Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Beresosɛm 22:1-19

22  Ɛnna Dawid kae sɛ: “Nokware Nyankopɔn Yehowa fie+ ni, na afɔremuka+ yi na Israel bɛbɔ so ɔhyew afɔre.”  Afei Dawid kae sɛ wɔmmoaboa ahɔho+ a wɔwɔ Israel nyinaa ano mmra. Na ɔde wɔn yɛɛ abopaefo+ sɛ wɔmpae abo a wɔasen,+ na wɔmfa nsi nokware Nyankopɔn fie no.  Na Dawid siesiee nnade bebree a wɔde bɛyɛ apon ho nnadewa ne nea wɔde besuso mu, ne kɔbere bebree a wontumi nkari,+  ne kyeneduru+ nnua a enni ano, efisɛ Sidonfo+ ne Tirofo+ de kyeneduru nnua bebree pa brɛɛ Dawid.  Ɛnna Dawid kae sɛ: “Me ba Solomon yɛ abofra, na ɔyɛ mmerɛw,+ na ofie a wɔrebesi ama Yehowa no nso, ɛsɛ sɛ ɛyɛ kokuroo,+ na ɛyɛ fɛ+ na enya din wɔ asase nyinaa so. Enti ma minsiesie biribi nsie mma no.” Ɛno nti Dawid pɛɛ nneɛma pii de siei ansa na ɔrewu.+  Afei nso, ɔfrɛɛ ne ba Solomon, na ɔhyɛɛ no sɛ onsi ofie mma Yehowa, Israel Nyankopɔn no.  Na Dawid ka kyerɛɛ ne ba Solomon sɛ: “Me de, na ɛda me koma so+ sɛ mesi ofie ama Yehowa me Nyankopɔn no din.+  Nanso nea Yehowa ka kyerɛɛ me ne sɛ, ‘Mogya pii na woahwie agu,+ na woadi ako bebree.+ Ɛnyɛ wo na wubesi ofie ama me din+ efisɛ woahwie mogya pii agu m’anim wɔ asase so.  Hwɛ, wɔbɛwo ɔbabarima+ ama wo. Ɔno de, ɔbɛyɛ ahodwo nipa, na mɛma ne ho adwo no n’atamfo a wɔatwa ne ho ahyia nyinaa nsam;+ Solomon+ na wɔbɛfrɛ no, na mɛma Israel anya asomdwoe+ ne kommyɛ wɔ ne bere so. 10  Ɔno na obesi ofie ama me din;+ ɔbɛyɛ me ba+ na me nso mayɛ n’agya.+ Mɛma n’ahenni agua atim+ Israel so afebɔɔ.’ 11  “Enti afei me ba, Yehowa nni w’akyi na ensi wo yiye, na si Yehowa wo Nyankopɔn fie no sɛnea ɔkae wɔ wo ho no.+ 12  Nhumu ne ntease+ na Yehowa mfa mma wo, na ɔmfa Israel ho ahyɛde nhyɛ wo nsa na ama woadi Yehowa wo Nyankopɔn mmara so.+ 13  Sɛ wohwɛ di ahyɛde+ ne atemmusɛm+ a Yehowa nam Mose so de maa+ Israel no so a, ɛnde ebewie wo yiye.+ Nya akokoduru na yɛ den.+ Nsuro,+ na mmɔ hu+ nso. 14  Na m’amanehunu+ mu no, maboaboa sika+ dwetikɛse mpem ɔha, ne dwetɛ dwetikɛse ɔpepem biako ne kɔbere+ ne dade+ a ne dodow nti wontumi nkari, asie ama Yehowa fie no; masan asiesie nnua ne abo agu hɔ nanso eyinom de, pɛ bi ka ho. 15  Adwumayɛfo pii wɔ hɔ a wɔbɛboa wo: abopaefo ne abo+ ne nnua ho adwumfo ne obiara a ne ho akokwaw wɔ adwuma biara mu.+ 16  Sika ne dwetɛ ne kɔbere ne nnade no, enni ano.+ Sɔre keka wo ho.+ Yehowa nni w’akyi.”+ 17  Ɛnna Dawid hyɛɛ Israel mpanyimfo nyinaa sɛ wɔmmoa ne ba Solomon. Na ɔkae sɛ: 18  “Yehowa mo Nyankopɔn nka mo ho anaa?+ Ɛnyɛ ɔno na wama mo ɔhome afã nyinaa ahyia?+ Ɔde asase no sofo nyinaa ahyɛ me nsa, na madi asase no so Yehowa+ ne ne man anim. 19  Na afei, momfa mo koma ne mo kra+ nyinaa nhwehwɛ Yehowa mo Nyankopɔn,+ na monsɔre nsi nokware Nyankopɔn Yehowa+ kronkronbea+ no, na momfa Yehowa apam adaka+ ne nokware Nyankopɔn anwenne kronkron no mmra ofie a wɔasi ama Yehowa din+ no mu.”

Ase Hɔ Nsɛm