Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Ahene 2:1-46

2  Na Dawid nna bɛnee sɛ owu,+ na ɔhyɛɛ ne ba Solomon sɛ:  “Merekɔ asase sofo nyinaa kwan,+ enti yɛ den+ na yɛ ɔbarima.+  Di Yehowa, wo Nyankopɔn ahyɛde so na nantew n’akwan so.+ Di n’ahyɛde ne ne mmara nsɛm ne n’atemmusɛm+ ne n’adansesɛm so sɛnea wɔakyerɛw Mose mmara no mu+ no, na ama woahu nyansa biribiara a wobɛyɛ mu ne baabiara a wobɛkɔ;  ɛno na Yehowa bɛma asɛm a ɔka faa me ho yi aba mu+ sɛ, ‘Sɛ wo mma+ bɛhwɛ wɔn akwan yiye na wɔde wɔn koma nyinaa+ ne wɔn kra nyinaa anantew+ m’anim nokware+ mu a, obusuani a ɔbɛtena Israel ahengua so remmɔ wo.’+  “Wo ara wunim nea Seruia ba Yoab de yɛɛ me,+ sɛ okum Israel asahene baanu, Ner ba Abner+ ne Yeter+ ba Amasa;+ ɔkaa ɔsa mu mogya+ gui asomdwoe bere mu, na ɔde ɔsa mu mogya kekaa abɔso a ɛbɔ n’asen ne mpaboa a ɛhyɛ ne nan no ho.  Fa wo nyansa+ no yɛ adwuma, na mma ɔmmfa ne ti so dwen nnkɔ Adamoa*+ mu asomdwoe mu.+  “Na Gileadni Basilai+ mma no, yɛ wɔn adɔe, na fa wɔn ka wɔn a wodidi wo pon so+ no ho, efisɛ wɔbaa me nkyɛn+ bɛboaa me bere a miguan fii wo nua Absalom anim no.+  “Benyaminni Gera ba Simei+ a ofi Bahurim+ no te wo nkyɛn ha yi ara; ɔno na ɔdomee me yayaayaw+ da a merekɔ Mahanaim+ no, nanso osian behyiaa me Yordan+ ho, na mekaa no Yehowa ntam sɛ, ‘Meremfa nkrante nkum wo.’+  Mma ɔmmfa ne ho nnni.+ Woyɛ ɔbarima nyansafo,+ na wunim nea ɛsɛ sɛ wode yɛ no; mogya mu na ma ne ti so dwen+ nsian nkɔ Adamoa mu.”+ 10  Afei Dawid ne n’agyanom kɔdae,+ na wosiee no Dawid Kurow+ mu. 11  Nna a Dawid de dii Israel so hene no si mfe aduanan.+ Ɔtenaa Hebron+ dii ade mfe ason,+ na ɔtenaa Yerusalem nso dii ade mfe aduasa abiɛsa.+ 12  Solomon na ɔtenaa ne papa Dawid ahengua so,+ na nkakrankakra, n’ahenni tim pintinn.+ 13  Na Hagit ba Adoniya baa Solomon maame Bat-Seba+ nkyɛn. Ɛnna maame no bisaa no sɛ: “Asomdwoe+ so na woreba anaa?” Na obuae sɛ: “Asomdwoe so.” 14  Na ɔtoaa so kae sɛ: “Mede abisade bi rebɛto w’anim.” Ɛnna maame no kae sɛ: “Kasa.”+ 15  Na ɔno nso kae sɛ: “Wo ara wunim sɛ me na anka ɛsɛ sɛ ahenni no ba me nsam, na me na na Israel nyinaa ani da so sɛ mɛyɛ ɔhene;+ nanso ahenni no dan kodii me nua no nsam, na Yehowa na ɔma ekodii ne nsam.