Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Korintofo 3:1-23

3  Enti anuanom, mantumi ankasa ankyerɛ mo sɛ nnipa a Onyankopɔn honhom kyerɛ mo kwan,+ na mmom sɛ nnipa a wodi wɔn akɔnnɔ akyi, sɛ Kristo mu nkokoaa.+  Nufusu na mede maa mo, ɛnyɛ aduan ankasa,+ efisɛ na mo ho nyɛ den. Na seesei mpo mo ho nyɛ den,+  efisɛ moda so ara di honam akɔnnɔ akyi.+ Na bere a ahoɔyaw ne ntawntawdi wɔ mo mu yi,+ ɛnyɛ honam akɔnnɔ akyi na mudi, na monnantew sɛ nnipa anaa?+  Na sɛ obi ka sɛ: “Meyɛ Paulo dea,” na ɔfoforo nso ka sɛ: “Meyɛ Apolo dea”+ a, monyɛ nnipa ankasa?  Ɛnde, Apolo+ ne hena? Na Paulo nso ne hena? Wɔyɛ asomfo+ a monam wɔn so abɛyɛ gyidifo, sɛnea Awurade de ama wɔn mu biara no.  Me de, miduae,+ Apolo guguu so nsu,+ nanso Onyankopɔn na ɔma enyinii;+  enti ɛnyɛ nea odua na ɔyɛ biribi+ na ɛnyɛ nea ogugu so nsu nso, na mmom Onyankopɔn a ɔma enyin no.+  Na nea odua ne nea ogugu so nsu yɛ biako,+ na wɔn mu biara benya n’ankasa akatua sɛnea n’ankasa adwuma te.+  Na yɛyɛ Onyankopɔn mfɛfo adwumayɛfo.+ Moyɛ Onyankopɔn afuw,+ Onyankopɔn dan.+ 10  Sɛnea Onyankopɔn adom+ a minyae no te no, metoo fapem+ sɛ ɔdansifo nyansafo, na nipa foforo na ɔreto asi so. Nanso obiara nhwɛ sɛnea ɔde besi so no yiye.+ 11  Na obiara nni hɔ a obetumi ato fapem+ foforo biara sɛ nea wɔato dedaw a ɛne Yesu Kristo no.+ 12  Nanso sɛ obi de sika, dwetɛ, aboɔden abo, nnua, sare, anaa buronan si fapem no so a, 13  obiara adwuma bɛda adi, na ɛda no beyi no adi, efisɛ ogya na ɛbɛma ada adi;+ na ogya na ɛbɛkyerɛ sɛnea obiara adwuma te. 14  Sɛ obi adwuma a wato asi so gyina a,+ obenya akatua;+ 15  sɛ obi adwuma hyew a, ɔbɛhwere ade, na n’ankasa de, wobegye no nkwa;+ nanso ɛbɛyɛ sɛ nea ɛnam ogya mu.+ 16  So munnim sɛ moyɛ Onyankopɔn asɔrefie+ na Onyankopɔn honhom te mo mu?+ 17  Sɛ obi sɛe Onyankopɔn asɔrefie a, Onyankopɔn bɛsɛe no;+ efisɛ Onyankopɔn asɔrefie ho tew,+ na asɔrefie no+ ne mo ara.+ 18  Obiara nnnaadaa ne ho: Sɛ mo mu bi susuw sɛ ɔyɛ onyansafo+ wɔ wiase nhyehyɛe yi mu a, ma ɔnyɛ kwasea, na watumi ayɛ onyansafo.+ 19  Na wiase nyansa yɛ nkwaseasɛm wɔ Onyankopɔn anim;+ efisɛ wɔakyerɛw sɛ: “Ɔkyere anyansafo wɔn ankasa anifere mu.”+ 20  Na bio nso: “Yehowa nim sɛ anyansafo nsusuwii yɛ kwa.”+ 21  Enti obiara nnhoahoa ne ho wɔ nnipa mu; na ade nyinaa yɛ mo dea,+ 22  Paulo oo, Apolo+ oo, Kefa oo, wiase oo, nkwa oo, owu oo, nneɛma a ɛwɔ hɔ nnɛ oo, nneɛma a ɛrebɛba+ oo, ade nyinaa yɛ mo dea; 23  mo nso moyɛ Kristo dea;+ na Kristo nso yɛ Onyankopɔn dea.+

Ase Hɔ Nsɛm