Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Ahene 7:1-51

7  Na Solomon ankasa fie nso, ɔde mfe dumiɛnsa na esii,+ na owiee ne fie no ho adwuma nyinaa.+  Afei osii Lebanon Kwaefie+ no; ne ntwemu yɛ basafa ɔha, ne tɛtrɛtɛ yɛ basafa aduonum, ne tenten nso yɛ basafa aduasa, na osi sii kyeneduru adum a ɛsesã so anan so; wɔde kyeneduru nnua+ guu adum no so.  Wɔde kyeneduru+ sɛm mpuran a ɛdeda adum aduanan anum so no soro. Adum dunum sesã so wɔ ɔfã biara.  Mfɛnsere no nso sesã so wɔ afã abiɛsa, na mfɛnsere+ kyerɛkyerɛ mfɛnsere anim ntoatoaso abiɛsa.  N’apon ne n’apongua+ afã anan nyinaa yɛ pɛ, na mfɛnsere a ɛkyerɛkyerɛ mfɛnsere anim ntoatoaso abiɛsa no nso te saa.  Ɔyɛɛ Adum Abrannaa no, ne ntwemu yɛ basafa aduonum, na ne tɛtrɛtɛ yɛ basafa aduasa; ɔde adum yɛɛ abrannaa foforo wɔ anim, na okuruw so.  Ɔyɛɛ Ahengua Abrannaa+ no, atemmu abrannaa+ a obebu atɛn wɔ hɔ no nso; ɔde kyeneduru sɛm dan no mu fi fam kosii nsɛmso no so.+  Na ne fie a n’ankasa bɛtena mu a ɛwɔ ɔfã nohoa no,+ na ɛmmɛn Abrannaa dan no. Ɔyɛɛ no te sɛ ɛno. Na Solomon san sii ofie a ɛte sɛ Abrannaa dan no maa Farao babea+ a ɔwaree no no.  Ne nyinaa, ɔde abo a ne bo yɛ den+ a wɔasen no pɛpɛɛpɛ a wɔde abo sradaa atwitwa anim ne akyi na ɛyɛe, efi ne fapem so kosi n’atifi, ne abɔnten kosi adiwo kɛse+ hɔ. 10  Na abo a ne bo yɛ den a wɔde too fapem no yɛ abo akɛse; abo no bi yɛ basafa du na ebi nso yɛ basafa awotwe. 11  Abo a ne bo yɛ den a wɔasen no pɛpɛɛpɛ ne kyeneduru na ɛdeda so. 12  Ɔde abo a wɔasen toatoaa so abiɛsa, na ɔde kyeneduru nnua totoo so de yɛɛ ɔfasu twaa adiwo kɛse no ho hyiae;+ saa na ɔyɛe wɔ Yehowa fie+ adiwo a ɛwɔ mfinimfini+ no ho, ne ofie no abantenten+ no ho. 13  Ɛnna Ɔhene Solomon soma ma wɔkɔfaa Hiram+ fi Tiro bae. 14  Ná ɔyɛ kɔbere dwumfo+ a ɔwɔ nyansa ne ntease+ ne nimdeɛ a ɔde yɛ kɔbere ho adwuma biara; ne maame yɛ Naftali abusuakuw mu kunafo, na ne papa yɛ Tironi.+ Ɔbaa Ɔhene Solomon nkyɛn bɛyɛɛ ne nnwuma nyinaa maa no. 15  Na oguu kɔbere adum+ abien no; adum no biara tenten yɛ basafa dunwɔtwe, na basafa dumien hama na etwa adum+ no biara ho hyia. 16  Na ɔde kɔbere+ yɛɛ ntaaso abien wɔ adum no so. Ntaaso no biako tenten yɛ basafa anum, na ntaaso biako no nso tenten yɛ basafa anum. 17  Atena a wɔanwene no ntweaban nkyinkyimii+ wɔ adum no ntaaso no so;+ ason wɔ ntaaso biako so, na ason wɔ ntaaso biako no nso so. 18  Na ɔyeyɛɛ granate akutu a ɛsesã so nhankare abien wɔ atena biako ho de twaa adum no ntaaso ho hyiae; saa na ɔyɛe wɔ ntaaso+ biako no nso ho. 19  Ɔyɛɛ abantenten ho adum no ntaaso sɛ sukooko,+ basafa anan. 20  Ná ntaaso no wɔ adum abien no so, na ɛbɛn afuru a atena wɔ ho no; ɔyeyɛɛ granate akutu+ ahanu a ɛsesã so de twaa ntaaso biara ho hyiae. 