛahwehwɛ Yehowa, yɛn Nyankopɔn.+ Yɛahwehwɛ no nti, wama yɛanya ɔhome afã nyinaa ahyia.”+ Ɛnna wɔkyekyee, na esii wɔn yiye.+  Asa nyaa asraafodɔm a wofi Yuda a wokurakura akyɛm akɛse+ ne mpeaw,+ nnipa mpem ahasa.+ Benyamin mu nso, onyaa nnipa mpem ahanu aduɔwɔtwe+ a wokurakura nkatabo na wonim agyan+ tow. Wɔn nyinaa yɛ mmarima akokodurufo a wɔn ho yɛ den.  Akyiri yi, Etiopiani+ Sera de asraafodɔm ɔpepem biako+ ne nteaseɛnam ahasa baa wɔn so, na wɔbae ara beduu Maresa.+ 10  Ɛnna Asa fii adi kohyiaa no, na wokotwaa mpasua, Sefata bon no mu, wɔ Maresa. 11  Na Asa su frɛɛ Yehowa, ne Nyankopɔn+ sɛ: “O Yehowa, ɛnyɛ den mma wo sɛ wobɛboa nnipa, sɛ́ wɔdɔɔso anaa wonni ahoɔden.+ O Yehowa yɛn Nyankopɔn, boa yɛn, na wo so na yɛde yɛn ani ato;+ wo din mu+ na yɛaba saa dɔm yi so. O Yehowa, wone yɛn Nyankopɔn.+ Mma onipa desani nnni wo so nkonim.”+ 12  Enti Yehowa dii Etiopiafo so nkonim+ wɔ Asa ne Yuda anim, na Etiopiafo no guanee. 13  Ɛnna Asa ne nnipa a wɔka ne ho no tiw wɔn koduu Gerar,+ na Etiopiafo no totɔe kosii sɛ wɔn nyinaa wuwui. Wɔyɛɛ wɔn pasaa Yehowa+ ne n’asafo+ no anim. Afei wɔfaa asade bebree pa.+ 14  Bio nso, wobutuw nkurow a atwa Gerar ho ahyia no nyinaa, efisɛ Yehowa ho hu+ tɔɔ wɔn so; wɔfaa nkurow no nyinaa mu nneɛma efisɛ na asade pii wɔ mu.+ 15  Wobutuw mmoahwɛfo ntamadan+ nso, enti wonyaa+ nguan pii ne yoma,+ na wɔsan baa Yerusalem.

Ase Hɔ Nsɛm