Fanatu ki te fakasologa

Fanatu ki te fakasologa o mataupu

Molimau a Ieova

Fili se `gana Tuvalu

Fakamaui: Se tuagane i Alabama, i U.S.A., e fakatagi ne ia se lāuga ne puke a te Taina ko Rutherford, i tausaga mai te 1930; fakaatamai: Suisilani

 VAEGA 1

Te Munatonu e Uiga ki te Malo​—Te Fakasoaatuga o Mea‵kai Faka-te-Agaga

Te Munatonu e Uiga ki te Malo​—Te Fakasoaatuga o Mea‵kai Faka-te-Agaga

 E KILO atu eiloa koe ki te faka‵pulaga o mata o tau akoga faka-te-Tusi Tapu i taimi ko malamalama ei a ia i te uiga o te tusi faitau telā ne fatoa faitau fakatasi ne koulua. E fai malielie atu a ia: “Ko tena uiga, e akoako mai te Tusi Tapu me e mafai o ola tatou i te Palataiso ki te se-gata-mai​—i te lalolagi nei?” E fakamisikata atu tou ‵pea i te galuega talai kae fai atu, “Ia, ne a au mea ne lavea atu i te Tusi Tapu?” Ne ofo malosi te tino akoga kae lūlū tena ulu, ana muna, ‘Ko oko eiloa i toku sē talitonu me ne seki akoako mai muamua ki a au te mea tenei!” E masaua ne koe me ne fai atu foki a ia penā i nai vaiaso ko ‵teka atu i te taimi ne tauloto ei a ia mō te taimi muamua me i te igoa o te Atua ko Ieova.

Kai fetaui aka eiloa koe mo se vaegā mea penā? Ne fai eiloa penā a tino e tokouke o te Atua. E fakamasaua mai eiloa i se auala gali ‵ki ne nai mea a te meaalofa tāua telā ko oti ne tuku mai ki a tatou​—te malamalama i te munatonu! Nofo kae mafaufau aka: Ne maua pefea ne koe te meaalofa tenā? I te vaega tenei, ka iloilo aka ne tatou a te fesili tenā. A te auala telā ne maua malielie ei ne tino o te Atua a te mainaga faka-te-agaga se fakamaoniga tāua me i te Malo o te Atua se pulega tonu. Ko oti eiloa ne fakamaoni atu i te fia o senitenali me e galue malosi tena Tupu, ko Iesu Keliso i te faiga ke akoako atu te munatonu ki tino o te Atua.

I TE VAEGA TENEI

MATAUPU E 3

Ko Fakaasi Mai ne Ieova Tena Fuafuaga

E mata, ne aofia te Malo i te fuafuaga muamua a te Atua? Ne fakaasi atu pefea ne Iesu te mainaga ki te Malo?

MATAUPU E 4

Ko Fakamaluga ne Ieova Tena Igoa

Ne a mea ko oti ne fai ne te Malo ki te igoa o te Atua? E mafai pefea o kau atu koe ki te faka‵maluga o te igoa o Ieova

MATAUPU E 5

Ko Sulu Atu ne te Tupu a te Mainaga ki te Malo

Ke malamalama faka‵lei i te Malo o te Atua, ana tino pule mo tino mai lalo i ei, mo mea e manakogina mō te alofa fakamaoni.