21  Na osisii asɔredan abantenten+ no ho adum+ no. Enti edum a ɔde sii nifa no, ɔfrɛɛ no Yakin, na edum a ɔde sii benkum no, ɔfrɛɛ no Boas. 22  Odii sukooko adwini wɔ adum no soro. Enti ɔde nkakrankakra wiee adum no ho adwuma nyinaa. 23  Ɔyɛɛ ɛpo a wɔagu*+ no nso; efi ano kosi ano yɛ basafa du. Ano yɛ kurukuruwa hyia, na ne tenten yɛ basafa anum. Basafa aduasa hama na etwa ho hyia.+ 24  Ɔyɛɛ biribi te sɛ aduaba agude+ nkuruwankuruwa+ wɔ ase nyinaa hyiae; edu wɔ basafa biako biara mu, na atwa po no nyinaa ho ahyia.+ Aduaba agude nkuruwankuruwa no sesã so hankare abien, na oguu ɛno ne ɛpo no nyinaa prɛko. 25  Ɔde taa anantwi+ dumien akyi; abiɛsa ani kyerɛ atifi fam, abiɛsa ani kyerɛ atɔe fam, abiɛsa ani kyerɛ anafo fam, na abiɛsa ani kyerɛ apuei fam, na ɛpo no taa wɔn so, na wɔn akyi nyinaa hyehyɛ ase.+ 26  Ne pipiripi te sɛ nsayam;+ ɔyɛɛ ano te sɛ kuruwa ano, te sɛ sukooko nhwiren a apae.+ Bat susuhina+ mpem abien na wɔde gu mu.+ 27  Na ɔyeyɛɛ kɔbere nnaka du a wɔde twe nsu;+ adaka biara ntwemu yɛ basafa anan, ne tɛtrɛtɛ yɛ basafa anan na ne tenten yɛ basafa abiɛsa. 28  Sɛɛ na ɔyɛɛ nnaka a wɔde twe nsu no: nhyehyem ntraantraa wɔ ho, na nhyehyem no hyehyɛ mmeamu mu. 29  Ɔyeyɛɛ agyata+ ne anantwi+ ne kerubim+ wɔ nhyehyem a ɛhyehyɛ mmeamu no mu so, na saa na ɔyɛe wɔ mmeamu no ankasa so. Nhwiren nkyekyeree+ sensɛn agyata ne anantwi no atifi ne wɔn ase. 30  Adaka no biara wɔ kɔbere ntwahonan anan ne kɔbere nhyɛmudua; ɛwɔ nsisonan anan, na oguu nsisonan no wɔ ɔsɛn no ase, na nhwiren nkyekyeree wowɔ nkyɛnkyɛn. 31  Ano no, efi emu de no kosi nsisonan no yɛ basafa [?]; ano yɛ kurukuruwa, na ɔyɛɛ ne kɔn no basafa biako ne fã; odii adwini nso wɔ ano. Nhyehyem no yɛ ahinanan na ɛnyɛ kurukuruwa. 32  Ntwahonan anan no wɔ nhyehyem ntraantraa no ase, na ntwahonan no nsa wɔ nsutwe adaka no ase; ntwahonan biara tenten yɛ basafa biako ne fã. 33  Ɔyɛɛ ntwahonan no te sɛ teaseɛnam ntwahonan.+ Ne nsa no ne ne hankare ne ne nhyehyem ne mfinimfini nyinaa, wogui. 34  Nsisonan anan wowɔ adaka biara afã anan no ho; adaka no ne nsisonan no bom biako. 