Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

1 Beresosɛm 10:1-14

10  Ɛbae sɛ Filistifo+ ne Israelfo bɛkoe, na Israel mmarima guan fii Filistifo no anim, na wɔtotɔe wɔ Bepɔw Gilboa so.+  Filistifo no bɔ puaa Saul ne ne mma no, na Filistifo no kum Saul+ mma Yonatan+ ne Abinadab+ ne Malki-Sua.+  Ɔko no mu yɛɛ den maa Saul; eduu baabi no, agyantofo no nyaa no, na wopiraa no.+  Ɛnna Saul ka kyerɛɛ nea okura n’akode+ no sɛ: “Twe wo nkrante+ fa hwirew me mu na momonotofo+ yi ammɛyɛ me aninyanne.”+ Nanso n’akodekurafo no ampɛ sɛ ɔyɛ saa,+ efisɛ na ehu kɛse aka no. Enti Saul faa nkrante no na ɔhwee so.+  Bere a n’akodekurafo no hui sɛ Saul awu no, ɔno nso hwee nkrante so wui.+  Saa na ɛyɛe a Saul ne ne mma baasa ne ne fiefo a wɔka ne ho nyinaa wuwui.+  Bere a Israelfo a wɔwɔ asasetaw no so nyinaa hui sɛ asraafo no aguan, na Saul ne ne mma nso awuwu no, woguan fii wɔn nkurow no mu;+ ɛnna Filistifo no bae bɛtenatenaa hɔ.  Ɛbae sɛ, ade kyee no, Filistifo no bae sɛ wɔrebeyiyi awufo no ho nneɛma,+ na wokopuee Saul ne ne mma no so sɛ wɔawuwu gu Bepɔw Gilboa+ so.  Ɛnna woyiyii ne ho nneɛma, na wotwaa ne ti,+ faa n’akode, na wɔkɔɔ Filistifo asase so baabiara kɔbɔɔ wɔn abosom+ ne ɔmanfo no amanneɛ.+ 10  Afei wɔde n’akode no koguu wɔn nyame fie,+ na wɔde ne tikora kɔsɛn Dagon fie.+ 11  Akyiri yi, nnipa a wɔwɔ Yebes+ a ɛwɔ Gilead nyinaa tee nea Filistifo de ayɛ Saul.+ 12  Ɛnna mmarima akokodurufo no nyinaa sɔre kɔfaa Saul amu ne ne mma no nso amu, na wɔde baa Yebes besiee wɔn nnompe wɔ dupɔn+ bi ase wɔ Yebes;+ na wodii mmuada+ nnanson. 13  Saa na ɛyɛe a Saul wui ne mmarato mu efisɛ wannye Yehowa anni,+ na wanni Yehowa asɛm so; ɔkɔɔ abisa nso wɔ ɔdebisafo+ hɔ. 14  Wanhwehwɛ Yehowa akyi kwan,+ enti okum no, na ɔde ahenni no maa Yese ba Dawid.+

Ase Hɔ Nsɛm