Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Ahene 10:1-29

10  Na Saba+ hemmaa tee Solomon ho asɛm ne sɛnea ama Yehowa din so.+ Enti ɔbae sɛ ɔde aborɔme rebɛsɔ no ahwɛ.+  Ɔde dɔm kɛse pa+ ne yoma+ a wɔsosõ balsam ngo+ ne sika pii pa ne aboɔden abo baa Yerusalem. Obeduu Solomon nkyɛn, na ɔkaa biribiara a ɛda ne koma so kyerɛɛ ɔhene.+  Ɛnna Solomon nso buaa no ne nsɛm no nyinaa.+ Biribiara nni hɔ a ɛkyeree ɔhene so a wantumi ankyerɛ no.+  Bere a Saba hemmaa huu Solomon nyansa+ nyinaa, ne ofie a wasi,+  ne ne pon so nnuan,+ ne ne nkoa atenae, ne n’asomfo a wɔsom wɔ pon ho ne wɔn ntade, ne nsã+ ne ɔhyew afɔre a ɔbɔ daa wɔ Yehowa fie no, asɛm no mee ɔhemmaa+ no.  Enti ɔka kyerɛɛ ɔhene sɛ: “Wo nyansa ne wo ho nsɛm a metee wɔ m’asase so nyinaa, mahu sɛ ɛyɛ nokware.+  Mannye nsɛm no anni kosii sɛ m’ankasa mede m’aniwa behui; nea wɔka kyerɛɛ me no, nokwasɛm ni, ennu fã mpo!+ Wo nyansa ne w’ahonyade boro nea metee ho asɛm no koraa.+  Anigye ne wo nkurɔfo;+ anigye+ ne wo nkoa yi a wogyina w’anim daa tie wo nyansa no!+  Nhyira nka Yehowa wo Nyankopɔn;+ ɔno na ayɛ no fɛ+ sɛ ɔde wo bɛtena Israel agua so;+ Yehowa dɔ Israel kosi daa,+ enti na wasi wo hene+ sɛ bu atɛn+ na di asɛntrenee.”+ 10  Ɛnna ɔmaa+ ɔhene sika+ dwetikɛse ɔha aduonu, ne balsam ngo+ pii pa, ne aboɔden abo. Balsam ngo dodow a Saba hemmaa de maa Ɔhene Solomon no, ɛso bi amma bio. 11  Bio nso na Hiram ahyɛn+ a ɛde sika fi Ofir+ ba no de algum nnua+ pii pa ne aboɔden abo+ nso fi Ofir ba. 12  Na ɔhene de algum nnua yɛɛ ɔdan nnyinaso wɔ Yehowa fie+ ne ahemfie, na ɔde bi nso yɛɛ asanku+ ne asankuten+ maa nnwontofo no. Ɛde besi nnɛ no, algum nnua a ɛte saa bi mmae da, na wonhuu ɛso bi bio. 13  Ɔhene Solomon nso de nea Saba hemmaa bisae nyinaa maa no; ɛsono nea Ɔhene Solomon ankasa yii ne yam+ de maa no. Ɛno akyi no, ɔsan n’akyi kɔɔ n’asase so, ɔne ne nkoa.+ 14  Sika+ a na Solomon nya wɔ afe biako mu no mu duru yɛ sika dwetikɛse ahansia aduosia asia;+ 15  ɛsono ahonyade a na akwantufo ne aguadifo no de ba, ne nea Arabiafo+ ahene+ nyinaa ne asase no so amradofo de ba. 16  Na Ɔhene Solomon de sika mfrafrae yɛɛ akyɛm+ akɛse ahanu (ɔde sika nnwetɛbona ahansia guu akyɛm no biara ho),+ 17  na ɔde sika mfrafrae yɛɛ nkatabo ahasa (ɔde sika mmɛnnaa abiɛsa guu nkatabo no biara ho).+ Na ɔhene de guu Lebanon Kwaefie+ hɔ. 18  Afei nso ɔhene yɛɛ asommɛn+ ahengua+ kɛse bi, na ɔde sika a wɔapa mu guu ho.+ 19  Atrapoe a ɛwɔ so asia na wɔforo de kɔ ahengua no anim, na wɔayɛ biribi kurukuruwa akata ahengua no soro, na faako a wɔtena no, nsa wɔ ha ne ha, na agyata+ abien gyinagyina nsa no ho.+ 20  Agyata dumien gyinagyina atrapoe a ɛwɔ so asia no so; biako wɔ ha, na biako nso wɔ ha. Wɔnyɛɛ bi saa da ahenni biara mu.+ 21  Ade a Ɔhene Solomon nom mu nyinaa, wɔde sika na ɛyɛe, na Lebanon Kwaefie+ hɔ anwenne nyinaa, wɔde sika amapa+ na ɛyɛe. Wɔamfa dwetɛ anyɛ emu biara, efisɛ Solomon nna mu no, na wɔmfa nyɛ hwee. 22  Ná ɔhene wɔ Tarsis+ ahyɛn pii wɔ po so a ɛne Hiram ahyɛn kɔ kwan so. Mfe abiɛsa biara, na Tarsis ahyɛn no de sika+ ne dwetɛ ne asommɛn+ ne nkontromfi ne koohaa ba. 23  Enti Ɔhene Solomon yɛɛ kɛse wɔ ahonyade+ ne nyansa+ mu sen asase so ahene a aka nyinaa. 24  Asase so nnipa nyinaa baa Solomon anim betiee nyansa a Onyankopɔn de ahyɛ ne komam+ no. 25  Obiara de n’akyɛde+ bae afe biara:+ dwetɛ+ ne sika nneɛma ne ntade, akode,+ balsam ngo, apɔnkɔ ne mfurumpɔnkɔ.+ 26  Na Solomon boaboaa nteaseɛnam ne apɔnkɔ pii ano, na onyaa nteaseɛnam apem ne ahanan ne apɔnkɔ+ mpem dumien, na ɔde ne nyinaa kɔɔ nteaseɛnam nkurow mu ne ɔhene nkyɛn wɔ Yerusalem.+ 27  Na ɔhene maa dwetɛ dɔɔso pii wɔ Yerusalem sɛ abo,+ na ɔmaa nkyeneduru dɔɔso pii sɛ sikamɔɔ nnua a ɛwɔ Sefela.+ 28  Apɔnkɔ a Solomon kra fii Egypt bae no nso, ɔhene aguadifo no kɔtɔɔ apɔnkɔkuw biara sɛnea wɔn bo te.+ 29  Na wɔtɔɔ nteaseɛnam a wɔde fi Egypt bae no biara nnwetɛbona ahansia, na wɔtɔɔ ɔpɔnkɔ biara nso nnwetɛbona ɔha aduonum. Saa na Hitifo+ ahene ne Siria ahene yɛe. Wɔnam aguadifo no so na wɔkrae.

Ase Hɔ Nsɛm