Fanatu ki te fakasologa

Fanatu ki te lua o auala

Molimau a Ieova

Tuvalu

E Mata, e Fia Iloa ne Koe te Mea Tonu?

E Mata, e Fia Iloa ne Koe te Mea Tonu?

KO TE mea tonu e uiga ki te a? Ko te mea tonu e uiga ki toe fesili tāua kolā ko oti ne `sili mai ne tino. Kāti ko oti foki ne mafaufau koe ki fesili konei:

  • E mata, e amanaia mai te Atua ki a tatou?
  • E mata, e mafai o fakagata a taua mo logo`maega?
  • Se a te mea e tupu māfai ko `mate tatou?
  • E mata, e isi se fakamoemoega mō tino `mate?
  • E mafai pefea o `talo atu au kae lagona ne te Atua?
  • E mafai pefea o maua ne au te fiafia i te olaga?

E maua ne koe i fea a tali ki fesili konei? Kafai e fano koe ki fale tusi io me ko sitoa `togi tusi, kāti ka maua ne koe i ei te fia afe o tusi kolā e fai mai me e tuku mai i ei a tali. Kae i te ukega o taimi, e se fealofani olotou manatu. E foliga mai me e aogā eiloa a nisi tusi i te taimi nei kae se leva ko se aogā kae toe faka`fou a manatu i ei io me e sui ki nisi tusi.

Kae e tasi te tusi telā e fakatuagagina a tali kolā e maua i ei. A te tusi tenā ko te tusi o te munatonu. Ne fai atu a Iesu i tena `talo ki te Atua: ‘A tau muna ko te munatonu.’ (Ioane 17:17) I aso nei e iloa ne tatou i te Muna tenā ko te Tusi Tapu. Ka matea ne koe i itulau kolā e `soko mai a tali ma`nino kae `tonu mai te Tusi Tapu ki fesili mai luga nei.

E Mata, e Amanaia Mai te Atua ki a Tatou?

Se tagata e fakatamilo ne se vaitino

TE POGAI E FAKASAE AKA EI TE FESILI TENEI: E ola nei tatou i se lalolagi telā e `fonu i amioga fakasauā mo te fai mea piko`piko. E akoako mai a lotu e uke me ko te loto eiloa o te Atua ke oko mai a logo`maega kolā e fe`paki mo tatou.

TE MEA TELĀ E AKOAKO MAI I TE TUSI TAPU: E se māfua lele mai i te Atua a mea ma`sei. “E se tāitāi o fai ne te Atua tonu se mea masei, mo te faiga o mea piko`piko ne te Atua Malosi Katoatoa!” ko pati i te Iopu 34:10, Tusi Paia Samoa. E isi se fuafuaga alofa a te Atua mō tino katoa. Tenā eiloa te pogai ne akoako mai ei a Iesu ke `talo tatou penei: “Te motou Tamana telā i te lagi:…ke oko mai tou Malo, ke fai te mea e loto koe ki ei i lalo nei, e pelā mo te faiga i te lagi.” (Mataio 6:9, 10) E alofa malosi te Atua ki a tatou ne ala ei o fai ne ia se mea tafasili i te faigata ke fakamautinoa aka ei te fakataunuga o tena fuafuaga tenā.—Ioane 3:16.

Onoono foki ki te Kenese 1:26-28; Iakopo 1:13; mo te 1 Petelu 5:6, 7.

E Mata, e Mafai o Fakagata a Taua mo Logo`maega?

Sotia

TE POGAI E FAKASAE AKA EI TE FESILI TENEI: E se lausia te aofaki o tino e `mate faeloa i taua. Ko oti ne pokotia tatou katoa i logo`maega.

TE MEA TELĀ E AKOAKO MAI I TE TUSI TAPU: E folafola mai ne te Atua te taimi ka fakatumau ei ne ia te filemu i te lalolagi kātoa. Mai lalo i tena Malo, se pulega mai te lagi, “ka se toe taua eiloa a malo, se toe fakatoka eiloa mō se taua.” I lō te faiga o taua, “ka tuki ne latou olotou pelu ke fai mo mea fakamalū laukele ka ko olotou tao ke fai mo naifi `vele vao.” (Isaia 2:4) Ka fakagata eiloa ne te Atua a mea piko`piko mo logo`maega. E folafola mai te Tusi Tapu: “Ka se toe iai ne loimata i olotou mata. Ka se toe iai se mate, se fanoanoa, se tagi io me se `mae. Ko palele atu a mea mua [e aofia i ei a mea piko`piko mo logo`maega i aso nei].”—Fakaasiga 21:3, 4.

