Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Te Tala ‵Lei Mai te Atua!

 MATAUPU 9

E Mafai Pefea o Maua ne Tou Kāiga a te Fiafia?

E Mafai Pefea o Maua ne Tou Kāiga a te Fiafia?

1. Kaia e tāua ei a te avaga faka‵lei ki te fiafia o te kāiga?

E māfua mai te tala ‵lei i a Ieova, te Atua fiafia, telā e manako ke fia‵fia a kāiga. (1 Timoteo 1:11) Ne māfua mai i a Ia a te faiga o te avaga. A te faiga o te avaga e ‵tusa mo te tulafono e tāua ‵ki eiloa me e tuku mai i ei se lagonaga tokagamalie i te putiakaga o tama‵liki. E ‵tau mo Kelisiano o āva ki tulafono a te fenua e uiga ki te faiga faka‵lei o te avaga.​—Faitau te Luka 2:1, 4, 5.

E pefea te kilokiloga a te Atua ki te avaga? E manako a ia ke fai mo fai se fesokotakiga tumau i te va o te tagata mo te fafine. E manako a Ieova ke fakaasi atu ne tāgata a‵vaga mo fāfine a‵vaga a te a‵lofa fakamaoni ki olotou avaga. (Epelu 13:4) E takalialia a ia ki te ‵talaga o avaga. (Malaki 2:16) Kae e mafai ne Kelisiano o ‵tala olotou avaga kae toe avaga māfai ko mulilua olotou avaga.​—Faitau te Mataio 19:3-6, 9.

2. E ‵tau o pefea a faifaiga a te tauavaga ki a lāua eiloa?

Ne faite ne Ieova a tāgata mo fāfine ke fakataunu olotou tulaga i te taimi e a‵vaga ei latou. (Kenese 2:18) E pelā me ko te ulu o te kāiga, e ‵tau o fai ne te tagata avaga a te takitakiga i te tausi atu ki te kāiga i te feitu faka-te-foitino mo te akoakoga o latou e uiga ki te Atua. E ‵tau o fakaasi atu ne ia a te alofa sē fakapito ki tena avaga. E ‵tau o fakatau fakaasi atu ne te tauavaga a te alofa mo te āva. Ona ko te mea e se ‵lei katoatoa a tino a‵vaga katoa, a te fakamasani ke fakamagalo atu ko te kī ki te mauaga o te fiafia i te olaga avaga.​—Faitau te Efeso 4:31, 32; 5:22-25, 33; 1 Petelu 3:7.

3. E mata, e ‵tau o fulitua atu koe ki se olaga avaga telā e seai se fiafia i ei?

Kafai e fe‵paki koe mo tulaga faiga‵ta i tou olaga avaga, e ‵tau mo koulua o ga‵lue fakatasi i te fakatau fakaasi atu o te alofa. (1 Kolinito 13:4, 5) E se fakamalosi aka ne te Muna a te  Atua a te māvae e pelā me se auala ke faka‵lei aka ei a fakalavelave masani i te olaga avaga.​—Faitau te 1 Kolinito 7:10-13.

4. Tama‵liki, se a te mea e manako ki ei te Atua ke maua ne koutou?

E manako a Ieova ke fia‵fia koutou. E tuku mai ne ia a toe fakatakitakiga ‵lei ki te auala ke fia‵fia ei koutou i te otou olaga fakatalavou. E manako a ia ke maua ne koutou a mea aoga mai i te poto mo te atamai o otou mātua. (Kolose 3:20) E manako foki a Ieova ke maua ne koe te fiafia mai i te faiga o mea kolā e manako ki ei tou Mafuaga mo tena Tama.​—Faitau te Failauga 11:9–12:1; Mataio 19:13-15; 21:15, 16.

5. Mātua, e mafai pefea o maua ne otou tama‵liki a te fiafia?

E ‵tau o ga‵lue malosi koutou ke tuku atu a meakai, fale, mo gatu mō otou tama‵liki. (1 Timoteo 5:8) Kae ke maua ne otou tama‵liki a te fiafia, e ‵tau foki o akoako ne koutou a latou ke a‵lofa ki te Atua kae ke tauloto foki mai i a ia. (Efeso 6:4) A te otou fakaakoakoga i te fakaasiatuga o te alofa ki te Atua e mafai o fakamalosi atu i se auala lasi ki loto o otou tama‵liki. Kafai e fakavae ki te Muna a te Atua, e mafai ne otou akoakoga o fulifuli a mafaufauga o otou tama‵liki i se auala ‵lei.​—Faitau te Teutelonome 6:4-7; Faataoto 22:6.

E maua ne tama‵liki a mea aoga māfai e fakamalosi kae fakamālō atu ki a latou. E ‵tau foki o fakatonutonu kae polopoloki latou. A vaegā akoakoga penā e puipui ei latou mai i amioga kolā e mafai o galo atu i ei te lotou fia‵fia. (Faataoto 22:15) Kae e se ‵tau eiloa o ‵mafa io me ko tō fakasaua atu a polopolokiga.​—Faitau te Kolose 3:21.

E ‵lomi ne Molimau a Ieova a nai tusi kolā ne fakatoka fakapitoa eiloa ke fesoasoani atu ki mātua mo tama‵liki. E fakavae eiloa a tusi konei ki te Tusi Tapu.​—Faitau te Salamo 19:7, 11.