Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

1 Beresosɛm 14:1-17

14  Na Tiro hene+ Hiram+ somaa abɔfo kɔɔ Dawid nkyɛn, de kyeneduru nnua+ ne abantofo ne dua adwumfo kɔe sɛ wonkosi ofie+ mma no.  Na Dawid hui sɛ Yehowa ama n’ahenni atim+ Israel so, na ne man Israel nti, wama n’ahenni so.+  Dawid warewaree yerenom+ bio wɔ Yerusalem, na Dawid san woo mmabarima ne mmabea bebree.+  Ne mma a ɔwoo wɔn wɔ Yerusalem no din ni: Sammua,+ Sobab,+ Natan+ ne Solomon,+  ne Ibhar,+ Elisua ne Elpelet,+  ne Noga, Nefeg+ ne Yafia,  ne Elisama,+ Beeliada ne Elifelet.+  Filistifo no tee sɛ wɔasra Dawid asi no hene wɔ Israel nyinaa so.+ Enti Filistifo no nyinaa bɛhwehwɛɛ Dawid.+ Bere a Dawid tee no, ofii adi kɔɔ wɔn so.  Filistifo no baa afow wɔ Refaim+ asasetaw no so. 10  Ɛnna Dawid bisaa Onyankopɔn+ sɛ: “Menkɔ Filistifo no so? Wode wɔn bɛhyɛ me nsa anaa?” Na Yehowa ka kyerɛɛ no sɛ: “Kɔ, na mede wɔn bɛhyɛ wo nsa.” 11  Enti Dawid kɔɔ Baal-Perasim,+ na okokunkum wɔn wɔ hɔ. Ɛnna Dawid kae sɛ: “Nokware Nyankopɔn nam me nsa so abu afa m’atamfo so sɛnea nsu bu fa nneɛma so no.” Ɛno na ɛma wɔfrɛɛ hɔ+ Baal-Perasim. 12  Na wogyigyaw wɔn anyame wɔ hɔ,+ na Dawid kae ma wɔde ogya hyewee.+ 13  Akyiri yi, Filistifo no baa afow bio wɔ asasetaw no so.+ 14  Ɛnna Dawid san bisaa+ Onyankopɔn, na nokware Nyankopɔn ka kyerɛɛ no sɛ: “Nkohyia wɔn. Kɔ na kofi wɔn akyi bra, na tow hyɛ wɔn so wɔ baka* nnua no anim.+ 15  Sɛ ɛba sɛ wote nnyigyei a ɛte sɛ nnipa nantew wɔ baka nnua+ no so a, kɔko,+ efisɛ nokware Nyankopɔn adi w’anim+ rekokunkum Filistifo asraafo no.” 16  Dawid yɛe sɛnea nokware Nyankopɔn hyɛɛ no no ara,+ na wokunkum Filistifo asraafo fi Gibeon+ kosii Geser.+ 17  Na Dawid ho asɛm+ trɛw kɔɔ nsase nyinaa so, na Yehowa maa ne ho hu tɔɔ aman nyinaa so.+

Ase Hɔ Nsɛm

Hwɛ 2Sa 5:23 ase hɔ asɛm.