Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Ahene 4:1-34

4  Ɔhene Solomon kɔɔ so dii Israel nyinaa so hene.+  Na ne mpanyimfo+ din na edidi so yi: ná Sadok+ ba Asaria ne ɔsɔfo;  Sisa mma Elihoref ne Ahiya yɛ akyerɛwfo;+ Ahilud ba Yehosafat+ ne ɔhene krakye;  Yehoiada ba Benaia+ na ɔda asraafo no ano,+ na Sadok ne Abiatar+ yɛ asɔfo;  Natan+ ba Asaria na ɔda akunini no ano, na Natan ba Sabud yɛ ɔsɔfo ne ɔhene adamfo;+  Ahisa ne fiepanyin, na Abda ba Adoniram+ na ɔhwɛ apaafo+ so.  Ná Solomon wɔ akunini dumien a wɔdeda Israel nyinaa ano, na wɔn na wɔmaa ɔhene ne ne fiefo aduan. Wɔde hyɛɛ wɔn nsa sɛ obiara mfa aduan mmra ɔsram biako afe biara.+  Wɔn din ni: Hur ba, onyaa Efraim mmepɔw so nkurow;+  Deker ba, onyaa Makas ne Saalbim+ ne Bet-Semes+ ne Elon-Bet-Hanan; 10  Hesed ba, onyaa Arubot (ná Soko ne Hefer+ asase nyinaa nso hyɛ ne nsa); 11  Abinadab ba, onyaa Dor bepɔw so nkurow+ nyinaa (ɔwaree Solomon babea Tafat); 12  Ahilud ba Baana, onyaa Taanak+ ne Megido+ ne Bet-Sean+ nyinaa, baabi a ɛbɛn Saretan+ a ɛwɔ Yesreel+ ase no, efi Bet-Sean kosi Abel-Mehola+ kosi Yokmeam+ mpɔtam; 13  Geber ba, onyaa Ramot-Gilead+ (ná Manase ba Yair+ nkuraa-nkuraa a ɛwowɔ Gilead+ no hyɛ ne nsa; ná Argob+ a ɛwɔ Basan+ no nso hyɛ ne nsa: nkurow akɛse aduosia a ɛwɔ ɔfasu ne kɔbere mmeamu); 14  Ido ba Ahinadab, onyaa Mahanaim;+ 15  Ahimahas, onyaa Naftali+ (ɔno nso waree Solomon babea Basemat);+ 16  Husai ba Baana, onyaa Aser+ ne Bealot; 17  Parua ba Yehosafat, onyaa Isakar;+ 18  Ela ba Simei,+ onyaa Benyamin;+ 19  Uri ba Geber, onyaa Gilead+ asase, Amorifo hene+ Sihon+ asase, ne Basan hene+ Og+ de; okunini biako na na ɔda akunini a wɔaka no nyinaa ano wɔ asase no so. 20  Ná Yuda ne Israel dɔɔso, wɔn dodow te sɛ mpoano anhwea;+ wodidi nomee, na wodii ahurusi.+ 21  Solomon dii ahenni nyinaa so, efi asubɔnten kɛse+ no ho kosi Filistifo asase so ne Egypt hye so. Nkurɔfo de akyɛde brɛɛ Solomon, na wɔsom no ne nkwa nna nyinaa.+ 22  Ná Solomon fie da koro aduan yɛ esiam muhumuhu kor+ aduasa ne esiam foforo biara kor aduosia, 23  anantwi akɛse du ne anantwi a wɔkɔ adidi aduonu ne nguan ɔha, aforote+ ne adowa+ ne awansan ne nnomaa a wɔadɔ da nkyɛn. 24  Na odii biribiara a ɛwɔ asubɔnten kɛse+ no fã ha so, efi Tifsa kosi Gasa,+ ne ahene a wɔwɔ asubɔnten kɛse no fã ha nyinaa;+ onyaa asomdwoe+ n’ahenni nyinaa mu wɔ afã nyinaa. 25  Na Solomon nna nyinaa mu no, Yuda+ ne Israel tenaa hɔ dwoodwoo,+ obiara tenaa ne bobe ne ne borɔdɔma ase,+ efi Dan kosi Beer-Seba.+ 26  Na Solomon nyaa apɔnkɔdan+ mpem aduanan maa ne nteaseɛnam,+ ne apɔnkɔsotefo mpem dumien. 27  Na akunini+ yi maa Ɔhene Solomon ne obiara a ɔtena Ɔhene Solomon pon ho aduan, obiara ne ɔsram a ɔde ne de ba. Wɔamma biribiara anka mu. 28  Na wɔde atoko ne sare brɛɛ apɔnkɔ no ne apɔnkɔ a wɔn ho yɛ hare+ no; wɔde kɔɔ baabiara a ehia, sɛnea obiara adwuma te.+ 29  Na Onyankopɔn kɔɔ so maa Solomon nyansa+ ne ntease+ pii ne nhumu koma+ sɛ mpoano anhwea.+ 30  Ná Solomon nyansa dɔɔso+ sen Apuei Famfo+ nyinaa nyansa ne Egypt nyansa+ nyinaa. 31  Ná onim nyansa sen onipa biara; ɔsen Esrahini Etan+ ne Mahol mma Heman+ ne Kalkol+ ne Darda. Ne din hyetaa aman a atwa hɔ ahyia nyinaa mu.+ 32  Otumi buu mmɛ+ mpem abiɛsa, na ne nnwom+ yɛ apem ne anum. 33  Ɔkaa nnua ho asɛm, efi Lebanon nkyeneduru+ so kosi sommɛ+ a efifi dan ho so; ɔkaa mmoa+ ne nnomaa+ ne mmoa a wɔwea+ ne mpataa+ ho asɛm. 34  Nkurɔfo fi amanaman so betiee Solomon nyansa;+ wofi asase so ahene a wɔtee ne nyansa+ no nyinaa nkyɛn bae.

Ase Hɔ Nsɛm