Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Korintofo 1:1-31

1  Paulo a wɔnam Onyankopɔn pɛ+ so afrɛ no sɛ ɔmmɛyɛ Yesu Kristo somafo,+ ne yɛn nua Sostene+  de kɔma Onyankopɔn asafo a ɛwɔ Korinto.+ Merekyerɛw abrɛ mo a wɔatew mo ho+ wɔ Kristo Yesu mu, afrɛ mo sɛ mommɛyɛ akronkronfo,+ ne wɔn a wɔrebɔ Awurade Yesu Kristo, yɛne wɔn nyinaa Wura,+ no din+ wɔ baabiara no:  Adom+ ne asomdwoe+ a efi yɛn Agya Onyankopɔn ne Awurade Yesu Kristo hɔ nka mo.+  Onyankopɔn adom+ a wɔde ama mo Kristo Yesu mu+ no nti, daa meda Onyankopɔn ase ma mo,  efisɛ moanya mo ho ade nyinaa mu+ wɔ ne mu, kasa ne nimdeɛ nyinaa mu;+  na Kristo ho adanse+ no atim mo mu,  enti ɛnkaa mo akyɛde+ biara, bere a moretwɛn yɛn Awurade Yesu Kristo adiyi+ denneennen no.  Ɔno nso bɛma mo ase atim+ akosi awiei, na wɔannya mo ho asɛm+ biara yɛn Awurade Yesu Kristo+ da no.+  Onyankopɔn yɛ ɔnokwafo,+ nea wafrɛ mo kɔ ne Ba a ɔyɛ yɛn Awurade Yesu Kristo ayɔnkofa+ mu no. 10  Afei anuanom, mitu mo fo+ yɛn Awurade Yesu Kristo din+ mu sɛ mo nyinaa nyɛ nokoro,+ na mommma mpaapaemu+ mmma mo mu, na mmom monka mmom denneennen, adwenkoro ne nsusuwii koro mu.+ 11  Me nuanom, asɛm no ne sɛ, Kloe fiefo abeyi me asotiw+ wɔ mo ho sɛ akasakasa wɔ mo mu. 12  Nea mekyerɛ ne sɛ mo mu biara ka sɛ: “Meyɛ Paulo dea,” “Me de, meyɛ Apolo dea,”+ “Me de, meyɛ Kefa dea,” “Me de, meyɛ Kristo dea.” 13  Kristo mu apaapae.+ So Paulo na wɔsɛn no maa mo? Anaasɛ Paulo din mu na wɔbɔɔ mo asu?+ 14  Meda Onyankopɔn ase sɛ mammɔ mo mu biara asu, gye Krispo+ ne Gaio,+ 15  na obi anka sɛ mebɔɔ mo asu me din mu. 16  Yiw, afei nso mebɔɔ Stefana fiefo asu.+ Wɔn a aka no de, sɛ mebɔɔ wɔn mu bi asu a, minnim. 17  Efisɛ Kristo ansoma me+ sɛ menkɔbɔ asu, na mmom sɛ menkɔka asɛmpa no, ɛnyɛ kasa mu nyansa mu,+ na Kristo asɛndua no anyɛ kwa. 18  Na asɛndua no ho asɛm no yɛ nkwaseasɛm+ ma wɔn a wɔasi ɔsɛe kwan so,+ na yɛn a wɔregye yɛn nkwa+ no de, ɛyɛ Onyankopɔn tumi+ ma yɛn. 19  Efisɛ wɔakyerɛw sɛ: “Mɛma anyansafo nyansa asɛe,+ na mapia animdefo+ nimdeɛ ato nkyɛn.+ 20  Onyansafo wɔ he? Ɔkyerɛwfo+ wɔ he? Wiase+ yi mu okyinnyegyefo+ wɔ he? So Onyankopɔn nnan wiase nyansa nkwaseasɛm?+ 21  Na esiane sɛ Onyankopɔn nyansa mu no, wiase no amfa ne nyansa+ so anhu Onyankopɔn+ nti ɛsɔɔ Onyankopɔn ani sɛ ɔde asɛnka no mu nkwaseasɛm+ begye wɔn a wogye di no nkwa. 22  Yudafo bisa nsɛnkyerɛnne,+ na Helafo nso hwehwɛ nyansa;+ 23  na yɛn de, yɛka Kristo a wɔsɛn no+ no ho asɛm, nea ɛyɛ hintidua+ ma Yudafo ne nkwaseasɛm ma amanaman no;+ 24  nanso wɔn a wɔafrɛ wɔn, Yudafo ne Helafo nyinaa fam de, Kristo yɛ Onyankopɔn tumi+ ne Onyankopɔn nyansa.+ 25  Efisɛ Onyankopɔn nkwaseade wɔ nyansa kyɛn nnipa, na Onyankopɔn ade a ɛyɛ mmerɛw yɛ den kyɛn nnipa.+ 26  Anuanom, mo ara moahu wɔ mo frɛ mu sɛ ɛnyɛ honam fam anyansafo+ pii, na ɛnyɛ atumfoɔ+ anaa adehye pii na ɔfrɛɛ+ wɔn; 27  na mmom wiase nkwaseade+ na Onyankopɔn apaw sɛ ɔde bɛhyɛ anyansafo aniwu; na wiase ade a ɛyɛ mmerɛw na Onyankopɔn apaw sɛ ɔde bɛhyɛ nea ɛyɛ den no aniwu;+ 28  na Onyankopɔn apaw wiase nneɛma a ɛnsɛ hwee ne nea wobu no animtiaa, nneɛma a enni hɔ,+ sɛnea ɛbɛyɛ a obetu nea ɛwɔ hɔ agu,+ 29  na ɔhonam biara anhoahoa ne ho+ Onyankopɔn anim. 30  Na ne nti na mowɔ Kristo Yesu mu, nea wabɛyɛ Onyankopɔn nyansa+ ne trenee+ ne ahotew+ ne ahofadi a efi agyede+ mu ama yɛn no, 31  sɛnea ɛbɛyɛ na aba mu sɛnea wɔakyerɛw no sɛ: “Nea ɔhoahoa ne ho no, ma ɔnhoahoa ne ho Yehowa mu.”+

Ase Hɔ Nsɛm