+ 16  Na afei mede abisade bi rebɛto w’anim. Mmɔ m’asɛm no ngu.”+ Ɛnna maame no ka kyerɛɛ no sɛ: “Kasa.” 17  Na ɔkae sɛ: “Mesrɛ wo, kɔka kyerɛ Ɔhene Solomon sɛ ɔmfa Sunemni+ Abisag+ mma me nware. Minim sɛ wo de, ɔremmɔ w’asɛm ngu.” 18  Ɛnna Bat-Seba kae sɛ: “Asɛmpa! Mɛkɔ na me ne ɔhene akɔkasa ama wo.” 19  Enti Bat-Seba kɔɔ Ɔhene Solomon nkyɛn sɛ ɔrekɔka Adoniya+ asɛm no akyerɛ no. Ntɛm ara na ɔhene sɔre+ kohyiaa no, na ɔhene bɔɔ ne mu ase maa no.+ Afei ɔkɔtenaa n’ahengua so, na ɔhene ma wɔde akongua besii hɔ maa ne maame ma ɔtenaa ne nifa so.+ 20  Ɛnna ne maame kae sɛ: “Abisade ketewa bi na mede rebɛto w’anim. Mmɔ m’asɛm no ngu.” Enti ɔhene ka kyerɛɛ no sɛ: “Me maame, kasa na meremmɔ w’asɛm ngu.” 21  Na ne maame toaa so sɛ: “Fa Sunemni Abisag ma wo nua Adoniya aware.” 22  Ɛhɔ ara na Ɔhene Solomon ka kyerɛɛ ne maame sɛ: “Adɛn nti na worebisa Sunemni Abisag ama Adoniya? Ɛnde bisa ahenni no nso ma no+ ɛ, (efisɛ ɔyɛ me nua panyin);+ bisa ma ɔne ɔsɔfo Abiatar+ ne Seruia+ ba Yoab.”+ 23  Ɛnna Ɔhene Solomon kaa Yehowa ntam sɛ: “Sɛ mamma Adoniya amfa ne kra antwa asɛm a waka yi so+ a, ɛnde Onyankopɔn ntua me ka na ɔnsan mfa bi nka ho.+ 24  Na sɛ́ Yehowa a wama m’ase atim+ na wama meda so te me papa Dawid ahengua so,+ na wama manya ofie+ sɛnea ɔkae+ no, te ase yi,+ ɛnnɛ Adoniya bewu.”+ 25  Ɛhɔ ara na Ɔhene Solomon somaa Yehoiada ba Benaia+ ma ɔkɔtow hyɛɛ no so kum no.+ 26  Na ɔhene ka kyerɛɛ ɔsɔfo Abiatar+ sɛ: “Kɔ w’asase so wɔ Anatot!+ Wofata owu,+ nanso ɛnnɛ merenkum wo, efisɛ wosoaa Awurade Tumfoɔ Yehowa+ adaka no me papa Dawid anim,+ na me papa amanehunu nyinaa mu no, wuhuu amane bi.”+ 27  Enti Solomon pam Abiatar sɛ onnni Yehowa sɔfo bio na ɛmaa Yehowa asɛm a ɔka tiaa Eli fie+ wɔ Silo+ no baa mu. 28  Yoab tee asɛm no,+ na Yoab guan kɔɔ Yehowa ntamadan+ no mu kosoo afɔremuka ho mmɛn+ no mu denneennen—efisɛ Yoab ankɔ Absalom afã+ de, nanso okodii Adoniya+ akyi. 29  Ɛnna wɔbɛka kyerɛɛ Ɔhene Solomon sɛ: “Yoab aguan kɔ Yehowa ntamadan no mu, na ɔwɔ afɔremuka no ho.” Enti Solomon somaa Yehoiada ba Benaia, na ɔka kyerɛɛ no sɛ: “Kɔ, kɔtow hyɛ no so kum no!”