Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Beresosɛm 16:1-43

16  Na wɔde nokware Nyankopɔn adaka no bae,+ na wɔde besii ntamadan a Dawid si maa no no mu;+ na wɔbɔɔ ɔhyew afɔre ne asomdwoe afɔre wɔ nokware Nyankopɔn anim.+  Bere a Dawid wiee ɔhyew afɔre+ ne asomdwoe afɔre+ no, ohyiraa+ ɔman no wɔ Yehowa din mu.+  Bio nso ɔmaa+ Israelfo nyinaa, ɔbarima ne ɔbea biara, paanoo kurukuruwa biako ne nkeresia tetare ne bobe tetare.  Na ɔpaw Lewifo+ no bi sɛ wɔnsom+ Yehowa adaka no anim, na wɔnkaakae+ Yehowa, Israel Nyankopɔn no nnwuma, na wɔnna no ase+ nyi no ayɛ;+  Asaf+ na odi ti, na Sakaria to so abien, ne Yeiel, Semiramot, Yehiel, Matitia, Eliab, Benaia, Obed-Edom ne Yeiel;+ wokurakura asanku+ ahorow nyinaa bi, na Asaf+ kura dawuta a egyigye kɛse,+  na ɔsɔfo Benaia ne ɔsɔfo Yahasiel hyɛn ntorobɛnto+ daa wɔ nokware Nyankopɔn apam adaka no anim.  Saa da no na Dawid dii kan faa Asaf+ ne ne nuanom so de nnwonto+ daa Yehowa ase+ sɛ:   “Monna Yehowa ase,+ mommɔ ne din,+Monka ne nneyɛe ho asɛm amanaman mu!+   Monto dwom+ mma no, monto ayeyi dwom mma no,+Munnwinnwen n’anwonwadwuma nyinaa ho.+ 10  Momfa ne din+ kronkron+ no nhoahoa mo ho.Momma wɔn a wɔhwehwɛ Yehowa no koma nni ahurusi.+ 11  Monhwehwɛ Yehowa ne n’ahoɔden.+Monhwehwɛ n’anim dom daa.+ 12  Monkae n’anwonwadwuma a wayɛ+Ne nsɛnkyerɛnne ne n’anom atemmusɛm no,+ 13  O n’akoa+ Israel asefo,Mo, Yakob mma a wapaw mo.+ 14  Ɔno ne Yehowa, yɛn Nyankopɔn;+ n’atemmusɛm+ kodu asase so baabiara. 15  Monkae n’apam nkosi daa,+Asɛm a ɔhyɛɛ awo ntoatoaso apem no,+ 16  Apam a ɔne Abraham yɛe+Ne ntam a ɔkaa Isak no.+ 17  Ɔde yɛɛ ahyɛde sii hɔ maa Yakob,+Na ɔde maa Israel sɛ daa apam,+ 18  Ɔkae sɛ: ‘Wo na mede Kanaan asase bɛma wo+Sɛ agyapade a matwa ama mo.’+ 19  Saa bere no, na monnɔɔso,+Ná moyɛ kakraa bi; ná moyɛ ahɔho wɔ hɔ.+ 20  Wodii atutena wɔ amanaman mu,+Na wofi ahenni biako mu kɔɔ ahenni foforo mu.+ 21  Wamma obiara ansisi wɔn,+Na wɔn nti ɔkaa ahene anim,+ 22  Ɔkae sɛ: ‘Mommfa mo nsa nnka me nkurɔfo a masra wɔn no,Na m’adiyifo nso, monnyɛ wɔn bɔne.’+ 23  Monto dwom mma Yehowa, asase sofo nyinaa!+Monka ne nkwagye ho asɛm da biara!+ 24  Monka n’anuonyam ho asɛm amanaman mu,Monka n’anwonwadwuma ho asɛm aman nyinaa mu. 25  Yehowa yɛ kɛse na ɔfata ayeyi pii,+Munsuro no nsen anyame nyinaa.+ 26  Amanaman no anyame nyinaa yɛ anyamehunu.+Na Yehowa de, ɔno na ɔyɛɛ ɔsoro.+ 27  Nidi ne anuonyam wɔ n’anim;+Ahoɔden ne anigye wɔ ne tenabea.+ 28  Aman mmusuakuw, momfa mma Yehowa,Momfa anuonyam ne ahoɔden mma Yehowa.+ 29  Momfa Yehowa din anuonyam mma no;+Momfa akyɛde mmra n’anim.+Momfa ahohyehyɛ kronkron nkotow Yehowa;+ 30  Asase so aman nyinaa, ne nti momma mo yam nhyehye mo!Asase nso atim pintinn,Na ɛrenhim da.+ 31  Momma ɔsoro nni ahurusi, na asase ani nnye.+Momma wɔnka wɔ amanaman no mu sɛ: ‘Yehowa afi ase di hene!’+ 32  Momma ɛpo nworo, ɛne nea ɛwom nyinaa,+Momma kwae ne nea ɛwom nyinaa nni ahurusi.+ 33  Wuram nnua nso, momma ne nyinaa nto ahurusi dwom Yehowa anim,+Efisɛ waba sɛ ɔrebebu asase atɛn.+ 34  Monna Yehowa ase, efisɛ oye,+Na n’adɔe wɔ hɔ daa.+ 35  Na monka sɛ, ‘O yɛn nkwagye Nyankopɔn, gye yɛn,+Boaboa yɛn ano, na gye yɛn fi amanaman no nsam,+Na yɛmfa aseda mma wo din kronkron no,+ na yɛmfa ahosɛpɛw nyi wo ayɛ.+ 36  Nhyira nka Yehowa, Israel Nyankopɔn no fi mmeresanten kosi mmeresanten.’”+Na ɔman no nyinaa kae sɛ, “Amen!” na woyii Yehowa ayɛ.+ 37  Ɛnna ogyaw Asaf+ ne ne nuanom wɔ Yehowa apam adaka no anim sɛ wɔnsom+ wɔ Adaka no anim daa sɛnea ehia da biara;+ 38  ne Obed-Edom ne ne nuanom, aduosia awotwe, ne Yedutan ba Obed-Edom ne Hosa sɛ wɔnyɛ apon ano ahwɛfo; 39  na ogyaw ɔsɔfo Sadok+ ne ne nuanom asɔfo no Yehowa ntamadan no anim wɔ sorɔnsorɔmmea a ɛwɔ Gibeon+ no, 40  sɛ wɔmmɔ ɔhyew afɔre mma Yehowa wɔ ɔhyew afɔremuka no so daa, anɔpa ne anwummere, sɛnea wɔakyerɛw wɔ Yehowa mmara a ɔhyɛɛ Israel nyinaa mu no;+ 41  ne Heman+ ne Yedutan ne wɔn a wɔpaw wɔn a wɔbobɔɔ wɔn din+ no nkae, sɛ wɔnna Yehowa ase,+ efisɛ “n’adɔe wɔ hɔ daa”;+ 42  ná Heman+ ne Yedutan+ a wɔka wɔn ho no bɔ ntorobɛnto+ ne nnawuta, na wokurakura nneɛma a wɔde to dwom ma nokware Nyankopɔn nso, na Yedutan mma+ no wɔ pon ano. 43  Na ɔmanfo no nyinaa siim kɔe, obiara kɔɔ ne fie.+ Ɛnna Dawid nso san kɔe kohyiraa ne fie.

Ase Hɔ Nsɛm