Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Petro 2:1-25

2  Enti munyi bɔne+ ne nnaadaasɛm ne nyaatwomyɛ ne anibere ne anoɔyaw biara ngu,+  na te sɛ nkokoaa+ a wɔawo wɔn foforo no, munnya akɔnnɔ mma asɛm no mu nufusu+ a wɔmfraa mu no, na monam so anyin akɔ nkwagye+ mu,  bere a moaka ahwɛ sɛ Awurade yam ye no.+  Ɔno na moba ne nkyɛn sɛ ɔbo+ a ɛte ase a nnipa+ apo no,+ nanso Onyankopɔn apaw no a ɔsom bo ma no,+  na mo ankasa nso, wɔde mo resi honhom mu ofie+ sɛ abo a ɛte ase ama moabɛyɛ asɔfokuw kronkron, na moabɔ honhom mu afɔre+ a ɛsɔ Onyankopɔn ani afa Yesu Kristo so.+  Na ɛwɔ Kyerɛwnsɛm no mu sɛ: “Hwɛ mereto ɔbo bi Sion, ɔbo a wɔapaw, twea bo a wɔde to fapem, ɔbo a ɛsom bo; na obiara nni hɔ a onya ne mu gyidi a ne nsa besi fam.”+  Enti mo mmom na ɔsom bo ma mo, efisɛ moyɛ gyidifo; na wɔn a wonnye nni no de, “ɔbo koro no ara a adansifo no poe+ no abɛyɛ tweatibo,”+  ne “hintibo ne watiriw bo.”+ Eyinom hintiw efisɛ wɔyɛ asɛm no ho asoɔden. Ɛno nso nti na wɔayi wɔn asi hɔ.+  Nanso mo de, moyɛ “abusua a wɔapaw, adehye asɔfokuw, ɔman kronkron,+ nnipa a wɔde wɔn ayɛ agyapade soronko,+ sɛ monka” nea ɔfrɛɛ mo fii sum mu baa ne hann nwonwaso+ mu no “nneyɛe pa nkyerɛ.”+ 10  Mo na kan no na monyɛ ɔman, nanso seesei moyɛ Onyankopɔn man;+ mo na bere bi na wonhu mo mmɔbɔ, nanso seesei wɔahu mo mmɔbɔ.+ 11  Adɔfo, mitu mo fo sɛ ahɔho ne amamfrafo+ sɛ monkɔ so ntwe mo ho mfi ɔhonam akɔnnɔ+ a ɛne ɔkra no di asi no ho.+ 12  Munkura abrabɔ pa mu wɔ amanaman no mu,+ na ade a enti wɔkasa tia mo sɛ nnebɔneyɛfo no, wɔnam mo nnwuma pa+ a wɔn ankasa yɛ ho adansefo no so ahyɛ Onyankopɔn anuonyam ɛda a ɔbɛba abɛhwɛ sɛnea nneɛma te no.+ 13  Awurade nti mommrɛ mo ho ase+ mma nnipa nhyehyɛe nyinaa:+ sɛ́ ɛyɛ ɔhene+ a ɔyɛ otitiriw, 14  anaa amradofo a ɔsoma wɔn sɛ wɔnkɔtwe nnebɔneyɛfo aso na wonyi wɔn a wɔyɛ nnepa ayɛ.+ 15  Na eyi na Onyankopɔn pɛ, sɛ mode papayɛ bɛyɛ nnareka asiw nsɛnhunu a nnipa a wonni adwene keka no ano.+ 16  Monyɛ sɛ wɔn a wɔade wɔn ho,+ nanso mommfa mo ahofadi no nnyɛ bɔne nkataanim,+ na mmom sɛ Onyankopɔn nkoa.+ 17  Munni nnipa nyinaa ni,+ monnɔ anuanom nyinaa,+ munsuro Onyankopɔn,+ munni ɔhene ni.+ 18  Ofie asomfo mmrɛ wɔn ho ase+ mma wɔn wuranom osuro nyinaa mu,+ ɛnyɛ wɔn a woye na wɔwɔ ntease nko, na mmom wɔn a wɔn asɛm yɛ den nso. 19  Na sɛ esiane ahonim pa a obi pɛ sɛ onya wɔ Onyankopɔn anim nti odi awerɛhow na ohu amane a ɛnsɛ a, ɛsɔ ani.+ 20  Na sɛ moyɛ bɔne ma wɔboro mo na mode boasetɔ gyina mu a, mfaso bɛn na ɛwɔ so?+ Mmom sɛ adepa nti muhu amane+ na mode boasetɔ gyina mu a, ɛno na ɛsɔ Onyankopɔn ani.+ 21  Nokwarem no, eyi nti na wɔfrɛɛ mo, efisɛ Kristo mpo huu amane maa mo,+ na ogyaw mo nhwɛso sɛ munni n’anammɔn akyi pɛɛ.+ 22  Wanyɛ bɔne biara,+ na wɔanhu nnaadaasɛm nso wɔ n’anom.+ 23  Bere a wɔsopaa no no,+ wanyɛ bi antua ka.+ Bere a ɔrehu amane no,+ wanhunahuna obiara, na mmom ɔkɔɔ so de ne ho hyɛɛ nea+ obu atɛntrenee no nsa. 24  Ɔno ara na ɔsoaa yɛn bɔne+ wɔ n’ankasa honam mu wɔ dua+ no so sɛnea ɛbɛyɛ a wobegye yɛn afi bɔne mu+ na yɛatena ase ama trenee. Na “ɛnam n’atape so na wɔsaa mo yare.”+ 25  Na anka mote sɛ nguan a wɔayera;+ nanso seesei moasan aba mo kra hwɛfo+ ne wɛmfo nkyɛn.

Ase Hɔ Nsɛm