Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Tala ‵Lei Mai te Atua!

 MATAUPU 3

E Mata, ne Aumai Eiloa Mai te Atua a te Tala ‵Lei?

E Mata, ne Aumai Eiloa Mai te Atua a te Tala ‵Lei?

1. Ko oi te Tino ne aumai ne ia te Tusi Tapu?

A te tala ‵lei me ka ola a tino ki te se-gata-mai i te lalolagi e tusi eiloa i te Tusi Tapu. (Salamo 37:29) E aofia i te Tusi Tapu a tamā tusi e 66. Ne fakaaoga ne te Atua a tāgata fakamaoni e toko 40 ke tusi ne latou. A tusi muamua e lima ne tusi ne Mose kāti i se 3,500 tausaga ko ‵teka. A te ‵toe tusi ne tusi ne te apositolo ko Ioane i te 1,900 tupu tausaga ko ‵teka. I oi a manatu ne tusi ne tino tusitala o te Tusi Tapu? Ne fesokotaki atu te Atua ki tino tusitala o te Tusi Tapu e auala i tena agaga tapu. (2 Samuelu 23:2) Ne tusi ne latou a manatu o te Atua, kae e se ko olotou manatu totino. Tela la, a Ieova ko te Tino telā ne aumai ne ia te Tusi Tapu.​—Faitau te 2 Timoteo 3:16; 2 Petelu 1:20, 21.

2. E mafai pefea o mautinoa i a tatou me e tonu eiloa te Tusi Tapu?

E iloa ne tatou me i te Tusi Tapu se tusi mai te Atua ona ko te mea e ‵valo tonu mai eiloa i ei a fakamatalaga likiliki ki mea ka ‵tupu i aso mai mua. E seai eiloa se tagata e mafai o fai ne ia te mea tenā. (Iosua 23:14) Ko te Atua Malosi Katoatoa fua e mafai o lavea tonu ne ia a te olaga o te tino i aso mai mua.​—Faitau te Isaia 42:9; 46:10.

E fakamoe‵moe eiloa tatou me ka tu ‵kese se tusi mai te Atua, kae e fai eiloa penā. E lau i piliona o ‵kopi o te Tusi Tapu ko oti ne tufatufa atu i te fia selau o ‵gana. E tiga eiloa ko leva, e fetaui eiloa te Tusi Tapu mo manatu ‵tonu fakasaienisi. E se fe‵paki foki a mea ne tusi ne tino tusitala e toko 40. * E se gata i ei, a fakamatalaga i te Tusi Tapu e uiga ki te alofa ne aumai katoa mai te Atua, telā ko te Atua o te alofa, kae koi maua eiloa i ei te ‵mana ke ‵fuli a olaga o tino ke tai ‵lei atu. E fakamaoni aka ne te fia miliona o tino a manatu ‵tonu konei me i te Tusi Tapu ko te Muna a te Atua.​—Faitau te 1 Tesalonia 2:13.

 3. Se a te mataupu fakavae i te Tusi Tapu?

E fakavae eiloa te Tusi Tapu ki te tala ‵lei me e isi se fuafuaga alofa a te Atua mō tino. E fakamatala mai i te Tusi Tapu a te auala ne galo atu ei a te tulaga taulia o te tagata, ke ola i te lalolagi palataiso i tala mua, mo te auala ka toe fakafoki mai ei a te palataiso.​—Faitau te Fakaasiga 21:4, 5.

E aofia foki i te Muna a te Atua a tulafono, akoakoga fakavae, mo fakatakitakiga. E se gata i ei, e maua foki i te Tusi Tapu a tala mua e uiga ki faifaiga a te Atua ki tino​—se tala mua telā e fakaasi mai i ei a uiga o te Atua. Tela la, e mafai o fesoasoani atu te Tusi Tapu ke iloa ne koe te Atua. E fakamatala mai i ei a te auala e mafai ei o fai koe mo fai sena taugasoa.​—Faitau te Salamo 19:7, 11; Iakopo 2:23; 4:8.

4. E mafai pefea o malamalama koe i te Tusi Tapu?

Ka fesoasoani atu te polosiua tenei ke malamalama koe i te Tusi Tapu mai te fakaaogaga o te auala foki eiloa telā ne fakaaoga ne Iesu. Ne fakasino atu a ia ki nai tusi fai‵tau i te Tusi Tapu i taimi takitasi kae fakamatala atu “te uiga o Tusitusiga Tapu.”​—Faitau te Luka 24:27, 45.

E isi ne nai mea tafasili i te ‵gali e pelā mo te tala ‵lei mai te Atua. Kae e se fia‵fia kae e kaitāua foki a nisi tino ki ei. Ke mo a ma loto vāivāi koe. E fakalagolago eiloa tou fakamoemoega ke ola ki te se-gata-mai ki te iloa ‵lei ne koe o te Atua.​—Faitau te Ioane 17:3.

 

^ pala. 3 Ke onoono ki te tamā pepa ko Te Pogai e Mafai ei ne Koe o Talitonu ki te Tusi Tapu.