Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Ko Pule Mai te Malo o te Atua!

 MATAUPU E 16

Ke Maopoopo Fakatasi mō Tapuakiga

Ke Maopoopo Fakatasi mō Tapuakiga

MANATU TĀUA O TE MATAUPU

Te gasoloakaga o ‵lei mo te tāua o ‵tou fakatasiga

1. I te taimi ne maopoopo fakatasi ei a soko, se a te fesoasoani ne maua ne latou, kae kaia ne ‵tau ei o maua ne latou?

MAI tua malie eiloa o te toetuga o Iesu, ne maopoopo a soko ke fakatau fakamalosi te suā tino ki te suā tino. Kae ne ‵loka ne latou olotou mataloa ona ko te lotou ma‵taku i olotou fili. Kae kāti ne galo atu te lotou ma‵taku i te taimi ne fakasae atu ei a Iesu kae fai atu: “Ke talia ne koutou te agaga tapu”! (Faitau te Ioane 20:19-22.) Fakamuli ifo, ne toe maopoopo fakatasi a soko, kae ne ‵ligi ifo ne Ieova te agaga tapu ki luga i a latou. Ne maua eiloa ne latou a te malosi sili mō te galuega talai telā e takato mai i olotou mua!​—Galu. 2:1-7.

2. (a) E tuku mai pefea ne Ieova ki a tatou a te malosi, kae kaia e manakogina ei ne tatou? (e) Kaia e tāua ‵ki a te fakatokaga o Tapuakiga a Kāiga? (Ke onoono ki te fakamatalaga mai lalo mo te pokisi “ Tapuakiga a Kāiga,” te itulau e 175.)

2 E fe‵paki tatou mo tulaga faiga‵ta tai ‵pau mo ‵tou taina i te senitenali muamua. (1 Pe. 5:9) I nisi taimi, e logo‵mae tatou ona ko te mataku ki tino. Kae e manakogina ne tatou a te malosi telā e tuku mai ne Ieova māfai e fia tumau tatou i te faiga o te galuega talai. (Efe. 6:10) E tuku mai eiloa ne Ieova a te lasiga o te malosi tenā e auala i ‵tou fakatasiga. E maua ne tatou te avanoaga ke ‵kau atu ki fakatasiga e lua o akoakoga i te vaiaso​—te Lāuga mō Tino Katoa, Sukesukega ki te Faleleoleo Maluga mo te fakatasiga i loto i te vaiaso ko te ‵Tou Olaga Kelisiano mo te Galuega Talai. * E fai foki ne tatou a maopoopoga tāua e fa i te tausaga​—se fono i te atufenua, fono o te fenua e lua, mo te Fakamanatuga o te mate o Keliso. Kaia e tāua ei ke ‵kau atu ki fakatasiga katoa konei? E fai pefea ‵tou fakatasiga i aso nei? Kae se a te mea e fakaasi mai e uiga ki a tatou i ‵tou kilokiloga ki fakatasiga?

Kaia e Maopoopo Fakatasi ei Tatou?

3, 4. Se a te mea e manako a Ieova ke fai ne ana tino? Taku mai ne fakaakoakoga.

Ko leva ne manako a Ieova ke maopoopo fakatasi ana tino o tapuaki atu ki a ia. E pelā mo te 1513 T.L.M., ne tuku atu ne Ieova tena Tulafono ki te fenua o Isalaelu, kae ne aofia i te Tulafono tenā a te tausiga o te Sapati i vaiaso katoa, ko te mea ke tapuaki atu a kāiga takitasi ki a ia kae ke akoako foki ki te Tulafono. (Teu. 5:12; 6:4-9) I te taimi ne tau‵tali atu ei te kau Isalaelu ki te fakatonuga tenā, ne fakamalosi aka ei a kāiga kae ne tumau foki te fenua kātoa i te ‵ma mo te ma‵losi i te feitu faka-te-agaga. I te taimi ne fakata‵mala ei a te fenua o faka‵logo ki te Tulafono, kae fakaseaoga ne latou a te manakoga ke maopoopo faeloa mō tapuakiga  ki a Ieova, ne galo atu ei i a latou a te taliaga a te Atua.​—Levi. 10:11; 26:31-35; 2 Nofo. 36:20, 21.

