Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Yehowa Adansefo

Twi

Atoyerɛnkyɛm Yɛ Asotwe A Ɛfi Onyankopɔn Anaa?

Atoyerɛnkyɛm Yɛ Asotwe A Ɛfi Onyankopɔn Anaa?

Nea Bible ka

Atoyerɛnkyɛm a ɛsisi nnɛ no, Bible nkyerɛ sɛ ɛfi Onyankopɔn. Bible ma yɛhu sɛ, nsonsonoe da sɛnea Onyankopɔn bu atɛn ne atoyerɛnkyɛm ntam.

  1. Onyankopɔn atemmu de, ɔmfa mfra obiara. Bible ka sɛ: “Onipa desani hwɛ nea etua aniwa, na Yehowa de, ɔhwɛ komam.1 Samuel 16:7.

  2. Yehowa hwɛ onipa biara komam, na wɔn a wɔyɛ abɔnefo no nko ara na ɔsɛe wɔn.Genesis 18:23-32.

  3. Onyankopɔn di kan bɔ nnipa kɔkɔ, na ɛma wɔn a wɔpɛ no tie nya nkwa.

Atoyerɛnkyɛm nso de, ɛreba a ɛmmɔ nkae. Wobɛhu ara ne sɛ asi akunkum nnipa pa ne nnipa bɔne nyinaa abom. Yɛbɛtumi aka sɛ nnipa ka ho bi na sɛ atoyerɛnkyɛm si a ɛsɛe nneɛma kɛse no, efisɛ nnipa sɛe ara na wɔresɛe asase ne emu nneɛma. Mmeae a atoyerɛnkyɛm taa sisi no nso, nkurɔfo sisi adan wɔ hɔ. Ɛno nti sɛ asasewosow, nsuyiri anaa biribi foforo si a, ɛtumi sɛe ade paa.

SUA PII

ASƐMPA A EFI ONYANKOPƆN HƆ!

Dɛn Nti na Onyankopɔn Bɔɔ Asase?

Bible ma yehu nea enti a Onyankopɔn bɔɔ asase, bere a amanehunu to betwa, nea ɛbɛba asase so daakye, ne nea wɔn a wɔbɛtena so no benya.