Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Onyankopɔn na Ɔbɔɔ Ɔbonsam Anaa?

Onyankopɔn na Ɔbɔɔ Ɔbonsam Anaa?

Nea Bible ka

Bible kyerɛ sɛ Onyankopɔn ammɔ obiara Ɔbonsam, na mmom, ɔbɔɔ ɔbɔfo bi a ɔyɛɛ ne ho Ɔbonsam. Bible ka Onyankopɔn ho asɛm sɛ: “N’adeyɛ yɛ pɛ, n’akwan nyinaa teɛ. Ɔyɛ Onyankopɔn nokwafo a nkontomposɛm biara nni n’akwan mu, ɔtreneeni a obu atɛntrenee.” (Deuteronomium 32:3-5) Saa asɛm no ma yɛhu sɛ mmere bi, na Satan Ɔbonsam yɛ ɔbɔfo nokwafo a bɔne biara nni ne ho. Enti na ɔka Onyankopɔn mma no ho.

Yesu kaa biribi faa Ɔbonsam ho wɔ Yohane 8:44. Ɔkaa sɛ, Ɔbonsam ‘annyina nokware no mu,’ na ɛno kyerɛ sɛ, mmere bi, na Satan yɛ ɔbɔfo nokwafo a asɛm biara nni ne ho.

Nanso sɛnea Onyankopɔn bɔɔ nnipa ne abɔfo no, wɔwɔ hokwan sɛ wɔpaw papa anaa bɔne. Enti saa ɔbɔfo a ɔyɛɛ ne ho Ɔbonsam no, na ɔno nso wɔ saa hokwan no. Bere a Ɔbonsam tew atua tiaa Onyankopɔn na ɔdaadaa awarefo a wɔdi kan no, ɔyɛɛ ne ho Satan a ɛkyerɛ “Ɔsɔretiafo.”Genesis 3:1-5; Adiyisɛm 12:9.

SUA PII

ƆWƐN-ABAN

Ɛyɛɛ Dɛn na Ɔbonsam Bae?

Sɛ Onyankopɔn na ɔbɔɔ nneɛma nyinaa a, ɛnde ebetumi aba sɛ ɔbɔɔ Ɔbonsam anaa? Hwehwɛ mu na hu nea Bible ka.