Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Yohane 4:1-21

4  Adɔfo, munnnye honhom mu nsɛm nyinaa nnni,+ na mmom monsɔ honhom mu nsɛm no nhwɛ sɛ efi Onyankopɔn anaa,+ efisɛ atoro adiyifo bebree aba wiase.+  Muhu honhom mu nsɛm a efi Onyankopɔn hɔ+ saa kwan yi so: Honhom mu nsɛm biara a ɛpae mu ka sɛ Yesu Kristo baa ɔhonam mu no fi Onyankopɔn,+  na honhom mu nsɛm biara a ɛmpae mu nka Yesu ho asɛm no mfi Onyankopɔn.+ Afei nso, eyi ne honhom mu nsɛm a efi nea otia Kristo no a moate sɛ ɛreba,+ na seesei anya aba wiase no.+  Mma nkumaa, mufi Onyankopɔn mu, na moadi saa nkurɔfo no so,+ efisɛ nea ɔwɔ mo afã+ no sõ+ sen nea ɔwɔ wiase+ no afã.  Wɔn de, wofi wiase;+ eyi nti na wɔka nsɛm a efi wiase na wiase tie wɔn no.+  Yɛn de, yefi Onyankopɔn.+ Nea onya Onyankopɔn ho nimdeɛ no tie yɛn;+ nea omfi Onyankopɔn no ntie yɛn.+ Saa kwan yi so na yehu honhom mu nsɛm a ɛyɛ nokware ne honhom mu nsɛm a ɛyɛ nnaadaa.+  Adɔfo, momma yɛnnodɔ yɛn ho,+ efisɛ ɔdɔ+ fi Onyankopɔn, na obiara a ɔwɔ ɔdɔ no Onyankopɔn na awo no+ na onya Onyankopɔn ho nimdeɛ.+  Nea ɔnnɔ no nnim Onyankopɔn, efisɛ Onyankopɔn ne dɔ.+  Eyi mu na woyii Onyankopɔn dɔ adi wɔ yɛn ho,+ efisɛ Onyankopɔn somaa ne Ba a ɔwoo no koro+ no baa wiase sɛ yɛmfa ne so nnya nkwa.+ 10  Eyi mu na ɔdɔ no wɔ, ɛnyɛ sɛ yɛn na yɛdɔɔ Onyankopɔn, na mmom ɔno na ɔdɔɔ yɛn na ɔsomaa ne Ba bae sɛ ɔmfa ne nkwa mmɛbɔ afɔre+ mpata+ mma yɛn bɔne.+ 11  Adɔfo, sɛ saa na Onyankopɔn dɔɔ yɛn a, ɛnde na ɛyɛ yɛn asɛde sɛ yɛdodɔ yɛn ho.+ 12  Obiara nhuu Onyankopɔn da.+ Sɛ yɛkɔ so dodɔ yɛn ho a, na Onyankopɔn te yɛn mu, na ne dɔ wie pɛyɛ wɔ yɛn mu.+ 13  Eyi na ɛma yehu sɛ yɛne no yɛ biako+ na ɔno nso ne yɛn yɛ biako,+ efisɛ ɔde ne honhom ama yɛn.+ 14  Bio nso, yɛn ankasa ahu+ na yɛadi ho adanse+ sɛ Agya no asoma ne Ba no sɛ wiase Agyenkwa.+ 15  Obiara a ɔpae mu ka sɛ Yesu Kristo ne Onyankopɔn Ba no,+ Onyankopɔn ne no yɛ biako, na ɔno nso ne Onyankopɔn yɛ biako.+ 16  Na yɛn ankasa abehu, na yɛagye ɔdɔ+ a Onyankopɔn wɔ ma yɛn no adi. Onyankopɔn ne dɔ,+ na obiara a ɔte ɔdɔ+ mu no ne Onyankopɔn yɛ biako, na Onyankopɔn ne no yɛ biako.+ 17  Saa kwan yi so na ɔdɔ wie pɛyɛ yɛn mu, na ama yɛatumi akasa ahotoso mu+ atemmu da no,+ efisɛ sɛnea ɔno te no, saa na yɛn ankasa nso te wɔ wiase yi mu.+ 18  Ehu biara nni ɔdɔ mu,+ na mmom ɔdɔ a ɛyɛ pɛ pam ehu,+ efisɛ ehu de ahohia na ɛba. Nokwarem no, nea ehu aka no no nwiee pɛyɛ wɔ ɔdɔ mu.+ 19  Yɛn de, yɛwɔ ɔdɔ, efisɛ ɔno na odii kan dɔɔ yɛn.+ 20  Sɛ obi ka sɛ: “Medɔ Onyankopɔn” na ɔtan ne nua a, ɔyɛ ɔtorofo.+ Efisɛ nea ɔnnɔ ne nua+ a ohu no no rentumi nnɔ Onyankopɔn a onhu no.+ 21  Na eyi ne ahyɛde a yɛanya afi ne hɔ,+ sɛ nea ɔdɔ Onyankopɔn no, ɛsɛ sɛ ɔdɔ ne nua nso.+

Ase Hɔ Nsɛm