4 Mafaufau foki ki te fakaakoakoga ne tuku mai ne Iesu. Ne masani o fanatu a ia ki te sunako i vaiaso takitasi i te Sapati. (Luka 4:16) Mai tua o te mate mo te toetuga o Iesu, ne masani o maopoopo fakatasi faeloa a soko faitalia me ko se toe ‵nofo latou mai lalo i te tulafono o te Sapati. (Galu. 1:6, 12-14; 2:1-4; Loma 14:5; Kol. 2:13, 14) I fakatasiga konā, e se maua fua ne Kelisiano i te senitenali muamua a akoakoga mo fakamalosiga, kae e ofo atu foki ne latou a taulaga o tavaega ki te Atua e auala i olotou ‵talo, tali, mo pese.​—Kol. 3:16; Epe. 13:15.

Ne maopoopo fakatasi a soko o Iesu ke fakatau fakamalosi atu te suā tino ki te suā tino

5. Kaia e ‵kau atu tatou ki fakatasiga i te vaiaso mo tamā fono mo fono ‵lasi i te tausaga? (Ke onoono foki ki te pokisi “ Maopoopoga i te Tausaga Kolā e ‵Kau Fakatasi ei a Tino o te Atua,” te itulau e 176.)

5 E penā foki loa, kafai e ‵kau atu tatou ki ‵tou fakatasiga i te vaiaso mo tamā fono mo fono ‵lasi, e fakaasi atu ei me e ‵lago atu tatou ki te Malo o te Atua, e maua ne tatou te agaga tapu, kae fakamalosi atu ki nisi tino e auala i fakaasiga o ‵tou fakatuanaki. E sili atu i te tāua, e maua ne tatou te avanoaga ke tapuaki atu ki a Ieova e auala i ‵tou ‵talo, ‵tou tali, mo pese. E mafai o tai ‵kese a te fakatokaga o ‵tou fakatasiga mai i mea kolā ne ‵kau atu ki ei a te kau Isalaelu mo Kelisiano i te senitenali muamua, kae e ‵pau eiloa te tāua o ‵tou maopoopoga. Ne kamata aka pefea a fakatasiga a tatou i aso nei?

Fakatasiga i te Vaiaso Kolā e Fakamalosi Atu ke “Fakatau A‵lofa Kae Fai Mea ‵Lei”

6, 7. (a) Se a te pogai o ‵tou fakatasiga? (e) Ne kese‵kese pefea a fakatasiga a te potukau e tasi mai i te suā potukau?

6 I te taimi ne kamata ei o salasala atu a te Taina ko Charles T. Russell ki te munatonu mai te Muna a te Atua, ne lavea ne ia a te manakoga ke maopoopo fakatasi mo tino kolā e ‵pau olotou fakamoemoega. I te 1879, ne tusi mai a Russell: “Ne fakatoka kae tausi ne au, mo nisi tino i Pittsburgh, a te faiga o akoga  faka-te-Tusi Tapu, ke sukesuke ki te Tusi Tapu, kae maopoopo i Aso Sa katoa.” Ne fakamalosi atu ki tino fai‵tau o te Zion’s Watch Tower ke maopoopo fakatasi, kae i te 1881, ne fai ei a fakatasiga i Pittsburgh, Pennsylvania, i Aso Sa mo Aso Tolu katoa. A te lōmiga o te Watch Tower i a Novema 1895, ne fai mai me i te pogai o fakatasiga konā ko te fakamalosi aka “a te fealofani o Kelisiano, te alofa mo te ‵kau fakatasi” kae tuku atu te avanoaga ki tino kolā e ‵kau atu ki ei ke fakatau fakamalosi te suā tino ki te suā tino.​—Faitau te Epelu 10:24, 25.

