Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Korintofo 13:1-13

13  Sɛ meka nnipa ne abɔfo kasa+ na minni dɔ a, mete sɛ ayowa a ɛyɛ dede anaa nnade+ a wɔde bobom.  Na sɛ mewɔ nkɔmhyɛ+ akyɛde na minim ahintasɛm kronkron+ nyinaa, mewɔ nimdeɛ+ nyinaa, na mewɔ gyidi nyinaa ma mitumi tutu mmepɔw,+ na minni dɔ a, mensɛ hwee.+  Na sɛ mede m’ahode nyinaa ma de hwɛ afoforo,+ na mede me nipadua ma+ de hoahoa me ho na sɛ minni dɔ+ a, minnya mfaso biara.  Ɔdɔ+ wɔ abodwokyɛre+ na ne yam ye.+ Ɔdɔ nyɛ ahoɔyaw,+ entu ne ho,+ ɛnhoman,+  ɛnyɛ ade a ɛnsɛ,+ ɛnhwehwɛ nea n’ankasa hia,+ ne bo nhaw no.+ Ɛmfa bɔne nhyɛ ne mu.+  Enni nea ɛnteɛ ho ahurusi,+ na mmom edi nokware ho ahurusi.+  Ɛtɔ ne bo ase biribiara mu,+ egye biribiara di,+ ɛwɔ biribiara mu anidaso,+ na egyina biribiara ano.+  Ɔdɔ to ntwa da.*+ Nanso nkɔmhyɛ dom akyɛde de, wobeyi afi hɔ; kasa horow nso, ebegyae; nimdeɛ nso, wobegu.+  Efisɛ yɛn nimdeɛ nni mu,+ na nkɔm a yɛhyɛ nni mu;+ 10  na sɛ nea edi mu no ba+ a, nea enni mu no befi hɔ. 11  Meyɛ akokoaa no, mekasae sɛ akokoaa, midwen sɛ akokoaa, misusuw nsɛm ho sɛ akokoaa; na afei a mayɛ ɔpanyin+ yi, mayi nkokoaa su no afi hɔ. 12  Na seesei de yehu nneɛma kusukusu wɔ dade ahwehwɛ mu,+ nanso afei ɛbɛyɛ anim ne anim.+ Seesei me nimdeɛ nni mũ, nanso afei menya nimdeɛ a edi mu sɛnea me nso wonim me yiye no.+ 13  Na seesei nneɛma abiɛsa yi na ɛwɔ hɔ, gyidi, anidaso, ɔdɔ; na nea ɛyɛ kɛse wom ne ɔdɔ.+

Ase Hɔ Nsɛm

Anaasɛ, “ɔdɔ nni huammɔ.”