Onoono foki ki te Salamo 37:10, 11; 46:9; mo te Mika 4:1-4.

Se a te Mea e Tupu Māfai ko `Mate Tatou?

Se koga tanu tino `mate

TE POGAI E FAKASAE AKA EI TE FESILI TENEI: E akoako mai te ukega o lotu i te lalolagi me e isi se mea i loto i te tino telā e tumau i te ola māfai ko mate a ia. E tali`tonu a nisi lotu me e mafai o fakalog`mae atu a tino `mate ki tino ola io me e fakasala ne te Atua a tino ma`sei mai te `pei atu ki te afi i Seoli ke fakapuapugatia i ei ki te se-gata-mai.

TE MEA TELĀ E AKOAKO MAI I TE TUSI TAPU: Kafai ko mate, ko se ola ei te tino. “Ka ko tino `mate e seai se mea a latou e iloa,” ko pati i te Failauga 9:5. Ona ko te mea e seai se mea e iloa, e lagona, io me e mafai o fai ne tino `mate, e se mafai o fakalogo`mae—io me fesoasoani atu—ki tino ola.—Salamo 146:3, 4.

Onoono foki ki te Kenese 3:19 mo te Failauga 9:6, 10.

E Mata, e Isi se Fakamoemoega mō Tino `Mate?

Se tamaliki e loto māfatia i te mate o se tino pele

TE POGAI E FAKASAE AKA EI TE FESILI TENEI: E ma`nako tatou ke ola, kae ke fia`fia ki te olaga fakatasi mo tino kolā e a`lofa tatou ki ei. Se mea masani ke fia lavea ne tatou a `tou kāiga pele kolā ko `mate.

TE MEA TELĀ E AKOAKO MAI I TE TUSI TAPU: Te tokoukega o tino kolā ko `mate ka toe faka`tu mai. Ne folafola mai a Iesu me i a “latou katoa kolā e i loto i tanuga,…ka ulu mai…ki tua.” (Ioane 5:28, 29) E `tusa mo te fuafuaga muamua a te Atua, a tino kolā e toe faka`tu mai ka maua ne latou te avanoaga ke ola i luga i se lalolagi palataiso. (Luka 23:43) E aofia i te folafolaga tenei ko te ola se-gata-mai i te malosi `lei katoatoa mō tino kolā e faka`logo ki te Atua. E fai mai te Tusi Tapu: “A tino amio`tonu ka fai mo latou te fenua [lalolagi], kae ka `nofo faeloa i ei ki te se gata mai.”—Salamo 37:29.

Onoono foki ki te Iopu 14:14, 15; Luka 7:11-17; mo te Galuega 24:15.

E Mafai Pefea o `Talo Atu Au ke Lagona ne te Atua?

Se tagata e `talo

TE POGAI E FAKASAE AKA EI TE FESILI TENEI: E `talo atu a tino i lotu katoa. Kae e se tali`tonu a tino e tokouke me e tali mai olotou `talo.

TE MEA TELĀ E AKOAKO MAI I TE TUSI TAPU: Ne akoako mai a Iesu ke se fakafoki`foki ne tatou a fakalagi i `tou `talo. “Kae kafai e `talo koutou,” ko ana pati, ‘ke se fakafoki`foki otou pati.’ (Mataio 6:7) Kafai e ma`nako tatou ke fakalogologo mai te Atua ki `tou `talo, e `tau o `talo atu tatou i te auala telā e talia ne ia. Ko te mea ke fai penā, e `tau o fai ke iloa ne tatou a mea e loto ki ei te Atua ko `talo atu ei e `tusa mo mea konā. E fai mai te 1 Ioane 5:14: “E talia ne ia manafai e fakatagi tatou ki so se mea e `tusa mo tena loto.”

Onoono foki ki te Salamo 65:2; Ioane 14:6, 14; mo te 1 Ioane 3:22.