7 I te fia o tausaga, ne kese‵kese eiloa a te fakatokaga mo te faiga o fakatasiga mai i te potukau e tasi o Tino A‵koga mai i te suā potukau. E pelā mo te tusi ne avatu mai i se potukau i te Iunaite Sitete telā ne ‵lomi i te 1911, ne fai mai: “Ne fai a fakatasiga e lima i vaiaso takitasi.” Ne fai ne latou a fakatasiga konā i Aso Gafua, Aso Tolu, Aso Lima, kae e lua i te Aso Sa. A te suā tusi, mai i te potukau i Afelika, telā ne ‵lomi i te 1914, ne fai mai: “E fai ne matou a fakatasiga fakalua i te masina, telā e kamata i te Aso Lima kae oti atu i te Aso Sa.” E seki leva kae ‵pau a te faiga o ‵tou fakatasiga. Mafaufau malie aka ki tala mua o fakatasiga takitasi.

8. Ne a nisi matua o lāuga mō tino katoa i aso mua?

8 Te Fakatasiga mō Tino Katoa. I te 1880, i te tausaga mai tua, ne kamata ne te Taina ko Russell o ‵lomi aka a te Zion’s Watch Tower, ne fakaakoako atu a ia ki a Iesu kae kamata o fai ana malaga talai. (Luka 4:43) I te faiga tenā, ne tuku mai ei ne te Taina ko Russell se fakaakoakoga ke tau‵tali atu tatou ki ei i aso nei i te faiga o ‵tou Fakatasiga mō Tino Katoa. I te faka‵pula atu o tena malaga, ne fai mai te Watch Tower me i a Russell “ne fiafia malosi ke fakaaoga a fakatasiga mō tino katoa ki ‘Mea e uiga ki te Malo o te Atua.’” I te 1911, mai tua o te faka‵tuakaga o akoga, io me ko fakapotopotoga i nai fenua, ne fakamalosi atu a akoga takitasi ke uga atu a failauga ‵lei ki kogā koga i olotou tafa ke fai ne latou se fakasologa o lāuga e ono i mataupu e pelā mo te fakamasinoga mo te togiola. I te fakaotiga o lāuga takitasi, ne taku atu ei a te igoa o te failauga mo te matua o te lāuga telā ka ‵soko atu.

9. Ne ‵fuli pefea te faiga o Fakatasiga mō Tino Katoa i te fia o tausaga, kae e mafai pefea o ‵lago atu koe ki te fakatasiga tenei?

9 I te 1945, ne faka‵pula atu i The Watchtower a te kamataga o te faiga o Fakatasiga mō Tino Katoa i te lalolagi kātoa, telā ne aofia i ei se fakasologa o lāuga e valu mai i te Tusi Tapu kolā e fakamatala mai i ei a “fakalavelave tāua o te aso.” I te fia sefulu o tausaga, ne seki fakaaoga fua ne failauga tofia a mataupu kolā ne fakatoka ne te tavini fakamaoni kae ne fai atu foki ne latou a lāuga kolā ne fakatoka faka‵lei ne latou. Kae i te 1981, ne fakatonu atu ki failauga katoa ke fakavae olotou lāuga ki lāuga ne tuku atu ki fakapotopotoga. * Ke oko atu ki te 1990, ne manakogina i nisi lāuga mō tino katoa ke aofia a tino fakalogo‵logo io me ko fakaasiga; kae i te tausaga tenā, ne toe fakama‵fuli a fakatonutonuga, kae ne fai ei ke fai a lāuga mō tino katoa e pelā fua me se lāuga. Ne toe fai foki a te suā fakamafuliga i a Ianuali 2008, i te taimi ne ‵fuli ei te leva o lāuga mō tino katoa mai te 45 minute ki te 30  minute. E tiga eiloa ne ‵fuli a te fakatokaga, ne tumau eiloa a te ati aka ne lāuga mō tino katoa kolā ne fakatoka faka‵lei a te fakatuanaki ki te Muna a te Atua kae akoako ei tatou e uiga ki vaega kese‵kese o te Malo o te Atua. (1 Timo. 4:13, 16) E mata, e ‵kami atu ne koe mo te loto finafinau au toe asiga mo nisi tino kolā e se ne Molimau ke fakalogo‵logo ki lāuga tāua kolā e fakavae ki te Tusi Tapu?

