Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Nyinsɛn a Wɔtu Gu—Bible Ka Ho Asɛm Anaa?

Nyinsɛn a Wɔtu Gu—Bible Ka Ho Asɛm Anaa?

Nea Bible ka

Nkwa som bo ma Onyankopɔn. Sɛ ɔbaa nyinsɛn a, bere a abofra no yɛ mogyatɔw mpo, Onyankopɔn bu no sɛ onipa a nkwa wɔ ne mu. Honhom kaa Ɔhene Dawid ma ɔkaa Onyankopɔn ho asɛm sɛ: “Bere a meyɛ mogyatɔw mpo no, w’aniwa huu me.” (Dwom 139:16) Onyankopɔn hyɛɛ mmara sɛ obiara a ɔbɛpira abofra a ɔhyɛ ne maame yafunu mu no, wɔbɛtwe n’aso. Enti, Onyankopɔn fam no, sɛ obi tu nyinsɛn gu a, na wadi awu.Exodus 20:13; 21:22, 23.

Sɛ bere sõ sɛ ɔpemfo bi wo a, ɛbɛtumi aba sɛ n’awo mu bɛyɛ den paa. Ebi mpo a ɛho bɛhia sɛ okunu ne ɔyere no si gyinae yi: Wɔnnye abofra a wɔnwoo no no nkwa na maame no nwu, anaasɛ wɔnnye maame no nkwa na abofra no nwu? Ɛba saa a, awarefo no na ɛsɛ sɛ wɔpaw nea wɔpɛ sɛ wɔgye no nkwa.