Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Samuel 8:1-22

8  Na ɛbae sɛ Samuel bɔɔ akora no, ɔde ne mma sisii Israel so+ atemmufo.  N’abakan din de Yoel,+ na nea ɔto so abien no din de Abia;+ wobuu atɛn wɔ Beer-Seba.  Ne mma amfa n’akwan so;+ wodii mfaso bɔne+ akyi, wogyee adanmude,+ na wɔdan atemmu ani.+  Na Israel mpanyimfo+ nyinaa boaa wɔn ho ano baa Samuel nkyɛn wɔ Rama.  Wɔka kyerɛɛ no sɛ: “Hwɛ! Wo de, woabɔ akora, na wo mma nso amfa w’akwan so. Enti si yɛn so hene+ na ommu yɛn atɛn sɛ aman a aka no nyinaa.”  Na ɛyɛɛ Samuel ani so bɔne sɛ wɔkae sɛ: “Ma yɛn ɔhene na ommu yɛn atɛn” no, na Samuel bɔɔ Yehowa mpae.+  Ɛnna Yehowa ka kyerɛɛ Samuel+ sɛ: “Nea ɔman no aka nyinaa, tie wɔn+ efisɛ ɛnyɛ wo na wɔapo wo; me mmom na wɔapo me sɛ minnni wɔn so hene.+  Efi da a mede wɔn fi Egypt bae+ besi nnɛ, nea wɔayɛ de apo me+ akɔsom anyame foforo+ no nyinaa, saa ara na wɔde reyɛ wo yi.  Enti tie wɔn. Eyi nko na yɛ; bɔ wɔn kɔkɔ, na ka ɔhene a obedi wɔn so+ no kyɛfa kyerɛ wɔn.” 10  Na Samuel kaa Yehowa nsɛm no nyinaa kyerɛɛ ɔman a wɔabisa no ɔhene no. 11  Na ɔkae sɛ: “Eyi ne ɔhene a obedi mo so no kyɛfa:+ Ɔbɛfa mo mmabarima,+ na ɔde wɔn akɔ ne nteaseɛnam+ ne n’apɔnkɔsotefo+ mu, na ebinom betu mmirika adi ne nteaseɛnam anim;+ 12  ɔde wɔn bɛyɛ apem apem so ahwɛfo+ ne aduonum aduonum so ahwɛfo,+ na ebinom befuntum n’asase+ na wɔatwa ne nnɔbae,+ na wɔn na wɔbɛyeyɛ n’akode+ ne ne nteaseɛnam ho nneɛma.+ 13  Ɔde mo mmabea bɛyɛ sradehuam afrafo ne aduannoafo ne paanootofo.+ 14  Mo mfuw ne mo bobe nturo+ ne mo ngodua nturo+ mu nea eye no, ɔbɛfa na ɔde ama ne nkoa. 15  Na obegye mo mfuw mu aba ne mo bobeturo mu aba so ntotoso du du+ ama n’ahemfie mpanyimfo+ ne ne nkoa. 16  Ɔbɛfa mo nkoa ne mo mfenaa ne mo mmoa mu nea eye, ne mo mfurum de wɔn ayɛ n’adwuma.+ 17  Obegye mo nguan+ so ntotoso du du, na mobɛyɛ ne nkoa. 18  Na ɛda no, mo hene a moapaw no no nti, mubesu,+ nanso Yehowa rennye mo so saa da no.”+ 19  Nanso ɔman no antie Samuel,+ na wɔkae sɛ: “Dabi, ɔhene ara na obedi yɛn so. 20  Yɛn nso yɛbɛyɛ sɛ aman a aka no nyinaa,+ na yɛn hene bebu yɛn atɛn na wadi yɛn anim ako yɛn ko ama yɛn.” 21  Na Samuel tiee ɔman no nsɛm no nyinaa, na ɔka kyerɛɛ Yehowa.+ 22  Ɛnna Yehowa ka kyerɛɛ Samuel sɛ: “Tie wɔn na si ɔhene ma onni wɔn so.”+ Na Samuel ka kyerɛɛ Israel mmarima no sɛ: “Obiara nkɔ ne kurow mu.”

Ase Hɔ Nsɛm