Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Beresosɛm 27:1-34

27  Israel mma a wɔba bɛsom kɔ ɔsram biara wɔ afe biara mu asram nyinaa mu no, na kuw biara mu nnipa yɛ mpem aduonu anan. Wɔyɛ agyanom+ abusuafie mpanyimfo ne apem apem ne ɔha ha+ so ahwɛfo,+ ne wɔn mpanyimfo a wɔsom+ ɔhene wɔ akuw no ho nsɛm nyinaa mu.  Nea ɔda kuw a edi kan a wɔba ɔsram a edi kan ano ne Sabdiel ba Yasobeam;+ nnipa mpem aduonu anan na wɔwɔ ne kuw no mu.  Peres+ asefo no bi, wɔn a wɔdeda mpanyimfo no nyinaa ano no na wɔde wɔn too ɔsram a edi kan.  Nea ɔda kuw a wɔba ɔsram a ɛto so abien ano ne Dodai+ a ofi Ahohi,+ ɔne ne dɔm, na Miklot ne wɔn panyin; nnipa mpem aduonu anan na wɔwɔ ne kuw no mu.  Ɔpanyin a ɔda kuw a ɛto so abiɛsa a wɔba ɔsram a ɛto so abiɛsa ano ne ɔsɔfo panyin Yehoiada+ ba Benaia;+ nnipa mpem aduonu anan na wɔwɔ ne kuw no mu.  Benaia+ yi ne aduasa no mu dɔmmarima+ a ɔda aduasa no ano; ne ba Amisabad na ɔda ne kuw no ano.  Nea ɔto so anan a ɔda kuw a wɔba ɔsram a ɛto so anan ano ne Yoab nua+ Asahel,+ na ne ba Sebadia besii n’ananmu; nnipa mpem aduonu anan na wɔwɔ ne kuw no mu.  Ɔpanyin a ɔto so anum a ɔda kuw a wɔba ɔsram a ɛto so anum ano ne Samhut+ a ofi Yesrahia; nnipa mpem aduonu anan na wɔwɔ ne kuw no mu.  Nea ɔto so asia a ɔda kuw a wɔba ɔsram a ɛto so asia ano ne Tekoani+ Ikes+ ba Ira;+ nnipa mpem aduonu anan na wɔwɔ ne kuw no mu. 10  Nea ɔto so ason a ɔda kuw a wɔba ɔsram a ɛto so ason ano ne Efraim aseni Heles+ a ofi Pelon;+ nnipa mpem aduonu anan na wɔwɔ ne kuw no mu. 11  Nea ɔto so awotwe a ɔda kuw a wɔba ɔsram a ɛto so awotwe ano ne Husani Sibekai+ a ofi Serafo+ mu; nnipa mpem aduonu anan na wɔwɔ ne kuw no mu. 12  Nea ɔto so akron a ɔda kuw a wɔba ɔsram a ɛto so akron ano ne Anatotni+ Abiesar+ a ofi Benyaminfo mu; nnipa mpem aduonu anan na wɔwɔ ne kuw no mu. 13  Nea ɔto so du a ɔda kuw a wɔba ɔsram a ɛto so du ano ne Netofani Maharai+ a ofi Serafo+ mu; nnipa mpem aduonu anan na wɔwɔ ne kuw no mu. 14  Nea ɔto so dubiako a ɔda kuw a wɔba ɔsram a ɛto so dubiako ano ne Piratonni Benaia+ a ofi Efraimfo+ mu; nnipa mpem aduonu anan na wɔwɔ ne kuw no mu. 15  Nea ɔto so dumien a ɔda kuw a wɔba ɔsram a ɛto so dumien ano ne Netofani Heldai+ a ofi Otniel asefo mu; nnipa mpem aduonu anan na wɔwɔ ne kuw no mu. 16  Wɔn a wodii Israel mmusuakuw+ so ni: Rubenfo mu, Sikri ba Elieser na ɔda wɔn ano; Simeonfo mu, Maaka ba Sefatia; 17  Lewifo mu, Kemuel ba Hasabia; Aaron asefo mu, Sadok;+ 18  Yudafo mu, Dawid nua+ Elihu;+ Isakarfo mu, Mikael ba Omri; 19  Sebulonfo mu, Obadia ba Yismaia; Naftalifo mu, Asrel ba Yerimot; 20  Efraimfo mu, Asasia ba Hosea; Manase abusuakuw fã mu, Pedaia ba Yoel; 21  Manase abusuakuw fã a ɛwɔ Gilead no mu, Sakaria ba Ido; Benyaminfo mu, Abner+ ba Yaasiel; 22  Danfo mu, Yeroham ba Asarel. Eyinom ne Israel mmusuakuw mu mpanyimfo.+ 23  Dawid ammu wɔn a wɔadi mfe aduonu ne wɔn a wonnya nnii no ano, efisɛ na Yehowa ahyɛ bɔ sɛ ɔbɛma Israel adɔɔso sɛ ɔsoro nsoromma.+ 24  Seruia ba Yoab+ fii ase sɛ ɔrekan nnipa no, nanso wanwie;+ ɛho abufuw+ baa Israel so, enti wɔankyerɛw wɔn dodow no wɔ Ɔhene Dawid bere so nsɛm no mu. 25  Adiel ba Asmawet na ɔhwɛɛ ɔhene akorade+ so, na Usia ba Yonatan na ɔhwɛɛ asase+ no so nkurow+ ne nkuraa ne abantenten mu akorade so. 26  Nea ɔhwɛɛ wɔn a wɔyɛ afuw+ mu adwuma so, wɔn a wɔdɔw asase no, ne Kelub ba Esri. 27  Simei a ofi Rama na ɔhwɛɛ bobe nturo+ so, na Sifmotni Sabdi na ɔhwɛɛ bobe nturo mu nneɛma a wɔde yɛ bobesa so. 28  Baal-Hanan a ofi Geder na ɔhwɛɛ ngodua nturo ne sikamɔɔ+ nnua a ɛwɔ Sefela+ no so, na Yoas na ɔhwɛɛ ngo+ so. 29  Saronni Sitrai na ɔhwɛɛ mmoa a wodidi wɔ Saron+ no so, na Adlai ba Safat na ɔhwɛɛ mmoa a wodidi asasetaw so no so. 30  Ismaelni+ Obil na ɔhwɛɛ yoma+ so, na Meronitni Yedia na ɔhwɛɛ mfurum so. 31  Hagrini Yasis na ɔhwɛɛ nguan so. Eyinom nyinaa yɛ mpanyimfo a wɔhwɛɛ Ɔhene Dawid nneɛma so. 32  Ná Dawid nua ba Yonatan+ yɛ ɔfotufo ne ɔkyerɛwfo, ɔbarima a ɔwɔ ntease;+ Hakmoni+ ba Yehiel na na ɔne ahenemma+ no nam. 33  Ná Ahitofel+ yɛ ɔhene fotufo,+ na Arkini+ Husai+ yɛ ɔhene yɔnko.+ 34  Ahitofel akyi no, na Benaia+ ba Yehoiada ne Abiatar+ nso yɛ afotufo, na Yoab+ ne ɔhene sahene.

Ase Hɔ Nsɛm