Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Beresosɛm 24:1-31

24  Wɔkyekyɛɛ Aaron asefo no mu akuwakuw. Aaron mma ne Nadab,+ Abihu,+ Eleasar+ ne Itamar.+  Nanso Nadab ne Abihu+ wui ansa na wɔn papa rewu,+ na wɔannya mma. Eleasar+ ne Itamar de, wɔtoaa asɔfodi no so.  Na Dawid, ne Eleasar aseni Sadok,+ ne Itamar aseni Ahimelek+ kyekyɛɛ wɔn mu kyerɛɛ sɛnea obiara bɛyɛ ne som adwuma.+  Na wohui sɛ Eleasar asefo mu mpanyimfo no dɔɔso sen Itamar asefo mu mpanyimfo. Enti bere a wɔkyekyɛɛ mpanyimfo no mu no, Eleasar asefo nyaa abusua mpanyimfo dunsia, na Itamar asefo nso nyaa abusua mpanyimfo awotwe.  Wɔbɔɔ ntonto+ yiyii wɔn mu mpanyimfo; sɛ woyi eyinom bi a, na wɔayi eyinom nso bi, efisɛ na wohia Eleasar asefo ne Itamar asefo ma wɔayɛ mpanyimfo wɔ kronkronbea hɔ+ ne mpanyimfo a wɔbɛsom nokware Nyankopɔn no.  Ɛnna Netanel ba Semaia, Lewifo kyerɛwfo+ no, kyerɛw ne nyinaa too hɔ, ɔhene ne mmapɔmma no ne ɔsɔfo Sadok+ ne Abiatar+ ba Ahimelek+ ne asɔfo ne Lewifo+ agyanom mpanyimfo anim; sɛ woyi Eleasar+ asefo abusuafie biako a, na wɔayi Itamar+ asefo abusuafie nso biako.  Nea ntonto no kosii ni: nea odi kan ne Yehoiarib;+ Yedaia to so abien,  Harim to so abiɛsa, Seorim to so anan,  Malkiya to so anum, Miyamin to so asia, 10  Hakos to so ason, Abia+ to so awotwe, 11  Yesua to so akron, Sekania to so du, 12  Eliasib to so dubiako, Yakim to so dumien, 13  Hupa to so dumiɛnsa, Yesebeab to so dunan, 14  Bilga to so dunum, Imer to so dunsia, 15  Hesir to so dunson, Hapise to so dunwɔtwe, 16  Petahia to so dunkron, Yeheskel to so aduonu, 17  Yakin to so aduonu biako, Gamul to so aduonu abien, 18  Delaia to so aduonu abiɛsa, na Maasia to so aduonu anan. 19  Eyi ne nhyehyɛe+ a na wɔde ba Yehowa fie bɛyɛ wɔn som adwuma+ sɛnea kyɛfa+ a wɔnam wɔn agya Aaron so nyae no te, sɛnea Yehowa, Israel Nyankopɔn hyɛɛ no no. 20  Na Lewi asefo nkae no nso wɔn a woyiyii wɔn ni: Amram+ asefo mu, Subael;*+ Subael asefo mu, Yedia; 21  Rehabia+ asefo mu: Rehabia aseni, abusuapanyin Yisiya; 22  Yisar+ asefo mu, Selomot;+ Selomot asefo mu, Yahat; 23  Hebron+ asefo, abusuapanyin Yeria,+ Amaria to so abien, Yahasiel to so abiɛsa, Yekameam to so anan. 24  Usiel asefo mu, Mika; Mika asefo+ mu, Samir. 25  Mika nua ne Yisiya; Yisiya asefo mu, Sakaria. 26  Merari+ mma ne Mahli+ ne Musi;+ Yaasia mma no bi ne Beno. 27  Merari asefo: Yaasia mma Beno, Soham, Sakur ne Yibri. 28  Mahli asefo mu, Eleasar, na ɔno de wanwo mmabarima.+ 29  Kis asefo: Kis mma no bi ne Yerameel. 30  Musi mma ne Mahli,+ Eder ne Yerimot.+ Eyinom ne Lewi asefo sɛnea wɔn agyanom+ abusuafie te. 31  Wɔn nso, wɔbɔɔ wɔn so ntonto+ sɛnea wɔyɛɛ wɔn nuanom Aaron asefo no wɔ Ɔhene Dawid ne Sadok ne Ahimelek ne asɔfo ne Lewifo agyanom mpanyimfo anim no. Agyanom abusuafie+ mpanyimfo mu no, panyin ne akumaa nyinaa yɛ pɛ.

Ase Hɔ Nsɛm

Ɔno ara na wɔfrɛ no Sebuel wɔ 1Be 23:16 no.