Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

2 Beresosɛm 1:1-17

1  Dawid ba Solomon yɛɛ den n’ahenni mu,+ na Yehowa, ne Nyankopɔn dii n’akyi+ na ɔma ɔyɛɛ kɛse paa.+  Na Solomon kasa kyerɛɛ Israel nyinaa, apem apem+ ne ɔha ha+ so mpanyimfo, ne atemmufo+ ne Israel mpanyimfo+ a wɔyɛ agyanom abusuafie mpanyimfo+ nyinaa.  Ɛnna Solomon ne asafo a wɔka ne ho nyinaa kɔɔ sorɔnsorɔmmea a ɛwɔ Gibeon+ no; ɛhɔ na na nokware Nyankopɔn ahyiae ntamadan+ a Yehowa akoa Mose+ yɛe wɔ sare so no wɔ.  Nokware Nyankopɔn adaka+ no de, na Dawid akɔfa afi Kiriat-Yearim+ aba faako a Dawid siesie maa no+ no, efisɛ na wasi ntamadan ama no wɔ Yerusalem.+  Ná kɔbere afɔremuka+ a Hur+ ba Uri ba Besalel+ yɛe no si Yehowa ntamadan no anim, na ɛhɔ na Solomon ne asafo no hwehwɛɛ Onyankopɔn akyi kwan daa.  Ɛnna Solomon bɔɔ afɔre wɔ hɔ maa Yehowa, kɔbere afɔremuka a ɛwɔ ahyiae ntamadan no anim no so, na ɔde mmoa apem bɔɔ ɔhyew afɔre wɔ so.+  Saa anadwo no, Onyankopɔn yii ne ho adi kyerɛɛ Solomon na ɔka kyerɛɛ no sɛ: “Bisa me nea wopɛ! Dɛn na menyɛ mma wo?”+  Ɛnna Solomon ka kyerɛɛ Onyankopɔn sɛ: “Wo na woyɛɛ me papa Dawid+ adɔe kɛse na woayɛ me ɔhene asi n’ananmu.+  O Yehowa Nyankopɔn, ma bɔ a wohyɛɛ me papa Dawid no mmra mu;+ wo na woasi me hene+ nnipa dodow yi so, nnipa a wɔn dodow te sɛ asase so anhwea+ yi. 10  Ma me nyansa ne nimdeɛ+ a mede bedi ɔman yi anim de wɔn akɔ de wɔn aba,+ efisɛ ɛnyɛ wo a, anka hena na obetumi abu wo man kɛse yi atɛn?”+ 11  Ɛnna Onyankopɔn ka kyerɛɛ Solomon sɛ: “Esiane sɛ eyi na ɛwɔ wo komam,+ na woammisa ahonyade anaa sika ne anuonyam anaa w’atamfo kra anaa nna dodow,+ na mmom woabisa nyansa ne nimdeɛ sɛ wode bebu me man a mede wo asi wɔn so hene no atɛn+ nti, 12  nyansa ne nimdeɛ no, mede rema wo,+ na ahonyade ne sika ne anuonyam nso, mɛma wo nea ahene a wodii w’anim no biara annya bi da,+ na obiara a obedi w’akyi aba nso rennya bi.”+ 13  Ɛnna Solomon fi sorɔnsorɔmmea a ɛwɔ Gibeon+ no, ahyiae ntamadan+ no anim, baa Yerusalem, na ɔkɔɔ so dii Israel so.+ 14  Na Solomon boaboaa nteaseɛnam ne apɔnkɔ ano, na onyaa nteaseɛnam apem ahanan ne apɔnkɔ mpem dumien,+ na ɔde ne nyinaa kɔɔ nteaseɛnam nkurow+ mu ne ɔhene nkyɛn wɔ Yerusalem. 15  Na ɔhene maa dwetɛ ne sika dɔɔso pii wɔ Yerusalem sɛ abo,+ na ɔmaa nkyeneduru dɔɔso pii sɛ sikamɔɔ nnua+ a ɛwɔ Sefela.+ 16  Apɔnkɔ a Solomon kra fii Egypt+ bae no nso, ɔhene aguadifo no kɔtɔɔ apɔnkɔkuw biara sɛnea wɔn bo te.+ 17  Ná wɔtɔ nteaseɛnam a wɔde fi Egypt bae no biara nnwetɛbona ahansia, na wɔtɔ ɔpɔnkɔ biara nso nnwetɛbona ɔha aduonum. Saa na Hitifo ahene ne Siria ahene yɛe.+ Wɔnam aguadifo no so na wɔkrae.

Ase Hɔ Nsɛm