E Mafai Pefea o Maua ne Au te Fiafia i te Olaga?

Se fafine e `sala ki te fiafia mai te faitau ki te Tusi Tapu

TE POGAI E FAKASAE AKA EI TE FESILI TENEI: E tali`tonu a tino e tokouke me e maua ne latou te fiafia mai tupe, te takutakua, io me ko te tino gali. Tela la, e `sala atu latou ki mea konā—kae e iloa aka me e se maua i ei te fiafia.

TE MEA TELĀ E AKOAKO MAI I TE TUSI TAPU: Ne fakaasi mai ne Iesu te kī ki te mauaga o te fiafia i ana pati konei: “E fia`fia a latou kolā e iloa ne latou olotou manakoga faka-te-agaga.” (Mataio 5:3, NW) E maua fua te fiafia tonu māfai e `saga atu tatou o fakataunu te `tou toe manakoga tāua—ko te `tou fia `kai ki te munatonu e uiga ki te Atua mo tena fuafua mō tatou. A te munatonu tenā e maua i te Tusi Tapu. E fesoasoani mai te iloaga o te munatonu tenā ke matea faka`lei atu te mea telā e tāua mo te mea e se tāua. Kafai e talia ne tatou ke takitaki `tou fakaikuga mo faifaiga ne te munatonu mai te Tusi Tapu, ka iku atu ei ki te mauaga o se olaga aogā.—Luka 11:28.

Onoono foki ki te Faataoto 3:5, 6, 13-18; mo te 1 Timoteo 6:9, 10.

A mea konei ne nāi tali fua mai te Tusi Tapu ki fesili e ono konā mai luga. E mata, e fia iloa ne koe a mea e uke atu? Kafai e aofia koe i a latou kolā e “iloa ne latou olotou manakoga faka-te-agaga,” e mautinoa eiloa me e manako koe ki ei. Kāti ka mafaufau koe ki nisi fesili, penei: ‘Kafai e amanaia te Atua ki a tatou, kaia ne talia ei ne ia a mea matagā mo logo`maega i te olaga kātoa o tino? E mafai pefea o faka`lei aka te olaga o toku kāiga?’ E tuku mai i te Tusi Tapu a tali`tonu kae fakamalie loto ki fesili konei mo nisi fesili e uke.

Kae e tokouke a tino e fakatalave o onoono ki te Tusi Tapu i aso nei. E matea ne latou me se tusi lasi kae e faigata o malamalama i ei i nisi taimi. E mata, e fia maua ne koe se fesoasoani ke `sala atu ki tali mai te Tusi Tapu? E lua a mea faigaluega e ofo atu ne Molimau a Ieova ke fesoasoani atu ei ki a koe.

Muamua, ko te tusi Ne a Mea e Akoako `Tonu Mai i te Tusi Tapu? telā ne fakatoka ke fesoasoani atu ke matea ne tino kolā e fakalave`lave a tali ma`nino mai te Tusi Tapu ki toe fesili tāua. A te lua o mea faigaluega ko te akoga faka-te-Tusi Tapu i te fale telā e seai se `togi. E aunoa mo se `togi, e mafai o fanatu se Molimau a Ieova apo ki tou fale io me se isi koga e `lei ki a koe ke sau`tala koulua ki te Tusi Tapu i se taimi toetoe i vaiaso takitasi. Ko oti eiloa ne aogā te polokalame tenei ki te fia miliona o tino i te lalolagi kātoa. E tokouke a tino ko oti ne fai ne latou te fakaikuga fakafiafia tenei: “Ko maua ne au te munatonu!”

E seai se isi koloa e mafai o maua telā e tāua atu. E fakasaoloto tatou ne te munatonu mai te Tusi Tapu mai mafaufauga faivasaga, te `numi valevale, mo te sōna mataku. E tuku mai i ei ki a tatou se fakamoemoega, se pogai aogā, mo te fiafia. Ne fai mai a Iesu: “Ka iloa ne koutou te munatonu, ko te munatonu foki ka fakasaoloto ne ia koutou.”—Ioane 8:32.

1. Se tagata e tauloto ki mea e akoako mai i te Tusi Tapu; 2. Se fafine e tauloto ki mea e akoako mai i te Tusi Tapu