Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Ko Pule Mai te Malo o te Atua!

Fakamaui: Ne fakamanatu ne te kāiga Peteli i Brooklyn a te lotou toe Kilisimasi i te 1926; fakaatamai: E lavea ne tino me e tu ‵kese eiloa a Molimau a Ieova

 VAEGA 3

Tulaga o te Malo​—Ke ‵Sala Atu ki te Amiotonu o te Atua

Tulaga o te Malo​—Ke ‵Sala Atu ki te Amiotonu o te Atua

 E TĀLO atu koe ki tou tuakoi i te taimi e sasale atu ei koe. Fakamuli ifo, ne iloa ne koe me ne onoono atu faeloa a ia ki a koe mo tou kāiga. E toe tālo atu a ia kae fakatu atu tena lima ke fanatu koe. Ana muna: “E mafai o ‵sili atu ne au se fesili? Se a te mea e fai ei koutou ke tu ‵kese?” E fesili atu koe: “Se a te mea e fakauiga koe ki ei?” “Ia,” ana muna, “a koutou ne Molimau a Ieova, ne? E se fai koutou e pelā mo nisi tino. E se fai koutou e pelā mo nisi lotu​—e se fakamanatu ne koutou a aso malō‵lo, kae e se aofia foki i mea fakapolitiki mo taua. E se ‵pusi foki koutou. Kae e foliga mai me e ma‵luga ‵ki a tulaga o tou kāiga i mea tau amioga. Se a te mea e fai ei ke ‵kese koutou i auala e uke?”

E iloa ne koe me e faigofie fua te tali: E ‵nofo eiloa tatou mai lalo i te pulega a te Malo o te Atua. E pelā me ko te Tupu, e faka‵ma faeloa ne Iesu tatou. E fesoasoani mai a ia ke sa‵sale atu tatou i ana kalafaga kae ke tu ‵kese foki mai i te lalolagi masei tenei. I te vaega tenei, ka onoono tatou ki te auala e faka‵ma aka ei ne te Malo faka-Mesia a tino o te Atua i te feitu faka-te-agaga, i mea tau amioga, mo fakatokaga i te fakapotopotoga​—kolā e fai a mea katoa mō te vikiga o Ieova.

I TE VAEGA TENEI

MATAUPU E 10

Ko Faka‵ma ne te Tupu Ana Tino i te Feitu Faka-te-Agaga

Se a te mea e ‵pau ei a te Kilisimasi mo te koluse?

MATAUPU E 11

Te Faka‵maga i Mea Tau Amioga​—Ke Fakaasi Atu te ‵Malu o te Atua

E isi eiloa se uiga fakapito mō tino o te Atua talu mai te 1914 a potu o te kau leoleo mo auala ki loto i te faletapu i te fakaasiga a Esekielu.

MATAUPU E 12

Ne Fakatoka ke Tavini Atu ki “te Atua o te Filemu”

Ne seki faka‵kese ne te Tusi Tapu a te fai valevale mo te fai faka‵lei, kae mo te filemu. Kaia? E pokotia pefea a Kelisiano i aso nei i te tali?