10-12. (a) Ne a ‵fuliga ko oti ne fai sāle ki te Sukesukega o te Faleleoleo Maluga? (e) Ne a fesili e ‵lei ke ‵sili ifo ne tatou eiloa?

10 Sukesukega ki te Faleleoleo Maluga. I te 1922, a taina kolā ne lauiloa e pelā me ne pilgrims​—faifeau kolā ne uga atu ne te Watch Tower Society ke fai a lāuga ki fakapotopotoga kae fai foki te takitakiga i te galuega talai​—telā ne fakamalosi atu ei ke fai faeloa a fakatasiga ke suke‵suke ki Te Faleleoleo Maluga. Ne fakaaoga te manatu fesoasoani tenei, kae i te taimi muamua, ne fai sāle a sukesukega ki te Watch Tower i se aso o te vaiaso io me ko te Aso Sa.

Sukesukega ki te Watch Tower, i Ghana, i te 1931

11 Ne toe tuku mai a nisi fakatakitakiga i te Watchtower i a Iuni 15, 1932 ki te faiga o te fakatasiga tenei. Mai i te tau‵tali ki te auala ne fakaaoga i te Fale Peteli ke fai ei te sukesukega, ne fai mai te mataupu me e ‵tau o takitaki ne se taina a te fakatasiga. Ne mafai o saga‵saga a taina e tokotolu i te koga tafa ki mua o te fale e fai ei te fakatasiga kae fakasolosolo i te fai‵tauga o palakalafa. Ne seki aofia i mataupu i te taimi tenā a fesili, tela la, ne fai atu ki te tino e fai ne ia te sukesukega ke fai atu ki te kautaina ke ‵sili atu a fesili e uiga ki te mataupu e mafau‵fau ki ei. Mai tua i ei, ne ‵kami atu ne ia a tino mai i te kautaina ke tuku mai ne latou a tali ki fesili konā. Kafai e manakogina ke tai fakamaina atu, e fai atu ki te tino e fai ne ia te Faleleoleo Maluga ke fai atu se fakamatalaga “toetoe kae manino.”

12 Muamua la, ne talia a fakapotopotoga takitasi ke filifili aka a te lōmiga o te mekesini telā e fia suke‵suke ki ei a te tokoukega  o tino. Kae i a Apelila 15, 1933, ne fakamalosi atu a te Watchtower ki fakapotopotoga katoa ke fakaaoga a lōmiga ‵fou. I te 1937, ne tuku atu ei a fakatonuga me e ‵tau fua o fai a te sukesukega i te Aso Sa. Ne toe ‵lomi mai a nisi fakamatalaga e uiga ki te fakatokaga o fakatasiga i te auala telā ko iloa ne tatou i aso nei i te Watchtower i a Oketopa 1, 1942. Muamua la, ne faka‵pula atu i te mekesini me ka ‵sae mai a fesili i te fakaotiga o itulau takitasi i mataupu mō sukesukega kae e ‵tau eiloa o fakaaoga a fesili konā. Ne toe fai mai ei me e ‵tau o tasi te itula te leva. Ne fakamalosi atu foki ki tino kolā e fai olotou tali ke fai atu a tali “i olotou pati eiloa,” i lō te faitau atu fua mai i te palakalafa. Ne tumau eiloa te fai o te Sukesukega ki Te Faleleoleo Maluga mo fai se fakatasiga tāua telā e tuku mai ei ne te tavini fakamaoni a mea‵kai faka-te-agaga i te taimi tonu. (Mata. 24:45) Se mea ‵lei ke fesili ifo tatou ki a tatou eiloa: ‘E mata, e fakatoka au ki te sukesukega o Te Faleleoleo Maluga i vaiaso takitasi? Kae e mata, e taumafai au o fai saku tali māfai e mafai ne au?’

