Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Adɛn Nti na Wɔfrɛ Yesu Onyankopɔn Ba?

Adɛn Nti na Wɔfrɛ Yesu Onyankopɔn Ba?

Nea Bible ka

Onyankopɔn nni yere a ɔne no awo mma. Nanso ɔno ne Ɔbɔadeɛ. Biribiara a nkwa wom no, ɔno na ɔbɔe. (Adiyisɛm 4:11) Ɛno nti, Adam a ɔyɛ onipa a Onyankopɔn dii kan bɔɔ no no, wɔfrɛ no “Onyankopɔn ba.” (Luka 3:38) Afei nso, Bible kyerɛkyerɛ sɛ Onyankopɔn na ɔbɔɔ Yesu. Enti wɔsan frɛ Yesu “Onyankopɔn Ba.Yohane 1:49.

Onyankopɔn bɔɔ Yesu ansa na ɔrebɔ Adam. Ɔsomafo Paulo kyerɛw Yesu ho asɛm sɛ: “Ɔno ne Onyankopɔn a wonhu no no suban, abɔde nyinaa mu abakan.” (Kolosefo 1:15) Ansa na wɔrewo Yesu ato mmoa adididaka mu wɔ Betlehem no, na ɔwɔ hɔ dedaadaw. Bible ka sɛ “n’ase fi tete a enni ano.” (Mika 5:2) Yesu yɛ Onyankopɔn Ba a ɔdii kan bɔɔ no. Enti bere a na wɔnnya nwoo Yesu sɛ onipa wɔ asase so no, na ɔyɛ honhom abɔde wɔ soro. Yesu ankasa kae sɛ: “Mifi soro.Yohane 6:38; 8:23.