Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Tesalonikafo 2:1-20

2  Nokwasɛm ni, anuanom, mo ankasa munim sɛnea mo nkyɛn a yɛbae no+ anyɛ kwa,+  na mmom yɛn Nyankopɔn mmoa so yenyaa akokoduru de kaa+ Onyankopɔn asɛmpa no kyerɛɛ mo ɔbrɛ pii mu, bere a yehuu amane mfiase,+ na wɔbɔɔ yɛn adapaa+ (sɛnea munim) wɔ Filipi no.+  Na afotusɛm a yɛde ma no mfi atosɛm anaa ade a ɛho ntew mu,+ na ennyina nnaadaa so nso,  na mmom sɛnea Onyankopɔn akari yɛn ahu sɛ yɛfata sɛ ɔde asɛmpa no hyɛ yɛn nsa no,+ saa ara na yɛkasa, ɛnyɛ sɛ wɔn a wɔsɔ nnipa ani,+ na mmom wɔn a wɔsɔ Onyankopɔn a ɔkari yɛn koma hwɛ no ani.+  Nokwasɛm ne sɛ, (sɛnea munim no) yɛmfaa adɛfɛdɛfɛsɛm+ anaasɛ anibere+ a wɔakata so+ mmaa mo anim da; Onyankopɔn ne ɔdansefo!  Saa ara nso na yɛnhwehwɛ nnipa anim anuonyam+ mfi mo anaa afoforo nkyɛn, ɛwom, anka yebetumi ayɛ adesoa+ kɛse sɛ Kristo asomafo.  Mmom no, yɛyɛɛ mo brɛbrɛ sɛnea ɔbaatan ma n’ani kũ+ n’ankasa mma ho no.  Enti, esiane sɛ yɛwɔ ayamhyehye ma mo nti,+ ɛnyɛ Onyankopɔn asɛmpa no nko na yɛn ani gyee ho yiye sɛ yɛde bɛma mo, na mmom yɛn ankasa kra nso,+ efisɛ mobɛyɛɛ yɛn adɔfo.+  Nokwasɛm ni, mokae yɛn adwumaden ne yɛn brɛ. Nea ɛbɛyɛ na yɛremfa adesoa kɛse nto mo mu biara so no,+ yɛyɛɛ adwuma+ anadwo ne awia na yɛatumi aka Onyankopɔn asɛmpa no akyerɛ mo. 10  Moyɛ adansefo, Onyankopɔn nso saa ara, sɛ yɛyɛɛ anokwafo ne treneefo ne wɔn a wɔn ho nni asɛm+ maa mo a moyɛ gyidifo no. 11  Nea ɛne no hyia no, munim sɛnea yɛkɔɔ so tuu mo mu biara fo+ sɛnea agya+ yɛ ne mma, na yɛkyekyee mo werɛ dii mo adanse, 12  sɛnea ɛbɛyɛ na moakɔ so anantew+ sɛnea ɛsɛ Onyankopɔn a ɔrefrɛ+ mo akɔ n’ahenni+ ne n’anuonyam mu no. 13  Nokwarem no, ɛno nso nti na yɛda Onyankopɔn ase daa,+ efisɛ bere a mugyee Onyankopɔn asɛm+ a mote fii yɛn hɔ no, moannye no sɛ nnipa asɛm,+ na mmom sɛ Onyankopɔn asɛm, sɛnea ɛte ankasa, na ɛno nso na ɛyɛ adwuma wɔ mo a moyɛ gyidifo no mu.+ 14  Na anuanom, musuasuaa Onyankopɔn asafo ahorow a ɛwɔ Yudea no wɔ Kristo Yesu mu, efisɛ mo nso muhuu amane+ wɔ mo ankasa mo manfo nsam, sɛnea wɔn nso wohuu amane wɔ Yudafo nsam no; 15  wɔn na wokum Awurade Yesu+ mpo ne adiyifo no,+ na wɔtaa yɛn.+ Afei nso wɔnsɔ Onyankopɔn ani, na wɔko tia nnipa nyinaa yiyedi, 16  bere a wɔbɔ mmɔden sɛ wobesiw yɛn kwan+ na yɛankasa ankyerɛ amanaman mufo na wɔannye wɔn nkwa no,+ na ɛma wɔhyɛ wɔn bɔne mã+ bere nyinaa. Nanso afei de, n’abufuw aba wɔn so.+ 17  Anuanom, yɛn fam de, bere tiaa bi a wɔmaa yɛne mo dii ntetewmu ɔhonam mu na ɛnyɛ koma mu no, yɛbɔɔ yɛn ho mmɔden biara sɛ yebehu mo anim, wɔ anigyina pii mu.+ 18  Ne saa nti yɛpɛe sɛ yɛba mo nkyɛn; me Paulo, meyɛɛ saa nea edi kan ne ne mprenu so, nanso Satan twitwaree yɛn anan mu. 19  Na dɛn ne yɛn anidaso anaa yɛn anigye anaa yɛn ahurusidi abotiri+—so ɛnyɛ mo?—wɔ yɛn Awurade Yesu Kristo anim wɔ ne mmae mu?+ 20  Nokwasɛm ni, mone yɛn anuonyam ne yɛn anigye.

Ase Hɔ Nsɛm