Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Timoteo 6:1-21

6  Ma nkoa dodow a wɔwɔ kɔndua ase no nkɔ so mmu wɔn wuranom sɛ wɔfata nidi+ a edi mũ, na amma wɔankeka Onyankopɔn din ne nkyerɛkyerɛ no ho nsɛmmɔne.+  Bio nso, mma wɔn a wɔwɔ awuranom+ gyidifo no mmmu wɔn animtiaa+ esiane sɛ wɔyɛ anuanom+ nti. Mmom no, wonyi wɔn yam nsom, efisɛ wɔn a wonya wɔn adwuma pa so mfaso no yɛ gyidifo ne adɔfo. Kɔ so kyerɛkyerɛ eyinom+ na fa afotu yi ma.  Sɛ obi kyerɛ nkyerɛkyerɛ foforo+ na wannye yɛn Awurade Yesu Kristo nsɛm a ɛyɛ papa+ no ne nkyerɛkyerɛ a ɛfata onyamesom pa+ antom a,  wama ne ho so,+ ɔnte hwee ase,+ na akyinnyegye ne nsɛm ho mansotwe+ asɛe n’adwene.+ Nea efi mu ba ne anibere,+ ntawntawdi, ɔkasatia,+ nnipa ho adwemmɔne,  nneɛma a ɛho nhia ho manso a nnipa a wɔn adwene asɛe+ na nokware+ abɔ wɔn twe, na wosusuw sɛ onyamesom pa yɛ ade a wɔde pɛ mfaso.+  Nokwasɛm ni, mfaso+ kɛse wɔ onyamesom pa+ ne nea obi wɔ a ɔma n’ani sɔ so.+  Efisɛ yɛamfa hwee amma wiase, na yɛrentumi nso mfa hwee mfi mu nkɔ.+  Enti sɛ yɛwɔ yɛn ano aduan ne nea yɛde kata yɛn ho a, yɛbɛma ɛno ara adɔɔso ama yɛn.+  Nanso, wɔn a wɔn ani abere sɛ wɔbɛyɛ adefo no hwe sɔhwɛ+ ne afiri ne nkwasea akɔnnɔ+ a ɛyɛ hu bebree mu, na ɛno na ɛde nnipa kɔ ɔsɛe pasaa mu.+ 10  Na sikanibere+ yɛ bɔne nyinaa+ ntini,+ na ebinom adi akyi ma wɔayera afi gyidi no ho ma wɔde yaw bebree awowɔ wɔn ho nyinaa.+ 11  Nanso wo, Onyankopɔn nipa de, guan fi eyinom ho.+ Mmom no, di adetrenee, onyamesom pa, gyidi, ɔdɔ, boasetɔ, ne odwo+ honhom akyi. 12  Ko gyidi+ ko pa no, so daa nkwa a enti wɔfrɛɛ wo a wode ho baguam mpaemuka+ pa mae wɔ adansefo pii anim no mu denneennen. 13  Migyina Onyankopɔn a ɔma nneɛma nyinaa nkwa no ne Kristo Yesu, ɔdansefo+ a ogyinaa Pontio Pilato anim+ de mpaemuka+ pa mae, no anim hyɛ wo+ 14  sɛ di ahyɛde no so a womma nkekae anaa asɛm biara mma ho kosi yɛn Awurade Yesu Kristo ahoyi+ mu. 15  Saa ahoyi yi na Obirɛmpɔn+ koro pɛ a ɔwɔ anigye no bɛda no adi wɔ mmere a wɔahyɛ+ mu, nea ɔyɛ ahene mu Hene+ ne awuranom mu Awurade+ no, 16  nea ne nkutoo wɔ nkwa a owu nnim,+ na ɔte hann+ a wontumi mmɛn ho mu, nea onipa biako mpo nhuu no da na obiara ntumi nhu no no.+ Ɔno na nidi+ ne daa tumi wɔ no. Amen. 17  Kasa kyerɛ wɔn a wɔyɛ adefo+ wɔ wiase yi mu sɛ wonnnwen akokurokosɛm,+ nso wɔmmfa wɔn ani nnto ahonyade+ a enni nnyinaso so, na mmom wɔmfa nto Onyankopɔn a ɔma yɛn ade nyinaa ma ebu so ma yɛn ani gye no so;+ 18  wɔnyɛ papa,+ wɔnyɛ adefo nnwuma pa+ mu, wommue wɔn nsam, na wɔnkyɛ ade,+ 19  na wɔnto fapem+ pa nsie+ yiye mma daakye, na ama wɔatumi aso nkwa ankasa no mu denneennen.+ 20  O Timoteo, bɔ nea wɔde ahyɛ wo nsa no ho ban,+ na po nsɛnhunu a etia akronkronne ne akyinnye a ɛfa nea wodi atoro frɛ no “nimdeɛ” ho no.+ 21  Saa nimdeɛ no a ebinom de tuu wɔn ho no ama wɔaman afi gyidi+ no ho. Adom nka mo.

Ase Hɔ Nsɛm