13, 14. Se a te tala fakasolopito e uiga ki te Sukesukega a te Fakapotopotoga ki te Tusi Tapu, kae se a te mea e gali ei ki a tatou a te fakatasiga tenei?

13 Sukesukega a te Fakapotopotoga ki te Tusi Tapu. I te kogaloto o tausaga talu mai te 1890 ki te 1899, mai tua o te ‵talamaiga o tusi o te Millennial Dawn, ne fakamalosi atu a te Taina ko H. N. Rahn, se Tino Akoga i te Tusi Tapu telā ne nofo atu i te fa‵kai o Baltimore, i Maryland, U.S.A., ke fakaaoga a te igoa ko te “Dawn Circles” mō potukau suke‵suke ki te Tusi Tapu. Muamua la, ne tofotofo aka ki fakatasiga konei, kolā ne masani o fai sāle i fale o tino. Kae i a Setema 1895, ne manuia eiloa te faiga o Dawn Circles i fa‵kai e uke o te Iunaite Sitete. Tela la, ne fakamalosi atu a te Watch Tower o te masina tenā ki tino a‵koga katoa o te munatonu, ke fai a fakatasiga konā. Ne fakatonu atu i ei me i te tino telā e fai ne ia, e ‵tau o ‵lei tena faitau. Ne ‵tau o faitau ne ia se fuaiupu kae oti aka ko faka‵tali ke fai atu a manatu mai tino kolā ne ‵kau atu ki ei. Mai tua o te faitauga o fuaiupu takitasi i se palakalafa kae sau‵tala ki ei, e ‵tau o ‵suke kae faitau ne ia a tusi fai‵tau. I te fakaotiga o te mataupu, e ‵tau o tuku atu ne tino taki tokotasi kolā ne ‵kau atu, se tamā fakamatalaga toetoe e uiga ki te mataupu.

14 Ne fulifuli faeloa a te igoa o te fakatasiga i nai taimi. Ne fakaigoa foki ki te Berean Circles mō potukau suke‵suke ki te Tusi Tapu, telā ne fakavae ki te fakamatalaga e uiga ki te kau Pelea i te senitenali muamua kolā ne suke‵suke malosi ki Tusitusiga Tapu. (Galu. 17:11) E seki leva, ne ‵fuli a te igoa ki te Sukesukega a te Fakapotopotoga ki te Tusi. Kae nei la, ko fakaigoa ki te Sukesukega a te Fakapotopotoga ki te Tusi Tapu, kae ko maopoopo fakatasi a te fakapotopotoga kātoa i te Kingdom Hall i lō tamā potukau i fale o tino. Ko silia atu nei i te sefulu o tausaga ne masani o fakaaoga a tusi, polosiua, mo mataupu kese‵kese foki eiloa i te Watch Tower ke suke‵suke ki ei. Mai te kamataga eiloa o te fakapotopotoga, ne fakamalosi atu ki tino katoa kolā ne ‵kau atu ke fai foki ne olotou tusaga i te fakatasiga. Ne fai eiloa ne te  fakatasiga tenei ke momea aka te ‵tou malamalama i te Tusi Tapu. E mata, e fakatoka faeloa koe ki te fakatasiga tenei kae fai foki ne au tali ki te ‵toe mea e mafai ne koe o fai?

