Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Ɔsɛnkafo 1:1-18

1  Dawid ba, ɔsɛnkafo*+ a odii hene wɔ Yerusalem+ no nsɛm ni.  “Ahuhude mu ahuhude!”+ ɔsɛnkafo no na ose, “ahuhude mu ahuhude! Ade nyinaa yɛ ahuhude!”+  Mfaso bɛn na onipa nya wɔ adwuma a ɔbrɛ yɛ+ owia ase nyinaa mu?+  Awo ntoatoaso kɔ,+ na awo ntoatoaso ba,+ na asase de, etim hɔ daa.+  Owia nso pue, na ɛkɔtɔ;+ ɛde ahopere kɔ n’afã, na ɛhɔ na ɛsan pue fi.+  Mframa kɔ anafo, na etwa ne ho kɔ atifi.+ Etwa ne ho frɛdɛfrɛdɛ,+ na ɛsan twa kontonkron+ besi n’ananmu.  Nsubɔnten+ nyinaa sen kogu po+ mu, nanso ɛpo nyɛ mã+ da. Baabi a nsubɔnten no fi ba no, ɛhɔ ara na ɛsan kɔ, na asan afi hɔ aba.+  Ade nyinaa yɛ ɔbrɛ nko;+ obiara ntumi nka ho asɛm. Aniwa hwɛ ade a ɛmmee,+ na asõ nso tie asɛm a ɛmmrɛ.+  Nea aba no, ɛno ara na ɛbɛba;+ na nea wɔayɛ no, ɛno ara na wɔbɛyɛ; enti ade foforo biara nni owia ase.+ 10  Dɛn na ɛwɔ hɔ a obi betumi aka ho asɛm sɛ: “Hwɛ ade foforo a aba”? Ɛno ara na ɛwɔ hɔ fi tete;+ nea aba biara wɔ hɔ ansa na yɛreba.+ 11  Nkae biara nni hɔ mma tetefo no, na nkyirimma nso rennya nkae bi.+ Wɔn a wɔbɛba wɔn akyi nso rennya nkae bi mma wɔn.+ 12  Me, ɔsɛnkafo no, midii Israel so hene wɔ Yerusalem.+ 13  Na mede me koma sii so sɛ mɛpɛ nyansa+ akyi kwan na mahwehwɛ mu ahu biribiara a wɔyɛ wɔ ɔsoro ase no mu—ɔbrɛdwuma a Onyankopɔn de ama adesamma sɛ wɔnyɛ no.+ 14  Na mihuu nnwuma a wɔyɛ owia ase nyinaa,+ na hwɛ! ade nyinaa yɛ ahuhude ne adehunu akyidi.+ 15  Nea akyea no, wɔrentumi nteɛ no,+ na nea enni hɔ nso, wɔrentumi nkan. 16  Na me de, mekae wɔ me komam+ sɛ: “Hwɛ! Mahu nyansa pii asen wɔn a wodii m’anim Yerusalem+ nyinaa, na me koma ahu nyansa ne nimdeɛ pii.”+ 17  Mede me koma hwehwɛɛ nyansa ne adammɔ,+ na mabehu nkwaseasɛm;+ ɛno nso yɛ adehunu akyidi.+ 18  Nyansa bebrebe de ahometew bebree ba,+ enti nea ɔma ne nimdeɛ dɔɔso no ma ne yaw dɔɔso.+

Ase Hɔ Nsɛm

Nea ɛkyerɛ ankasa ne “ɔnoboaboafo.” Anaa “nea ɔboaboa asafo ano.”