Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Tesalonikafo 3:1-13

3  Enti bere a yɛantumi annyina ano bio no, yehui sɛ eye sɛ wogyaw yɛn wɔ Atene;+  na yɛsomaa Timoteo+ a ɔyɛ yɛn nua ne Onyankopɔn somfo wɔ Kristo asɛmpa+ mu no, sɛ ɔmmɛhyɛ mo den na ɔnkyekye mo werɛ mo gyidi ho,  sɛnea ɛbɛyɛ a ahohia+ yi mma obi nhinhim. Efisɛ mo ankasa munim sɛ eyi ara na etwa sɛ yehyia.+  Nokwarem no, bere a yɛwɔ mo nkyɛn no nso yɛhyɛɛ mo ase+ sɛ etwa sɛ yɛfa ahohia mu,+ sɛnea esii na munim no.+  Ɛno nti na bere a mantumi annyina ano bio no, mesomae na ama mahu mo nokwaredi,+ efisɛ anhwɛ a, na Ɔsɔhwɛfo+ no asɔ mo ahwɛ ama yɛn adwumaden no ayɛ kwa.+  Nanso afei ara na Timoteo afi mo hɔ aba yɛn nkyɛn+ abɛka mo nokwaredi ne mo dɔ+ ho asɛmpa ne sɛnea mokɔ so kae yɛn yiye bere nyinaa, na mo ani agyina pɛ sɛ muhu yɛn sɛnea yɛn nso yɛpɛ sɛ yehu mo no.+  Anuanom, ɛno nti na nokwaredi a moda no adi no ama yɛanya mo ho awerɛkyekye+ wɔ yɛn ahokyere ne ahohia nyinaa mu no,+  efisɛ sɛ mugyina pintinn Awurade mu a, yenya ahoɔden tena ase.+  Na aseda bɛn na mo nti yebetumi de ama Onyankopɔn de atua mo ho anigye+ a yɛrenya wɔ Onyankopɔn anim no ho ka, 10  bere a anadwo ne awia yɛsrɛe+ denneennen sɛ yebehu mo anim na nea aka mu wɔ mo gyidi ho no, yɛahyɛ no mã?+ 11  Afei, yɛn Nyankopɔn ne yɛn Agya ankasa, ne yɛn Awurade Yesu+ nnyigye yɛn taataa mmra mo nkyɛn. 12  Bio nso, Awurade mma mo dɔ+ nnɔɔso na ɛmmoro so+ mma mo ho mo ho ne obiara, sɛnea yɛn nso yɛda no adi kyerɛ mo no; 13  sɛnea ɛbɛyɛ a ɔbɛma mo koma ayɛ pintinn, na ayɛ kronn a ɛho nni asɛm,+ yɛn Nyankopɔn ne yɛn Agya anim bere a yɛn Awurade Yesu aba+ a n’akronkronfo nyinaa ka ne ho no.+

Ase Hɔ Nsɛm