15. Se a te pogai ne fakatoka ei te Akoga mō Tino Talai?

15 Te Akoga mō Tino Talai. “I te po o te Aso Gafua, i a Fepuali 16, 1942,” ne masaua ne Carey Barber, telā ne tavini atu i te taimi tenā i te laumua i Brooklyn, Niu Ioki, “ne ‵kami atu a taina katoa i te kāiga Peteli i Brooklyn ke ‵kau atu ki te mea telā ne lauiloa fakamuli me ko te Akoga mō Tino Talai.” Ne fai mai a te Taina ko Barber, telā ne fai fakamuli mo fai se sui i te Potukau Pule, me i te akoga “ko te ‵toe fakaasiga gali o faifaiga a Ieova ki ana tino i aso nei.” Ne manuia eiloa te akoga tenei i te fesoasoani atu ki taina ke momea aka te ‵lei o olotou atamai i te faiga o akoakoga mo te galuega talai, telā e kamata mai i te 1943, ne fakaaoga malielie ei ne fakapotopotoga i te lalolagi kātoaa te tamā tusi ko te Course in Theocratic Ministry. Ne fai mai te Watchtower i a Iuni 1, 1943 me ne “fakatoka” a te Akoga mō Tino Talai ke fesoasoani atu  “i te faiga o [tino o te Atua] ke momea aka te lotou ‵lei e pelā me ne molimau i te folafolaatuga o te Malo.”​—2 Timo. 2:15.

16, 17. E mata, ne akoako mai fua i te Akoga mō Tino Talai a atamai aoga? Fakamatala mai.

16 Muamua la, ne faigata ki tino e tokouke ke fai‵pati mai i mua o se kautaina tokouke. A Clayton Woodworth, Jr., telā ne ‵pei ki te falepuipui i se auala sē tonu fakatasi mo te Taina ko Rutherford mo nisi tino i te 1918, ne fakamatala mai ne ia ana lagonaga i te taimi muamua ne kau atu ei a ia ki te akoga i te 1943. Ne fai mai a te Taina ko Woodworth: “Ko oko eiloa i te faigata ke fai ne au a lāuga. Ne foliga mai me ne gasolo o loa toku alelo, ne malō ‵ki toku gutu, kae ko toku leo ko kamata o polepole kae ‵tagi fakaa‵tea.” Kae i te taimi ne gasolo aka ei o ‵lei te atamai o Clayton, ne maua ne ia a tauliaga e uke ke fai a lāuga mō tino katoa. Ne fakamasani a ia ne te akoga ki mea e uke atu i lō atamai aoga fua. Ne akoako atu ki a ia a te tāua o te loto maulalo mo te tāua o te fakalagolago ki a Ieova. “Ne fatoa iloa ne au,” ana muna, “me e se tāua a te failauga. Kae kafai e fakatoka kae fakalagolago katoatoa ki a Ieova, ka fia‵fia eiloa a tino o fakalogo‵logo  ki a ia kae ka tauloto foki ne tino fakalogo‵logo se mea tāua mai i ei.”

17 I te 1959, ne ‵kami atu foki a tuagane ke ‵kau atu ki te akoga. A te Tuagane ko Edna Bauer ne masaua ne ia a te taimi ne lagona ei ne ia a te faka‵pulaga i se fono ne kau atu a ia ki ei. “E masaua ne au a te fia‵fia o tuagane,” ko ana muna. “Nei la, ko momea aka te uke o avanoaga e tuku atu ki a latou.” I te fia o tausaga, ne fakaaoga faka‵lei ne taina mo tuagane e tokouke te avanoaga tenei ke ‵kau atu ki te Akoga mō Tino Talai kae ke akoako ne Ieova. I aso nei, e tumau eiloa te maua ne tatou o vaegā akoakoga penā i te ‵tou fakatasiga i loto i te vaiaso.​—Faitau te Isaia 54:13.

