Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Petro 1:1-25

1  Petro a ɔyɛ Yesu Kristo somafo+ no de kɔma amamfrafo+ a wɔabɔ apete+ Ponto, Galatia, Kapadokia,+ Asia, ne Bitinia, wɔn a wɔapaw wɔn+  sɛnea Agya Onyankopɔn hu siei no,+ wɔ honhom ahotew mu,+ na ama wɔayɛ osetie na wɔapete+ Yesu Kristo mogya+ wɔ wɔn so: Adom ne asomdwoe nnɔɔso mma mo.+  Nhyira nka yɛn Awurade Yesu Kristo Agya ne ne Nyankopɔn,+ efisɛ ne mmɔborɔhunu nti ɔnam nyane a wɔynanee Yesu Kristo fii awufo mu no so awo yɛn foforo+ kɔ anidaso a nkwa wom+ mu denam nyan a wonyan+ Yesu Kristo fii awufo mu no so  na ama yɛanya agyapade a ɛmporɔw na efĩ nni ho na ɛnsɛe.+ Wɔakora so wɔ ɔsoro ama mo+  a Onyankopɔn tumi nam gyidi so hwɛ mo so+ kɔ nkwagye+ a wɔrebeyi no adi+ wɔ mmere a edi akyiri mu no mu.+  Eyi mu na mudi ahurusi kɛse, ɛwom sɛ seesei de, etwa sɛ wɔde sɔhwɛ ahorow how mo werɛ kakra,+  sɛnea ɛbɛyɛ a wobehu sɛ mo gyidi a wɔasɔ ahwɛ,+ a ɛsom bo sen sika a wɔasɔ ahwɛ wɔ ogya mu+ nanso ɛsɛe no de ayeyi ne anuonyam ne nidi bɛba wɔ Yesu Kristo ahoyi+ mu.  Ɛwom sɛ munhuu no da de, nanso modɔ no.+ Seesei munhu no de, nanso mugye no di, na mode anigye a enni kabea a anuonyam wom di ahurusi kɛse,  bere a mo nsa ka mo gyidi awiei a ɛne mo kra nkwagye no.+ 10  Saa nkwagye yi na adiyifo a wɔhyɛɛ adom a mubenya+ no ho nkɔm+ no de mmɔdenbɔ hwehwɛɛ mu,+ pɛɛpɛɛ mu yiye. 11  Wɔkɔɔ so hwehwɛɛ mu hwɛɛ bere pɔtee+ anaa bere ko a honhom+ a ɛwɔ wɔn mu no kyerɛ wɔ Kristo ho+ bere a edii Kristo amanehunu+ ne anuonyam+ a ebedi so aba ho adanse no. 12  Woyii no adi kyerɛɛ wɔn sɛ ɛnyɛ wɔn ho na wɔsomee,+ na mmom mo na wɔde nneɛma a afei na wɔaka ho asɛm no resom mo,+ denam wɔn a wɔde honhom kronkron+ a wɔsoma fii soro kaa asɛmpa kyerɛɛ mo no so. Eyinom mu na abɔfo pɛ sɛ wɔpɛɛpɛe.+ 13  Enti munsiesie mo adwene mma adwuma kɛse,+ momma mo ani nna hɔ yiye;+ momfa mo ani nto adom+ a mo nsa bɛka wɔ Yesu Kristo ahoyi+ mu no so. 14  Monyɛ sɛ mma a wɔyɛ osetie, na munnni+ akɔnnɔ a na mowɔ bere a na munnim hwee no akyi, 15  na mmom sɛnea Ɔkronkronni a ɔfrɛɛ mo no te no, mo nso monyɛ kronkron mo nneyɛe nyinaa mu,+ 16  efisɛ wɔakyerɛw sɛ: “Monyɛ kronkron, efisɛ meyɛ kronkron.”+ 17  Bio nso, sɛ mofrɛ Agya a ɔnhwɛ nnipa anim+ na obu atɛn sɛnea obiara adwuma te no a, momfa osuro+ mmɔ mo bra bere a mode te ase sɛ ahɔho no.+ 18  Na munim sɛ ɛnyɛ nneɛma a ɛsɛe,+ dwetɛ anaa sika, na wɔde gyee mo+ fii mo abrabɔ hunu a mo agyanom de gyaw mo no mu. 19  Mmom no ɛnam mogya a ɛsom bo so,+ te sɛ oguammaa a dɛm ne nkekae biara nni ne ho,+ Kristo+ ankasa de. 20  Ɛyɛ nokware sɛ na wonim no dedaw ansa na wɔrehyɛ wiase ase,+ nanso woyii no adi awiei bere mu esiane mo nti,+ 21  mo a monam no so abegye Onyankopɔn a onyan no fii awufo+ mu hyɛɛ no anuonyam+ no adi no,+ na mo gyidi ne anidaso atena Onyankopɔn mu.+ 22  Afei a moayɛ aso ama nokware no de adwira+ mo kra a nea afi mu aba ne onuadɔ a nyaatwom nnim no,+ mumfi komam+ nnodɔ mo ho mo ho denneennen. 23  Na wɔawo mo foforo,+ nanso ɛnyɛ aba+ a ɛporɔw+ mu na mmom nea ɛmporɔw+ mu, denam Onyankopɔn teasefo a ɔte hɔ daa+ no asɛm+ so. 24  Na “honam nyinaa te sɛ sare, na n’anuonyam nyinaa te sɛ sare nhwiren;+ sare wu na nhwiren po,+ 25  nanso Yehowa asɛm tena hɔ daa.”+ Na “asɛm”+ yi ne asɛmpa a wɔaka akyerɛ+ mo no.

Ase Hɔ Nsɛm