Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Ko Pule Mai te Malo o te Atua!

Fakamaui: Se tuagane telā e taku ki te colporteur e talai atu i Kolea, i te 1931; fakaatamai: Te tali atu i te ‵gana fai tāga i Kolea i aso nei

 VAEGA 2

Talaiatuga o te Malo​—Te Fakasalalauatuga o te Tala ‵Lei

Talaiatuga o te Malo​—Te Fakasalalauatuga o te Tala ‵Lei

 KO FAKATOKA koe ki te galuega talai i te tafataeao ‵malu i tou aso malōlō mai tau galuega ‵togi. Ko tai fakatuatuai koe, kae fi‵ta malie. Ko oko eiloa i te gali aka ke malōlō koe i te taeao tenā! Kae e ‵talo atu koe e uiga ki ei kae fakaiku aka ke fanatu i te galuega talai. Ko ga‵lue koe mo se tuagane matua fakamaoni, kae ne otia eiloa tou loto i tena kufaki mo tena atafai. Kae i te taimi e fakaasi atu ei ne koe a te fekau o te munatonu mai fale ki fale, e foliga mai ki a koe me e fakaasi atu foki ne ou taina mo tuagane a te fekau foki tenei, e ‵pau foki a te tusi e fakaaoga, kae e maua foki ne tino katoa a mea mai te akoakoga foki eiloa e tasi. I te taimi e oko atu ei koe ki te fale, ko se faka‵tau eiloa i tou malosi. Ko fiafia malosi koe me ne seki nofo atu koe i te fale!

I aso nei, a te galuega talai faka-Kelisiano ko te galuega fakavae eiloa o te Malo o te Atua. Ne ‵valo mai ne Iesu me ka fakataunu eiloa i se auala fakaofoofogia a te galuega talai i te lalolagi i aso fakaoti. (Mata. 24:14) Ne fakataunu pefea tena valoaga? I te vaega tenei, ka iloilo aka ne tatou a tino, auala, mo mea faigaluega kolā ne tāua ‵ki ki te galuega talai faka-Kelisiano, telā e fesoasoani atu ki te fia miliona o tino i te lalolagi kātoa ke ‵kilo atu ki te Malo o te Atua e pelā me se mea tonu.

I TE VAEGA TENEI

MATAUPU E 6

Tino Kolā e Talai Atu​—E ‵Kau Fakatasi Atu a Tino Talai ki a Koe mo te Loto Fia‵fia

Kaia ne maua ei te loto talitonu o Iesu me ka isi se kautau o tino talai loto fia‵fia i aso fakaoti? E mafai pefea o fakaasi atu ne koe me e fakamuamua faeloa ne koe te Malo?

MATAUPU E 7

Auala ke Talai Atu​—Ke Fakaaoga a Auala Kese‵kese ke Talai Atu ki Tino

Tauloto ki auala ‵fou ko oti ne fakaaoga ne tino o te Atua ke oko atu ki tino e tokouke mo te tala ‵lei a koi tuai o oko mai te gataga.

MATAUPU E 8

Mea Faigaluega mō te Galuega Talai​—Te Fakatokaga o Tusi mō te Galuega Talai i te Lalolagi Kātoa

E fakamaoni atu pefea i ‵tou galuega ‵fulitusi me e ‵lago mai a Iesu ki a tatou? Ne a manatu ‵tonu e uiga ki ‵tou tusi kolā e fakamaoni mai i ei me i te Malo se pulega tonu?

MATAUPU E 9

Mea ne Iku Mai i te Galuega Talai​—“Fatoaga . . . Ko ‵Kena Aka Eiloa i Fuataga e ‵Tau o Tau”

Ne fakaasi atu ne Iesu ki ana soko a akoakoga tāua e lua e uiga ki te ‵tauga sili o fuataga i te feitu faka-te-agaga. E pokotia pefea tatou i aso nei i akoakoga konā?