+ 30  Ɛnna Benaia kɔɔ Yehowa ntamadan no mu kɔka kyerɛɛ no sɛ: “Nea ɔhene aka ni, ‘Fi adi’” Nanso obuaa no sɛ: “Dabi! Na ɛha ara+ na mewu mada.” Ɛnna Benaia bɛbɔɔ ɔhene amanneɛ sɛ: “Nea Yoab aka ni, na sɛɛ na obuaa me.” 31  Ɛnna ɔhene ka kyerɛɛ no sɛ: “Yɛ sɛnea waka no ara na tow hyɛ no so kum no, na munsie no na munyi mogya+ a Yoab hwie gui kwa+ no mfi me so ne me papa fie so. 32  N’ankasa mogya na Yehowa de begu n’atifi,+ efisɛ ɔde nkrante kum mmarima baanu a wɔteɛ na woye sen no+ a na me papa Dawid nnim ho hwee;+ okum Ner ba Abner,+ Israel sahene+ no ne Yeter ba Amasa,+ Yuda sahene+ no. 33  Na wɔn mogya mmra Yoab ne n’asefo atifi nkosi daa;+ Dawid+ ne n’asefo ne ne fie ne n’ahengua de, Yehowa bɛma wɔanya asomdwoe daa.”+ 34  Ɛnna Yehoiada ba Benaia foro kɔe,+ na ɔkɔtow hyɛɛ no so kum no,+ na wosiee no ne fie nkyɛn wɔ sare so. 35  Afei ɔhene de Yehoiada ba Benaia+ sii n’ananmu wɔ asraafo no so,+ na ɔsɔfo Sadok nso, ɔhene de no sii Abiatar ananmu.+ 36  Ɛnna ɔhene soma kɔfrɛɛ Simei+ bae, na ɔka kyerɛɛ no sɛ: “Si ofie wɔ Yerusalem fa, na ɛhɔ ara na tena. Mfi hɔ nkɔ baabiara. 37  Na ɛda a wubefi adi akotwa Kidron subon+ no, hu sɛ owu na wubewu.+ Mogya ho afɔdi begu wo ara w’atifi.”+ 38  Ɛnna Simei ka kyerɛɛ ɔhene sɛ: “Wonkaa bɔne. Sɛnea me wura ɔhene aka no, saa na w’akoa bɛyɛ.” Na Simei tenaa Yerusalem nna pii. 39  Na ɛbae sɛ mfe abiɛsa akyi no, Simei nkoa+ baanu guan kɔɔ Maaka ba Akis,+ Gat hene+ no nkyɛn. Ɛnna nkurɔfo bɛka kyerɛɛ Simei sɛ: “Hwɛ, wo nkoa no wɔ Gat.” 40  Ntɛm ara na Simei sɔre hyehyɛɛ n’afurum, na ɔkɔɔ Akis nkyɛn wɔ Gat kɔhwehwɛɛ ne nkoa no, na Simei de ne nkoa no fi Gat bae. 41  Ɛnna wɔkɔka kyerɛɛ Solomon sɛ: “Simei afi Yerusalem akɔ Gat aba.” 42  Ɛhɔ ara na ɔhene soma kɔfrɛɛ+ Simei, na ɔka kyerɛɛ no sɛ: “Mamma woanka Yehowa ntam, na mammɔ wo kɔkɔ+ sɛ, ‘Ɛda a wubefi adi akɔ baabi no, owu na wubewu,’ na wo nso woanka ankyerɛ me sɛ: ‘Asɛm a woaka yi de, wonkaa bɔne’?+ 43  Adɛn nti na woanni Yehowa ntam+ ne mmara a mehyɛɛ wo no so?”+ 44  Enti ɔhene ka kyerɛɛ Simei sɛ: “Wo ara wunim adebɔne a wo koma nim sɛ wode yɛɛ me papa Dawid no nyinaa;+ Yehowa bɛdan wo bɔne no agu wo ara w’atifi.+ 45  Na Ɔhene Solomon de, wobehyira+ no, na Dawid ahengua nso betim Yehowa anim daa.”+ 46  Ɛnna ɔhene hyɛ maa Yehoiada ba Benaia kɔtow hyɛɛ no so kum no.+ Na ahenni no timii Solomon nsam.+

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.