Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Ko oi e Fai ne Latou te Loto o Ieova i Aso Nei?

 MATAUPU 23

E ‵Fuli Kae Tusi Pefea Motou Tusi?

E ‵Fuli Kae Tusi Pefea Motou Tusi?

Matagaluega Tusitusi, Iunaite Sitete

Kolea ki Saute

Armenia

Burundi

Sri Lanka

Ko te mea ke fai te ‵toe mea e mafai ne tatou o fai ke folafola atu te “tala ‵lei” ki “fenua katoa, mo matakāiga, ‵gana mo tino katoa,” e ‵lomi ne matou a tusi i ‵gana e silia atu i te 750. (Fakaasiga 14:6) E fakataunu pefea ne matou a te galuega faigata tenei? E fai ne matou ona ko te fesoasoani o te kau tusitusi i te lalolagi kātoa mo tino ‵fulitusi kolā e tuku katoatoa atu​—ne Molimau a Ieova katoa.

A te mataupu e fakatoka muamua eiloa i te ‵gana Palagi. E tausi ne te Potukau Pule a te galuega a te Matagaluega Tusitusi i te motou laumua. E tausi ne te matagaluega tenei a galuega a te kau tusitusi kolā e tavini atu i te laumua mo nisi ofisa lagolago. Ona ko te kau tusitusi ne ‵mai mai fenua kese‵kese, ko mafai ei ne matou o fakaaoga a mataupu kese‵kese kolā e ‵gali ki tino i te lalolagi kātoa.

E lafo atu a mataupu konā ki tino ‵fulitusi. Kafai ko oti ne tusi, fakatonutonu kae taliagina a mataupu konā, ko lafo atu ei i te itaneti ki tīmu ‵fulitusi i te lalolagi kātoa, kolā e ‵fuli, e fakatusatusa ki te mea palagi, kae faitau te mataupu i te ‵gana ne ‵fuli ki ei. E taumafai latou ke filifili aka a “muna‵tonu” kolā e fakamatala mai i ei a te uiga kātoa o te mea palagi i te lotou ‵gana.​—Failauga 12:10.

E fai ne komupiuta ke vave te galuega. E se mafai o sui ne se komupiuta a tino tusitusi mo tino ‵fulitusi. Kae e mafai o vave te faiga o te lotou galuega mai i te fakaaogaga o tikisionale, nisi fesoasoani i mea tau te ‵gana, mo tusi fesoasoani i te komupiuta. Ne faite ne Molimau a Ieova se polokalame ko te Multilanguage Electronic Publishing System (MEPS) telā e mafai ei o ‵fuli a mataupu ki te fia selau o ‵gana, kae fai fakatasi mo ata, mo te fakatokaga o tusi mō te ‵lomiga.

Kaia e fai ei ne tatou a taumafaiga katoa konei ke oko foki loa ki te ‵fuliga o mea konei ki ‵gana kolā e fakaaoga ne nai afe fua o tino? Ona ko te loto o Ieova “ke faka‵sao a tino katoa kae ke iloa tonu ne latou a te munatonu.”​—1 Timoteo 2:3, 4.

  • Ne a mea e aofia i te tusitusiga o motou ‵tusi?

  • Kaia e ‵fuli ei motou tusi ki ‵gana e uke?