18, 19. (a) E maua nei pefea ne tatou a takitakiga aoga mō te faiga o te galuega talai? (e) Kaia e usu atu ei ne tatou a pese i ‵tou fakatasiga? (Ke onoono ki te pokisi “ Te Usuatuga o Pese o te Munatonu.”)

18 Te Fakatasiga mō te Galuega Talai. I te kamataga eiloa e pelā me ko te 1919, ne fai a fakatasiga ke fakatoka ei mō te galuega talai. I te taimi tenā, e se ko tino katoa i te fakapotopotoga ne ‵kau atu ki fakatasiga konā​—ko latou fua kolā ne fakatonu atu ke ‵kau atu i te tufatufaga o tusi. I te lasiga o taimi i te tausaga ko te 1923, ne fai fakatasi i te masina a te Fakatasiga mō te Galuega Talai, kae ne ‵tau o ‵kau atu a tino katoa i te potukau io me ko te fakapotopotoga. I te 1928, ne fakamalosi atu ki fakapotopotoga katoa ke fai a Fakatasiga mō te Galuega Talai i vaiaso takitasi, kae i te 1935, ne fakamalosi atu The Watchtower ki fakapotopotoga katoa ke fakaaoga a fakamatalaga ne ‵lomi i te Director (ne fakaigoa fakamuli ki te Informant kae mai tua ifo, ko Te ‵Tou Galuega Talai.) E seki leva kae ne fai a te fakatasiga tenei mo fai se vaega masani o fakatokaga a fakapotopotoga katoa.

19 I aso nei, e maua ne tatou a fakatakitakiga aoga mō te faiga o te galuega i te ‵tou fakatasiga i loto i te vaiaso. (Mata. 10:5-13) Kafai ko ‵tau o maua ne koe se ‵kopi totino o te ‵tou Tusi mō Fakatasiga e mata, e sukesuke koe ki ei kae fakagalue aka a manatu fesoasoani i ei i te taimi e fanatu ei koe i te galuega talai?

Te ‵Toe Fakatasiga Tāua i te Tausaga

Talu mai te senitenali muamua T.A., ne maopoopo fakatasi a Kelisiano i tausaga katoa ki te Fakamanatuga o te mate o Keliso (Ke onoono ki te palakalafa e 20)

20-22. (a) Kaia e fakamanatu ei ne tatou a te mate o Iesu? (e) Ne a mea aoga e maua ne koe mai te kau atu ki te Fakamanatuga i tausaga katoa?

20 Ne fai atu a Iesu ki ana soko ke fakamanatu tena mate ke oko ki te taimi e foki mai ei a ia. E pelā eiloa mo te fakamanatuga o te Paseka, e fai fakatasi foki eiloa a te Fakamanatuga o te mate o Keliso. (1 Koli. 11:23-26) E ‵kau atu eiloa te fia miliona o tino ki te fakatasiga tenei i tausaga katoa. E fakamasaua atu ki te kau fakaekegina a te tauliaga ke pule fakatasi latou mo Iesu i te Malo. (Loma 8:17) Kae ko nisi mamoe, e fakamalosi aka ei te lotou āva mo te a‵lofa fakamaoni ki te Tupu o te Malo o te Atua.​—Ioa. 10:16.

21 Ne iloa ne te Taina ko Russell mo ana taugasoa ‵pili a te tāua o te fakamanatuga o te ‵Kaiga a te Aliki i te Afiafi kae ne iloa foki ne latou me e ‵tau o fakamanatu fakatasi i te tausaga. Ne fai mai te lōmiga o te Watch Tower i a Apelila 1880: “Ko oti eiloa ne fai mo fai se masani a tatou e tokouke i konei i Pittsburgh ke . . . masaua a te Paseka [Fakamanatuga] kae ‵kai ki te falaoa mo te uaina telā e fakaata mai i ei te foitino mo te toto o te Aliki.” Ne  seki leva kae ne fakatoka a fono ke fetaui ‵lei mo te taimi o te Fakamanatuga. A te taimi muamua ne fai se vaegā maopoopoga penā ko te 1889, i te taimi ne ‵kau atu ei a tino e toko 225 kae ne papatiso i ei a tino e toko 22.

