Fanatu ki te fakasologa

Fanatu ki te lua o auala

Molimau a Ieova

Tuvalu

Se a te Malo o te Atua?

Se a te Malo o te Atua?

E mata, ka fai mai koe me se . . .

  • mea i tou loto?

  • pati fakatusa?

  • pulega i te lagi?

 FAKAMATALAGA MAI TE TUSI TAPU

“Ka fakatu ne te Atua o te lagi a te malo telā ka se toe gata mai.”Tanielu 2:44, Tusi Tapu Tuvalu.

“Se tamaliki tagata tenei ko aumai ki a tatou! Ko ia ka fai mo takitaki [i te malo] o tatou.”Isaia 9:6.

MEA AOGA MAI TE FAKAMATALAGA TENĀ

  • Se pulega amiotonu telā ka maua eiloa ne koe a mea aoga mai i ei.Isaia 48:17, 18.

  • I te lalolagi fou telā ko pili o oko mai, ka ola eiloa tatou i se olaga telā ka maua ne tatou a te malosi mo te fiafia katoatoa.Fakaasiga 21:3, 4.

E MATA, E MAFAI EILOA O TALI‵TONU TATOU KI FAKAMATALAGA MAI TE TUSI TAPU?

Ao, ona ko pogai konei e lua:

  • Ne fakaasi mai ne Iesu a mea kolā ka fai ne te Malo o te Atua. Ne akoako ne Iesu ana soko ke ‵talo atu ke oko mai te Malo o te Atua kae ke fai foki te loto o te Atua i te lalolagi nei. (Mataio 6:9, 10) Ne fakaasi mai ne Iesu a te auala ka tali aka ei a te ‵talo tenā.

    I te taimi koi nofo mai ei a ia i te lalolagi, ne fagai ne Iesu a tino fia‵kai, ne faka‵lei ne ia a tino ma‵saki, kae toe faka‵foki mai a tino ‵mate ki te ola! (Mataio 15:29-38; Ioane 11:38-44) E pelā me ko te Pule o te Malo i aso mai mua, ne tuku mai ne Iesu se tamā ata gali o mea ka fai ne te Malo tenā mō ana tino.—Fakaasiga 11:15.

  • E fakamaoni mai ne mea ‵tupu i te lalolagi me ko pili o oko mai te Malo o te Atua. Ne ‵valo mai ne Iesu me mai mua faeloa o aumai ne te Malo a te filemu ki te lalolagi, e ‵tau o pokotia masei a te ‵tou lalolagi i taua, ogegā meakai, mo mafuie.Mataio 24:3, 7.

    E lavea eiloa ne tatou a tulaga konā i aso nei. Tela la, e mafai eiloa o tali‵tonu tatou me ko pili o fakaoko mai ne te Malo o te Atua a te gataga ki vaegā fakalavelave katoa penā.

SE FESILI KE MAFAUFAU KI EI

Ka fai pefea te olaga mai lalo i te pulega a te Malo o te Atua?

E tali mai ne te Tusi Tapu a te fesili tenā i te SALAMO 37:29 mo te ISAIA 65:21-23.