Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Ɔsɛnkafo 7:1-29

7  Din pa ye sen ngo pa,+ na owuda ye sen awoda.+  Awerɛhow fie kɔ ye sen apontow fie kɔ,+ efisɛ ɛno ne adesamma nyinaa awiei; na ɔteasefo de bɛhyɛ ne komam.  Awerɛhow ye sen ɔserew,+ efisɛ anim bosaayɛ ma koma di yiye.+  Anyansafo koma wɔ awerɛhow fie,+ na nkwasea koma de, ɛwɔ anigye fie.+  Onyansafo animka tie ye+ sen nkwasea dwom tie.+  Sɛnea nsɔe gya gyigye wɔ kuku ase no, saa na ɔkwasea serew te;+ eyi nso yɛ ahuhude.  Nhyɛso tumi ma onyansafo yɛ n’ade sɛ ɔbɔdamfo,+ na akyɛde+ tumi sɛe koma.+  Asɛm awiei ye sen ne mfiase.+ Nea ɔtɔ ne bo ase no ye sen nea ɔma ne ho so.+  Mpere wo ho mfa abufuw,+ efisɛ nkwasea kokom na abufuw te.+ 10  Nka sɛ: “Dɛn nti na kan nna no ye sen nnɛ?”+ na nyansa nnim+ sɛ wubebisa saa. 11  Nyansa a agyapade ka ho ye, na mfaso wɔ so ma wɔn a wɔwɔ owia ase.+ 12  Nyansa bɔ onipa ho ban+ sɛnea sika nso bɔ onipa ho ban no;+ nanso nimdeɛ so mfaso ne sɛ ɛne nyansa kora ne wuranom nkwa so.+ 13  Hwɛ nokware Nyankopɔn adwuma;+ sɛ ɔkyea biribi a, hena na obetumi ateɛ no?+ 14  Ɛda pa ba a, gye w’ani,+ na ɛda bɔne ba a, hu sɛ nokware Nyankopɔn na ayɛ eyi nso saa ara,+ sɛnea ɛbɛyɛ a nnipa renhu nea ebesi wɔn akyi.+ 15  Mahu ade nyinaa me nna huhuw no mu.+ Onipa trenee tumi wu ne trenee mu,+ ɛnna ɔdebɔneyɛfo tumi tena ase kyɛ ne bɔne mu.+ 16  Nyɛ wo ho ɔtreneeni dodo,+ na nyɛ wo ho onyansafo nso ntra so.+ Dɛn nti na ɛsɛ sɛ wosɛe wo ho?+ 17  Nyɛ ɔdebɔneyɛfo mmoro so,+ na nyɛ ɔkwasea nso.+ Dɛn nti na ɛsɛ sɛ wuwu ansa na wo bere aso?+ 18  Eye sɛ wobɛfa nea edi kan no, na nea edi akyiri no nso nyi wo nsa mfi ho;+ nea osuro Onyankopɔn no de ne nyinaa bɛyɛ adwuma.+ 19  Nyansa ma onyansafo nya ahoɔden sen kurow mu atumfoɔ du.+ 20  Ɔtreneeni biara nni asase so a adepa nko ara na ɔyɛ na ɔnyɛ bɔne.+ 21  Afei mfa wo koma nni nsɛm a nnipa ka nyinaa akyi,+ na woante sɛ w’akoa redome wo.+ 22  Na wo koma nim sɛ wo nso woadome afoforo mpɛn pii.+ 23  Eyinom nyinaa mede nyansa asɔ ahwɛ. Mekae sɛ: “Mehu nyansa.” Nanso na ɛne me ntam ware.+ 24  Nea aba nyinaa wɔ akyirikyiri, na emu dɔ yiye. Hena na obetumi ahu mu?+ 25  Me de, medan me ho, na me koma nso dan ne ho,+ sɛ mehu nyansa,+ na mapɛɛpɛɛ mu ahwehwɛ mu na mahu nneɛma ani so,+ ne sɛnea nkwaseasɛm yɛ amumɔyɛ na adammɔ nso yɛ agyimisɛm no;+ 26  nea mihui ni: Nea ɛyɛ nwene sen owu+ ne ɔbea a wayɛ ne ho sɛ atena a wɔde sum afiri na ne koma yɛ asau na ne nsa yɛ nkɔnsɔnkɔnsɔn.+ Nea otumi guan no no yɛ onipa pa, nokware Nyankopɔn ani so, na nea ɔkyere no no yɛ ɔdebɔneyɛfo.+ 27  Ɔsɛnkafo+ no kae sɛ: “Hwɛ! Nea mahu ni; mefaa nneɛma no mmiako mmiako sɛnea mehu ne nyinaa ani so.+ 28  Me kra hwehwɛe, nanso manhu. Nea mihui ne sɛ, wobenya ɔbarima biako a ɔteɛ wɔ apem mu,+ nanso wɔrennya ɔbea biako mpo wɔ wɔn mu.+ 29  Hwɛ! Nea mahu ara ne sɛ, nokware Nyankopɔn bɔɔ adesamma yiye,+ nanso wɔn ankasa na wɔakodi wɔn tirim adwene pii akyi.”+

Ase Hɔ Nsɛm