Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Korintofo 5:1-13

5  Yɛate ampa sɛ aguamammɔ+ rekɔ so wɔ mo mu, aguamammɔ a enni amanaman mufo mpo mu, sɛ obi agye ne papa yere.+  Na sɛ́ anka mo werɛ bɛhow+ na moayi nea ɔyɛɛ saa ade no afi mo mu+ no, morehoahoa mo ho+ mmom?  Ɛwom sɛ minni hɔ wɔ honam mu de, nanso mewɔ hɔ wɔ honhom mu, na mabu nea ɔyɛɛ saa ade yi atɛn dedaw+ te sɛ nea mewɔ hɔ ankasa,  sɛnea ɛbɛyɛ na yɛn Awurade Yesu din mu no, sɛ muhyia, na me honhom ne yɛn Awurade Yesu tumi nso ka mo ho a,+  mode onii no ahyɛ Satan nsa+ ama ɔhonam no asɛe, na wɔagye honhom+ no nkwa, Awurade da no.+  Nea mode hoahoa mo ho+ no nyɛ fɛ. Munnim sɛ mmɔkaw+ kakraa bi na ɛkaw mmɔre nyinaa?+  Munyi mmɔkaw dedaw no ngu, na moayɛ mmɔre foforo,+ sɛnea mmɔkaw biara nni mo mu no. Efisɛ wɔanya de yɛn twam guan+ Kristo+ no abɔ afɔre.+  Enti mommma yɛmmfa mmɔkaw+ dedaw anaa bɔneyɛ ne amumɔyɛ+ mmɔkaw+ nnhyɛ fa+ no, na mmom yɛmfa paanoo a mmɔkaw nnim a ɛno ne adwenemtew ne nokwaredi+ nhyɛ.  Mekyerɛw me krataa no mu sɛ mo ne aguamammɔfo mmmɔ, 10  nanso menkyerɛ sɛ montwe mo ho koraa mfi aguamammɔfo+ a wɔwɔ wiase+ anaa adifudepɛfo ne apoobɔfo anaa abosonsomfo ho. Sɛ saa de a, anka gye sɛ mufi wiase+ koraa. 11  Na afei merekyerɛw mo sɛ, mo ne obi a wɔfrɛ no onua a ɔyɛ oguamammɔfo anaa odifudepɛfo+ anaa ɔbosonsonni anaa obi a ɔsopa afoforo anaa ɔsabofo+ anaa ɔpoobɔfo mmmɔ,+ na mo ne saa nipa no nnnidi mpo. 12  Na ɛfa me ho bɛn sɛ mebu wɔn a wɔwɔ akyi no atɛn?+ So ɛnyɛ wɔn a wɔwɔ mo mu no na mubu wɔn atɛn,+ 13  na Onyankopɔn nso abu wɔn a wɔwɔ akyi no atɛn?+ “Munyi ɔbɔnefo no mfi mo mu.”+

Ase Hɔ Nsɛm