Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Tala ‵Lei Mai te Atua!

 MATAUPU 4

Ko oi a Iesu Keliso?

Ko oi a Iesu Keliso?

1. Ne kamata pefea te olaga o Iesu?

Ne a uiga ne fakafaigofie aka ei a te olo atu ki a Iesu?​—MATAIO 11:29; MALEKO 10:13-16.

E se pelā mo nisi tino, ne ola a Iesu i te lagi e pelā me se tino faka-te-agaga a koi tuai o fanau mai ki te lalolagi. (Ioane 8:23) A iako te mea muamua eiloa ne faite ne te Atua, kae ne fesoasoani atu a ia i te faitega o nisi mea katoa. Ko ia fua tokotasi ne faite eiloa ne Ieova kae tenā te pogai e ‵tau ei o fakaigoa a ia ki te Tama “fagasele e tokotasi” a te Atua. (Ioane 1:14) Ne tavini atu a Iesu e pelā me ko te Tukumuna a te Atua, tela la, e fakaigoa foki a ia ko “te Muna.”​—Faitau te Faataoto 8:22, 23, 30; Kolose 1:15, 16.

2. Kaia ne vau ei a Iesu ki te lalolagi?

Ne uga mai ne te Atua tena Tama ki te lalolagi e auala i te tukuatuga o tena ola ki te moegatama o te tamāfine Iutaia e igoa ki a Malia. Tela la, e seai se tamana faka-te-foitino o Iesu. (Luka 1:30-35) Ne vau a Iesu ki te lalolagi (1) ke akoako mai te munatonu e uiga ki te Atua, (2) ke tuku mai se fakaakoakoga ki te auala e fai ei te loto o te Atua ke oko foki eiloa ki taimi e fe‵paki tatou mo tulaga faiga‵ta, kae ko te (3) ke tuku atu tena ola ‵lei katoatoa e pelā me se “togiola.”​—Faitau te Mataio 20:28.

3. Kaia e manakogina ei ne tatou a te togiola?

A te togiola ko te ‵togi telā e ‵tau o tuku atu ke fakasaoloto ei se tino mai i te mate. (Esoto 21:29, 30) A te mate mo te olaga matua e se ne vaega o te fuafuaga muamua a te Atua mō tino. E iloa pefea ne tatou a te mea tenā? Ne fai atu te Atua ki te tagata muamua, ko Atamu, me kafai e fai ne ia a te mea telā e taku i te Tusi Tapu ko te “agasala,” ka mate eiloa a ia. Tela la, moi ne seki agasala a Atamu, penei e se mate a ia.  (Kenese 2:16, 17; 5:5) E ‵tusa mo te Tusi Tapu, ne “oko” mai te mate ki te lalolagi e auala i a Atamu. Tela la, ne tuku atu ne Atamu ki ana tamaliki katoa a te agasala mo tena fakasalaga, ko te mate. E manakogina ne tatou a te togiola ke fakasaoloto ei tatou mai te fakasalaga o te mate telā ne maua ne tatou mai i a Atamu.​—Faitau te Loma 5:12; 6:23.

Ko oi e mafai o ‵togi atu ne ia a te togiola ke fakasaoloto ei tatou mai te mate? Kafai e ‵mate tatou, e ‵togi atu fua ne tatou a te fakasalaga ki ‵tou agasala eiloa. E seai se tagata sē ‵lei katoatoa e mafai ne ia o ‵togi atu mō agasala a nisi tino.​—Faitau te Salamo 49:7-9.

4. Kaia ne mate ei a Iesu?

E se pelā mo tatou, ne ‵lei katoatoa a Iesu. Tela la, e se manakogina ke mate a ia mō ana agasala​—e seki fai eiloa ne ia so se agasala. I lō te fai penā, ne mate a Iesu mō agasala a nisi tino. Ne fakaasi mai ne te Atua a te alofa tafasili i te maluga mō tino i te ugamaiga ne ia o tena Tama ke mate mō tatou. Ne fakaasi mai foki ne Iesu a te alofa ki a tatou mai i te fakalogo ki tena Tamana kae tuku mai tena ola mō ‵tou agasala.​—Faitau te Ioane 3:16; Loma 5:18, 19.

5. Ne a mea ko fai nei ne Iesu?

I te taimi koi nofo ei i te lalolagi, ne faka‵lei ne Iesu a tino ma‵saki, faka‵tu a tino ‵mate, kae faka‵sao a tino mai tulaga fakama‵taku. Tela la, ne fakaasi mai i ei a mea kolā ka fai ne ia i aso mai mua mō tino faka‵logo katoa. (Mataio 15:30, 31; Ioane 5:28) Mai tua o te matega a Iesu, ne toe fakatu aka ne te Atua a ia ki te ola e pelā me se tino faka-te-agaga. (1 Petelu 3:18) I konā, ne faka‵tali ei a Iesu i te feitu fakaatamai o te Atua ke oko ki te taimi ne tuku atu ei ne Ieova a te malosi ke pule e pelā me se Tupu ki luga i te lalolagi kātoa. (Epelu 10:12, 13) Nei la, ko pule mai a Iesu e pelā me ko te Tupu i te lagi, kae e folafola atu ne ana soko a te tala ‵lei tenā i te lalolagi kātoa.​—Faitau te Tanielu 7:13, 14; Mataio 24:14.

E se leva nei, kae ka fakaaoga ne Iesu tena ‵mana e pelā me ko te Tupu ke fakagata aka ei a logo‵maega katoa mo tino kolā e māfua mai i ei. A latou katoa kolā e fakatuanaki ki a Iesu mai i te faka‵logo ki a ia ka maua ne latou te ola i te lalolagi palataiso.​—Faitau te Salamo 37:9-11.