Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Yohane 2:1-29

2  Me mma nkumaa, merekyerɛw mo eyinom na moanyɛ bɔne.+ Nanso sɛ ɛba sɛ obi yɛ bɔne bi a, yɛwɔ ɔboafo+ Agya no nkyɛn, ɔtreneeni Yesu Kristo.+  Ɔno ne yɛn bɔne+ ho mpata+ afɔre,+ na ɛnyɛ yɛn de nko,+ na mmom wiase nyinaa nso de bi.+  Nea ɛma yehu sɛ yenim no ne sɛ yɛbɛkɔ so adi n’ahyɛde so.+  Nea ɔka sɛ: “Minim no,”+ nanso onni n’ahyɛde so+ no yɛ ɔtorofo, na nokware no nni ne mu.+  Na mmom obiara a odi n’asɛm so no,+ nokwarem no, saa onipa yi mu na Onyankopɔn dɔ wie pɛyɛ.+ Eyi na ɛma yehu sɛ yɛne no yɛ biako.+  Nea ɔka sɛ ɔne no yɛ biako no,+ ɛyɛ n’asɛde nso sɛ ɔkɔ so nantew sɛnea onii no nantewee no.+  Adɔfo, nea merekyerɛw abrɛ mo yi nyɛ ahyɛde foforo, na mmom ahyɛde dedaw+ a munya fii mfiase.+ Ahyɛde dedaw yi ne asɛm a motee no.  Bio nso, merekyerɛw mo ahyɛde foforo, a ɛyɛ nokware wɔ ɔno ne mo nyinaa fam efisɛ esum+ retwam na nokware hann+ rehyerɛn dedaw.  Nea ɔka sɛ ɔwɔ hann mu nanso ɔtan+ ne nua no wɔ sum mu besi sesɛɛ.+ 10  Nea ɔdɔ ne nua no te hann mu,+ na hintidua biara nni ne mu.+ 11  Na nea ɔtan ne nua no te sum mu na ɔnam esum mu,+ na onnim baabi a ɔrekɔ+ efisɛ esum no afura n’ani. 12  Mma nkumaa, merekyerɛw mo efisɛ wɔde mo bɔne afiri mo, ne din nti.+ 13  Agyanom, merekyerɛw mo efisɛ moabehu nea ɔwɔ hɔ fi mfiase no.+ Mmerante,+ merekyerɛw mo efisɛ moadi ɔbɔnefo no so nkonim.+ Mmofra nkumaa,+ merekyerɛw mo efisɛ moabehu Agya no.+ 14  Agyanom,+ merekyerɛw mo efisɛ moabehu nea ɔwɔ hɔ fi mfiase no.+ Mmerante, merekyerɛw mo efisɛ mo ho yɛ den+ na Onyankopɔn asɛm wɔ mo mu,+ na moadi ɔbɔnefo no so nkonim.+ 15  Monnnɔ wiase anaa nneɛma a ɛwɔ wiase.+ Sɛ obi dɔ wiase a, Agya no dɔ nni ne mu;+ 16  efisɛ nea ɛwɔ wiase biara+—ɔhonam akɔnnɔ+ ne aniwa akɔnnɔ+ ne asetena mu nneɛma a nnipa de hoahoa wɔn ho+—emfi Agya no, na mmom efi wiase.+ 17  Afei nso wiase ne n’akɔnnɔ retwam,+ na nea ɔyɛ ade a Onyankopɔn pɛ+ no tena hɔ daa.+ 18  Mmofra nkumaa, dɔn a edi akyiri ni,+ na sɛnea moate sɛ nea otia Kristo reba no,+ saa na seesei mpo wɔn a wotia Kristo bebree aba;+ na eyi na ɛma yehu sɛ dɔn a edi akyiri no ni. 19  Wofi yɛn mu na ɛkɔe, nanso na wɔnka yɛn ho;+ sɛ wɔka yɛn ho a, anka wɔne yɛn tenae.+ Nanso wofi kɔe na ada adi pefee sɛ ɛnyɛ obiara na ɔka yɛn ho.+ 20  Na mo de, ɔkronkronni no asra mo;+ na mo nyinaa mowɔ nimdeɛ.+ 21  Ɛnyɛ sɛ munnim nokware no+ nti na merekyerɛw mo, na mmom nim a munim,+ ne atoro biara a emfi nokware mu+ ntia. 22  Sɛ ɛnyɛ nea ɔpo Yesu sɛ ɔno ne Kristo no a,+ hena bio na ɔyɛ ɔtorofo? Oyi na otia Kristo no,+ nea ɔpo Agya no ne Ɔba no.+ 23  Obiara a ɔpo Ɔba no nni Agya no nso.+ Nea ɔpae mu bɔ Ɔba no din+ no wɔ Agya no nso.+ 24  Mo de, momma nea moate fi mfiase no ntena mo mu.+ Sɛ nea moate fi mfiase no tena mo mu a, mo nso mobɛtena Ɔba no mu+ na moatena Agya no mu.+ 25  Bio nso, eyi ne ade a ɔno ankasa de hyɛɛ yɛn bɔ no, daa nkwa.+ 26  Nea merekyerɛw mo yi fa wɔn a wɔpɛ sɛ wɔdaadaa mo no ho.+ 27  Na mo de, ɔsra+ a munya fii ne hɔ no te mo mu, na enhia sɛ obi kyerɛkyerɛ mo;+ mmom sɛnea ɔsra a munya fii ne hɔ no kyerɛkyerɛ mo nneɛma nyinaa+ na ɛyɛ nokware+ na ɛnyɛ atoro no, sɛnea ɛkyerɛkyerɛɛ mo no, mo ne nea ɔsraa mo no nyɛ biako.+ 28  Enti afei, mma nkumaa,+ mo ne no nyɛ biako+ na sɛ wɔda no adi+ a, yɛatumi akasa ahotoso mu,+ na wɔanhyɛ yɛn aniwu na yɛamfi n’anim bere a waba no.+ 29  Sɛ munim sɛ ɔyɛ ɔtreneeni+ a, muhu sɛ obiara a ɔyɛ adetrenee no, ɔno na ɔwoo no.+

Ase Hɔ Nsɛm