Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Petro 5:1-14

5  Enti mpanyimfo a wɔwɔ mo mu no nso, esiane sɛ meyɛ ɔpanyin+ te sɛ wɔn, ne Kristo amanehunu ho dansefo,+ na mewɔ kyɛfa wɔ anuonyam a wɔrebeyi no adi+ mu nti, mitu wɔn fo sɛ:  Monyɛn+ Onyankopɔn nguankuw+ a wɔhyɛ mo nsa no, ɛnyɛ ɔhyɛ so, na mmom mumfi mo pɛ mu;+ ɛnyɛ adifudepɛ nso nti,+ na mmom anigye so;  ɛnyɛ sɛ wɔn a wodi Onyankopɔn agyapade+ so bakoma,+ na mmom monyɛ nhwɛso mma nguankuw no.+  Na sɛ wɔda oguanhwɛfo panyin+ no adi a, moanya anuonyam abotiri+ a ɛnsɛe da.+  Saa ara na mo mmerante nso, mommrɛ mo ho ase+ nhyɛ mpanyimfo ase. Na mo nyinaa momfa ahobrɛase adwene mmɔ mo asen mfa nsonsom mo ho,+ efisɛ Onyankopɔn ne ahantanfo di asi, nanso ɔdom ahobrɛasefo.+  Enti mommrɛ mo ho ase nhyɛ Onyankopɔn nsa a tumi wom no ase na wama mo so bere a ɛsɛ mu;+  na montow mo dadwen+ nyinaa ngu no so, efisɛ odwen mo ho.+  Mo ani nna hɔ, monwɛn.+ Mo tamfo Ɔbonsam nenam sɛ gyata a ɔbobom apɛ obi amene no.+  Nanso momfa gyidi nnyina hɔ pintinn ne no nni asi,+ bere a munim sɛ amanehunu koro no ara na wɔde ba mo nuanom a wɔwɔ wiase nyinaa so no.+ 10  Na sɛ muhu amane kakra a,+ adom nyinaa Nyankopɔn a ɔfrɛɛ mo baa ne daa anuonyam mu+ wɔ Kristo mu+ no ankasa bewie mo ntetee, ɔbɛma mo ase atim,+ ɔbɛma moayɛ den.+ 11  Ɔno na tumi+ wɔ no daa. Amen. 12  Menam onua a mibu no nokwafo, Silwano,+ so akyerɛw mo nsɛm kakraa bi+ a mede bɛhyɛ mo nkuran adi mo adanse denneennen sɛ eyi ne Onyankopɔn adom no ankasa; ɛno mu na munnyina pintinn.+ 13  Nea ɔwɔ Babilon+ a wɔapaw no sɛ mo ara no kyia mo, na saa ara na me ba Marko+ nso kyia mo. 14  Momfa ɔdɔ mfewano nkyiakyia mo ho.+ Asomdwoe nka mo a mowɔ Kristo mu nyinaa.+

Ase Hɔ Nsɛm