Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Ɔsɛnkafo 8:1-17

8  Hena na ɔte sɛ onyansafo?+ Na hena na onim biribi ase kyerɛ?+ Onipa nyansa ma n’anim hyerɛn, na n’anim muna dan animtew.+  Nea mereka ne sɛ: “Obu a wowɔ ma Onyankopɔn ntam nti,+ di ɔhene ahyɛde so.+  Mpere wo ho mfi n’anim nkɔ.+ Nnyina adebɔne mu,+ na nea ɔpɛ sɛ ɔyɛ biara, ɔbɛyɛ,+  efisɛ ɔhene anom asɛm na ɛwɔ tumi;+ na hena na obetumi aka akyerɛ no sɛ: ‘Dɛn na woreyɛ yi?’”  Nea odi ahyɛde so no, bɔne bi remma no so,+ na onyansafo koma behu bere ne atemmu.+  Bere ne atemmu wɔ hɔ ma ade biara,+ efisɛ amanehunu dɔɔso wɔ adesamma so.+  Obi nnim ɔkyena asɛm,+ na nea ɛbɛba no, hena na obetumi akyerɛ sɛnea ɛbɛba?  Ɔdesani biara nni ne honhom so tumi a ɔde besiw honhom+ no kwan; saa ara nso na obiara nni owuda so tumi;+ na ahofadi biara nni akodi no mu.+ Amumɔyɛde nso ntumi nnye amumɔyɛfo nkwa.+  Eyi nyinaa mahu, na mede me koma adi adwuma biara a wɔyɛ owia ase no akyi; ɛbere no mu na onipa di onipa so ma ewie no bɔne.+ 10  Eyi te saa de, nanso mahu nnebɔneyɛfo sɛ wɔasie wɔn,+ na mahu sɛnea wɔbae ne sɛnea wofi kronkronbea+ hɔ kɔe, na nnipa werɛ fii wɔn wɔ kurow a wɔyɛɛ wɔn nneyɛe no wom no mu.+ Eyi nso yɛ ahuhude. 11  Nnebɔne a wommu ho atɛn ntɛm+ nti, nnipa mma ayɛ wɔn adwene sɛ wobedi bɔne.+ 12  Sɛ ɔbɔnefo yɛ bɔne+ mpɛn ɔha, na ɔtena ase kyɛ sɛnea ɛsɔ n’ani mpo a, minim sɛ ebesi wɔn a wosuro nokware Nyankopɔn no yiye,+ osuro a wɔwɔ+ no nti. 13  Na ɔdebɔneyɛfo de, ɛrensi no yiye+ koraa; ne nna te sɛ sunsuma,+ na ɔrentumi mma ɛnyɛ tenten, efisɛ onsuro Onyankopɔn.+ 14  Ahuhude bi wɔ asase so; ɛne sɛ treneefo bi wɔ hɔ a nea ɛfata nnebɔneyɛfo nnwuma na ɛto wɔn,+ na nnebɔneyɛfo bi nso wɔ hɔ a, nea ɛfata treneefo nnwuma na ɛto wɔn.+ Mekae sɛ eyi nso yɛ ahuhude. 15  Ɛnna mekamfoo anigye,+ efisɛ nnipa wɔ hɔ yi, adepa biara nni hɔ mma wɔn owia ase sɛ wobedidi na wɔanom na wɔagye wɔn ani; eyi na ɛka wɔn ho wɔn brɛ mu, wɔn nkwa nna+ a nokware Nyankopɔn de ama wɔn owia ase+ no nyinaa mu. 16  Eyi mu de, mede me koma+ hwehwɛɛ nyansa sɛ mehu nnwuma a wɔyɛ wɔ asase so,+ efisɛ obi wɔ hɔ a nna nkɔ n’aniwa so awia ne anadwo nyinaa.+ 17  Na mihuu nokware Nyankopɔn no nnwuma nyinaa,+ sɛ adesamma ntumi nhu adwuma a wɔayɛ owia ase no;+ adesamma brɛ wɔn ho daa hwehwɛ mu, nanso wonhu.+ Sɛ wɔka sɛ wɔyɛ anyansafo nti wobehu+ mpo a, wɔrenhu.+

Ase Hɔ Nsɛm