Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Yohane 1:1-10

1  Nea na ɛwɔ hɔ fi mfiase+ a yɛate,+ nea yɛde yɛn ani ahu,+ nea yɛahwɛ no+ yiye na yɛde yɛn nsa aka+ wɔ nkwa asɛm no ho no,+  (yiw, woyii nkwa no adi kyerɛe,+ na yɛahu redi adanse,+ na yɛreka daa nkwa+ a na ɛwɔ Agya no nkyɛn a woyii no adi kyerɛɛ yɛn no ho asɛm akyerɛ mo,)  nea yɛahu na yɛate no na yɛreka akyerɛ mo nso,+ na mo nso mo ne yɛn anya ayɔnkofa.+ Bio nso saa ayɔnkofa+ yi wɔ yɛne Agya no ne ne Ba Yesu Kristo ntam.+  Enti yɛrekyerɛw eyinom na yɛn anigye adi mu.+  Na asɛm a yɛate afi ne nkyɛn a yɛrebɔ mo amanneɛ ne sɛ,+ Onyankopɔn yɛ hann+ na esum biara nni no mu.+  Sɛ yɛka sɛ: “Yɛne no wɔ ayɔnkofa,” na sɛ yɛkɔ so nantew sum mu a,+ na yɛredi atoro na yenni nokware.+  Nanso sɛ yɛnam hann mu sɛnea ɔno ankasa wɔ hann+ mu no a, ɛnde na ayɔnkofa wɔ yɛn ntam,+ na ne Ba Yesu mogya+ hohoro+ yɛn ho fi bɔne nyinaa ho.+  Sɛ yɛka sɛ: “Bɔne nni yɛn ho”+ a, yɛredaadaa yɛn ho,+ na nokware no nni yɛn mu.  Sɛ yɛka yɛn bɔne+ a, ɔyɛ ɔnokwafo ne ɔtreneeni sɛ ɔde yɛn bɔne befiri yɛn na wahohoro yɛn ho afi nea ɛnteɛ nyinaa ho.+ 10  Sɛ yɛka sɛ: “Yɛnyɛɛ bɔne” a, na yɛrema wadan ɔtorofo, na n’asɛm nni yɛn mu.+

Ase Hɔ Nsɛm