Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Samuel 31:1-13

31  Ná Filistifo ne Israelfo reko,+ na Israel mmarima guan fii Filistifo no anim, na wɔtotɔe+ wɔ Bepɔw Gilboa+ so.  Filistifo no bɔ puaa Saul ne ne mma no, na Filistifo no nyaa Saul mma, Yonatan+ ne Abinadab+ ne Malki-Sua+ kum wɔn.  Ɔko no mu yɛɛ den maa Saul; eduu baabi no, agyantofo no, mmarima a wokura tadua no, nyaa no, na agyantofo no piraa no opira bɔne.+  Ɛnna Saul ka kyerɛɛ nea okura n’akode no sɛ: “Twe wo nkrante+ fa hwirew me mu na momonotofo+ yi ammehwirew me mu anyɛ me aninyanne.” Nanso n’akodekurafo no ampɛ sɛ ɔyɛ saa,+ efisɛ na ehu kɛse aka no. Enti Saul faa nkrante no na ɔhwee so.+  Bere a n’akodekurafo no hui sɛ Saul awu+ no, ɔno nso hwee ne nkrante so ne no wui.+  Saa na ɛyɛe a Saul ne ne mma baasa ne n’akodekurafo ne ne mmarima nyinaa wuwui saa da no.+  Bere a Israel mmarima a wɔwɔ asasetaw no so ne Yordan mpɔtam hɔ hui sɛ Israel asraafo no aguan, na Saul ne ne mma nso awuwu no, woguan fii wɔn nkurow no mu;+ ɛnna Filistifo no bae bɛtenatenaa hɔ.+  Ɛbae sɛ, ade kyee no, Filistifo no bae sɛ wɔrebeyiyi awufo+ no ho nneɛma, na wokopuee Saul ne ne mma baasa no so sɛ wɔawuwu gu Bepɔw Gilboa+ so.  Ɛnna wotwaa ne ti,+ faa n’akode, na wɔkɔɔ Filistifo asase so baabiara kɔbɔɔ wɔn abosom+ ne ɔmanfo no amanneɛ.+ 10  Afei wɔde n’akode+ no koguu Astoret+ ahoni fie, na wɔde n’amu kɔsɛn Bet-San+ ɔfasu ho. 11  Na nnipa a wɔwɔ Yebes-Gilead+ nyinaa tee nea Filistifo de ayɛ Saul. 12  Ntɛm ara na mmarima akokodurufo no nyinaa sɔre nantew anadwo no nyinaa kɔɔ hɔ, na wokoyii Saul amu ne ne mma no nso amu fii Bet-San ɔfasu no ho, na wɔbaa Yebes bɛhyewee wɔ hɔ.+ 13  Na wɔfaa wɔn nnompe+ kosiei+ wɔ tamarisk+ dua a ɛwɔ Yebes no ase, na wodii mmuada nnanson.+

Ase Hɔ Nsɛm