22 I aso nei, ko se toe fakamanatu tasi ne tatou a te Fakamanatuga mo se fono, kae e ‵kami ne tatou a tino katoa i so se koga e ‵nofo tatou i ei ke ‵kau mai ki a tatou i se Kingdom Hall io me se fale ‵togi. I te 2013, e silia atu i te toko 19 miliona a tino ne fakamanatu ne latou te mate o Iesu. Ko oko eiloa i te taulia o tatou ke ‵kau atu ki te Fakamanatuga kae fakamalosi atu foki ki nisi tino ke ‵kau mai ki a tatou i te ‵toe po ‵malu eiloa tenei! E mata, e ‵kami ne koe mo te loto finafinau a tino e tokouke ki te Fakamanatuga i tausaga katoa?

Mea e Fakaasi Mai i ‵Tou Kilokiloga

23. Se a tau kilokiloga ki te ‵tou maopoopo fakatasi?

23 E se ‵kilo atu a tavini a‵lofa fakamaoni a Ieova ki te fakatonuga ke maopoopo fakatasi e pelā me se amoga ‵mafa. (Epe. 10:24, 25; 1 Ioa. 5:3) E pelā mo te tupu ko Tavita, ne fiafia malosi tou tagata ke fanatu ki te fale o Ieova mō tapuakiga. (Sala. 27:4) Ne fiafia malosi eiloa a ia māfai e ‵kau fakatasi a ia mo tino kolā e a‵lofa ki te Atua. (Sala. 35:18) Kae mafaufau ki te fakaakoakoga a Iesu. I te taimi koi foliki ei, ne maua eiloa ne ia se manakoga lasi ke fanatu ki te fale tapuaki o tena Tamana.​—Luka 2:41-49.

A te lasi o ‵tou manakoga ke maopoopo fakatasi e fakaasi mai i ei a te fai o te Malo o te Atua mo fai se pulega tonu ki a tatou

24. Kafai e ‵kau atu tatou ki fakatasiga, ne a avanoaga e maua ne tatou i ei?

24 Kafai e ‵kau atu tatou ki fakatasiga, e fakaasi atu ‵tou a‵lofa ki a Ieova mo te ‵tou manakoga ke fakamalosi atu ki ‵tou taina tali‵tonu. E fakaasi atu foki ne tatou a te lasi o te ‵tou fia tauloto ke ola e pelā me ne tino o te Malo o te Atua, me e maua muamua eiloa ne tatou a vaegā akoakoga penā i ‵tou fakatasiga, tamā fono, mo fono ‵lasi. E se gata i ei, e tuku mai eiloa i ‵tou fakatasiga a te atamai mo te malosi, ke mafai ne tatou o tumau i te faiga o te galuega tāua e tasi mai i toe galuega tāua eiloa, telā e fai ne te Malo o te Atua i aso nei​—te faiga mo te akoakoga o soko o te Tupu ko Iesu Keliso. (Faitau te Mataio 28:19, 20.) E aunoa mo se fakalotolotolua, a te lasi o te ‵tou manakoga ke maopoopo fakatasi e fakaasi mai i ei a te fai o te Malo o te Atua mo fai se pulega tonu ki a tatou katoa. Ke na fakatāua malosi faeloa ne tatou ‵tou fakatasiga!

^ pala. 2 I tafa o fakatasiga a te fakapotopotoga i vaiaso katoa, e fakamalosi atu ki kāiga mo tino katoa ke fakaavanoa faeloa se taimi mō sukesukega totino io me ko tapuakiga a kāiga.

^ pala. 9 I te 2013, ko silia atu i te 180 o lāuga mō tino katoa ko toka nei ke fakaaoga.