35  Adaka no atifi no, ɔyɛɛ ne kɔn no kurukuruwa hyiae; ne tenten yɛ basafa fã, na adaka no soro ne ne nkyɛnmu ne nhyehyem ntraantraa no, ne nyinaa bom biako. 36  Afei odii kerubim ne agyata ne mmedua adwini+ wɔ ne nkyɛnmu nnade ntraantraa ne nhyehyem no so sɛnea ɔkwan a ɛdeda ntam te, na ɔyeyɛɛ nhwiren nkyekyeree nso wɔ ho hyiae.+ 37  Saa na ɔyeyɛɛ nsutwe nnaka+ du no; ne nyinaa yɛ ade koro,+ na ne tenten ne ne kɛse yɛ pɛ. 38  Na ɔyeyɛɛ kɔbere asɛn+ du. Bat susuhina aduanan na emu biara betumi afa. Ɔsɛn biara yɛ basafa anan. Nsutwe adaka du no biara, ɔsɛn biako si so. 39  Afei ɔde nsutwe nnaka no anum sisii ɔdan no nifa,+ na ɔde anum nso sisii ɔdan no benkum; ɔde ɛpo no sii ɔdan no nifa, apuei fam de rekɔ anafo.+ 40  Na Hiram+ yeyɛɛ asɛn+ ne sofi+ ne nyaawa+ no. Enti Hiram wiee+ adwuma a ɔyɛ maa Ɔhene Solomon wɔ Yehowa fie no ho nyinaa: 41  Adum+ abien ne ntaaso+ a ɛte sɛ ɔsɛn a ɛwɔ adum abien no so, ne atena+ abien a ɛkata adum no so ntaaso nkuruwankuruwa abien no ho, 42  ne atena abien no ho granate akutu+ ahanan no, ne atena no biara ho granate akutu a ɛsesã so nhankare abien a wɔde akata adum abien no so ntaaso a ɛte sɛ ɔsɛn no ho, 43  ne nsutwe nnaka+ du ne asɛn+ du a esisi nsutwe nnaka no so, 44  ne ɛpo+ no ne anantwi dumien a ɛpo no taa wɔn akyi+ no, 45  ne ade a wɔde sesaw nsõ ne sofi ne nyaawa ne nneɛma+ yi a Hiram de kɔbere a wɔabere ho yɛ maa Ɔhene Solomon wɔ Yehowa fie no ho nyinaa. 46  Yordan Mantam+ mu na ɔhene guu nneɛma yi wɔ dɔte mu, Sukot+ ne Saretan+ ntam. 47  Na Solomon ankari anwenne+ no efisɛ na ɛdɔɔso pii pa.+ Wɔammu kɔbere no dodow ano.+ 48  Na Solomon yeyɛɛ Yehowa fie hɔ anwenne no nyinaa: sika afɔremuka+ ne apon+ a wɔbɛhyehyɛ paanoo wɔ so, 49  ne sika amapa+ akaneadua,+ anum sisi nifa na anum nso sisi benkum wɔ pia mu pia no anim, ne nhwiren+ ne akanea+ ne afagya+ a wɔde sika yeyɛe, 50  ne asɛn ne adumgya+ ne nyaawa+ ne nkuruwa+ ne ogya nkukuwa+ a wɔde sika amapa yeyɛe no; ɛne pia mu pia, kyerɛ sɛ, Kronkron mu Kronkronbea hɔ apon+ no nsiso, ne asɔrefie+ no apon+ a wɔde sika yeyɛe no nyinaa. 51  Wowiee+ Yehowa fie adwuma a Solomon yɛe no nyinaa, na Solomon de nneɛma a ne papa Dawid yɛɛ no kronkron no bae;+ ɔde sika ne dwetɛ ne anwenne no nyinaa beguu Yehowa fie adekora adan no mu.+

Ase Hɔ Nsɛm

Nea ɛkyerɛ ankasa ne “kɔbere sɛn kɛse bi a nsu wom.”