Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Tala ‵Lei Mai te Atua!

 MATAUPU 13

Se a te Tala ‵Lei e Uiga ki Lotu?

Se a te Tala ‵Lei e Uiga ki Lotu?

1. E mata, e ‵lei a lotu katoa?

E isi ne tino loto fakamaoni i lotu katoa. Se tala ‵lei eiloa me e lavea ne te Atua a tino konā kae e atafai atu a ia ki a latou. Kae se mea fakafanoanoa me ne uke ‵ki eiloa a mea ma‵sei ne fai e auala i lotu. (2 Kolinito 4:3, 4; 11:13-15) E ‵tusa mo tala kolā ne lipoti mai, e aofia foki a nisi lotu i amioga takafia‵toa, te tamatega o itukāiga, taua, mo te maneaneaga o tama‵liki. Ko oko eiloa i te fakafanoanoa atu o te mea tenei ki tino tali‵tonu fakamaoni ki te Atua!​—Faitau te Mataio 24:3-5, 11, 12.

E tiga eiloa e avatu ne te lotu tonu a tavaega ki te Atua, e fakafanoanoa ne lotu ‵se a ia. E akoako atu i ei a manatu kolā e se maua i te Tusi Tapu, e aofia i ei a akoakoga ‵se e uiga ki te Atua mo tino ‵mate. Kae e manako a Ieova ke iloa ne tino a te munatonu e uiga ki a ia.​—Faitau te Esekielu 18:4; 1 Timoteo 2:3-5.

2. Se a te tala ‵lei e uiga ki lotu?

Se mea fakafiafia me e se faka‵segina a te Atua ne lotu kolā e fai mai i a latou e a‵lofa ki a ia kae e a‵lofa foki ki te lalolagi a Satani. (Iakopo 4:4) E fakasino atu a te Muna a te Atua ki lotu ‵se katoa e pelā me ko “Papelonia te Sili.” A Papelonia ko te fa‵kai mua telā ne kamata mai i ei a lotu ‵se mai tua o te Lolo i aso o Noa. E se leva kae ka aumai ne te Atua a te gataga fakapoi ki lotu kolā e fakaloiloi kae fakapuapuaga ne latou a tino.​—Faitau te Fakaasiga 17:1, 2, 5, 16, 17; 18:8.

E uke atu foki a tala ‵lei. E seki puli i a Ieova a tino loto fakamaoni kolā e salalau i lotu ‵se i te lalolagi kātoa. E fai ne ia a tino penā ke ‵kau fakatasi mo te fealofani mai i te akoako atu o te munatonu ki a latou.​—Faitau te Mika 4:2, 5.

 3. Ne a mea e ‵tau o fai ne tino loto fakamaoni?

Tino e sau‵tala mai tua o te fakatasiga Kelisiano

E atafai a Ieova ki tino kolā e a‵lofa ki te mea tonu kae ‵lei. E fakamalosi atu a ia ki a latou ke ‵tele keatea mai i lotu ‵se. A tino kolā e a‵lofa ki te Atua e loto fia‵fia o fai a ‵fuliga ke fakafiafia atu ki a ia.​—Faitau te Fakaasiga 18:4.

I te senitenali muamua, i te taimi ne lagona ei ne tino loto fakamaoni a te tala ‵lei mai i te kau apositolo, ne talia ne latou mo te fia‵fia. Ne tauloto latou ki se vaegā olaga fou mai i a Ieova, se olaga fakafiafia telā e isi sena aoga mo se fakamoemoega. E fai eiloa latou mo fai se fakaakoakoga ki a tatou i aso nei me ne talia ne latou te tala ‵lei mai i te fakamuamua ne latou a Ieova i olotou olaga.​—Faitau te 1 Tesalonia 1:8, 9; 2:13.

E talia ne Ieova ki loto i tena kāiga o tino tapuaki a latou kolā e ‵fuli keatea mai lotu ‵se. Kafai e talia ne koe a te ‵kamiga alofa a Ieova, ka maua ne koe se va fakataugasoa mo ia, se kāiga alofa o taina tapuaki ki a Ieova, mo te ola se-gata-mai.​—Faitau te Maleko 10:29, 30; 2 Kolinito 6:17, 18.

4. Ka aumai pefea ne te Atua a te fiafia ki fenua katoa?

A te fakamasinoga o lotu ‵se telā ko pili mai se tala ‵lei eiloa. Ka fakasaoloto ei te lalolagi kātoa mai i puapuaga. Ka se toe takitaki ‵se io me fakamavae‵vae ne lotu ‵se a tino. Ka ‵kau fakatasi mo te fealofani a tino katoa i te tapuakiga ki te Atua tonu fua e tokotasi.​—Faitau te Fakaasiga 18:20, 21; 21:3, 4.