Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Ɔsɛnkafo 6:1-12

6  Mahu ɔbrɛ hunu bi owia ase, na ɛdɔɔso adesamma mu:  nokware Nyankopɔn ama obi sika ne ahonyade ne anuonyam,+ na nea ne kɔn dɔ biara mmɔ ne kra,+ nanso nokware Nyankopɔn mma ontumi nni,+ na mmom ɔnanani+ na odi. Eyi yɛ ahuhude ne ɔyare bɔne.  Sɛ onipa wo ɔha+ na ɔtena ase mfe pii ma ne mfe mu nna dɔɔso,+ na sɛ ne nyinaa akyi no, adepa mmee ne kra+ na ɔnkɔɔ amoa mu+ a, metumi aka sɛ ɔba a wɔapɔn no mpo ye sen no.+  Wammɛyɛ hwee; esum mu na ɔbɛkɔ, na esum na ɛbɛkata ne din so.+  Wanhu owia, na onnim sɛnea ɛte nso.+ Oyi mmom na ɔwɔ ahotɔ, na ɛnyɛ obiako no.+  Sɛ odi mfe mpem abien mpo na wanhu adepa+ a, ɛnyɛ faako na obiara rekɔ?+  Adesamma brɛ nyinaa, wɔbrɛ ma wɔn ano,+ nanso wɔn kra mmee da.  Dɛn na onyansafo de kyɛn ɔkwasea?+ Sɛ mmɔborɔni hu ateasefo anim nantew a, mfaso bɛn na ɛwɔ so?  Eye sɛ aniwa behu sen sɛ ɔkra bedi n’akɔnnɔde akyi.+ Eyi nso yɛ ahuhude ne adehunu akyidi.+ 10  Nea aba biara no, wɔabɔ din dedaw, na sɛnea onipa te nyɛ ade foforo;+ ɔrentumi ne nea ɔwɔ tumi sen no no nni asɛm.+ 11  Esiane sɛ nneɛma pii wɔ hɔ a ɛma ahuhude+ dɔɔso nti, mfaso bɛn na onipa nya? 12  Na hena na onim adepa a ɛwɔ hɔ ma onipa,+ ne nkwa nna huhuw no mu, bere a odi ne nna sɛ sunsuma+ no? Hena na ɔbɛkyerɛ onipa nea ebesi owia ase wɔ n’akyi?+

Ase Hɔ Nsɛm