Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

“Ke Tumau i te Alofa o te Atua”

 MATAUPU FAKAOPOOPO

Te Fakaaloga o te Fuka, te Palota mo te Faiga o Galuega a Malo o Tagata

Te Fakaaloga o te Fuka, te Palota mo te Faiga o Galuega a Malo o Tagata

Te Fakaaloga o te fuka. E tali‵tonu a Molimau a Ieova me i te ifo io me ko te fakaaloga ki te fuka, fakatasi mo te usuga o te vii o se atufenua, se tapuakiga fakalotu telā e fakaasi atu i ei i te fakaolataga e maua mai i te malo io me ko ana takitaki, kae e se mai te Atua. (Isaia 43:11; 1 Kolinito 10:14; 1 Ioane 5:21) E tokotasi te takitaki penā ko Nepukanesa te Tupu o Papelonia mua. Ko te mea ke matea ne tino tena ‵malu mo tena toaga ki lotu, ne fakatu aka ne te tupu malosi tenei se tupua lasi kae faimālō atu ki ana tino ke ifo ki ei i te taimi e usu ei te pese, e pelā me se vii o se atufenua. Kae ne ita te tokotolu tino Epelu—ko Satalaka, Mesako, mo Apeteniko—ma ifo ki te tupua, faitalia te fakasalaga ki te mate.—Tanielu, mataupu e 3.

I ‵tou aso nei, “a te ‵toe fakailoga tāua o te loto fenua mo te faiga o te tapuakiga ko te fuka,” ko pati a te tino tusitala ko Carlton Hayes. “E tapale a pulou o tagata māfai e avaka te fuka i olotou tafa; e tavae ne tino tusi fakalagi a te fuka i olotou fakalagi kae e usuusu ne tama‵liki a pese e uiga ki ei.” Ne toe fai mai a ia me e isi ne “aso malo‵lo kae tapu” o te loto fenua, e pelā mo te Po Fa o Iulai i te Iunaite Sitete, e pelā foki mo ana “tino tapu mo tino ‵toa” mo ana “faletapu.” I se fakamanatuga e tasi ne fai i Brazil, ne fakaasi ‵tonu mai ne te minisita o kautau me “e faka‵malu kae e tapuaki atu a tino ki te fuka . . . e pelā eiloa mo te lotou tapuaki atu ki te atufenua.” Ao, “a te fuka, e pelā mo te koluse, e tapu,” ko pati mua i The Encyclopedia Americana.

Fakamuli nei, ne fai mai te encyclopedia tenā me i vii o atufenua ko te “fakaasiatuga o te loto fenua kae e masani o aofia i ei se ‵talo fakamolemole mō te takitakiga mo te puipuiga a te Atua ki tino mo olotou takitaki.” Tela la, e malamalama a tavini a Ieova māfai e matea ne latou  a fakamanatuga loto fenua kolā e aofia i ei te fakaaloga o te fuka mo te usuga o vii e pelā me ne faifaiga fakalotu. E tonu, i ana manatu e uiga ki te sē talia ne tama‵liki a Molimau a Ieova ke ifo ki te fuka io me ke aofia latou i te tautoga ki te atufenua i akoga i te Iunaite Sitete, ne fai mai te tusi ko The American Character: “Ko oti ne fakamautinoa mai ne te Supreme Court (te ‵toe fono maluga) i fakamasinoga e uke me i faifaiga konei ne mea fakalotu.”

E tiga eiloa e se ‵kau atu latou ki fakamanatuga kolā e se fakavae ki te Tusi Tapu, e āva eiloa a tino o Ieova ki te saolotoga o nisi tino ke fai penā. E āva foki latou ki fuka o atufenua e pelā me ne fakailoga kae e ‵kilo atu foki latou ki “malo” kolā e faka‵tu faka‵lei e pelā me ne “tavini a te Atua.” (Loma 13:1-4) Tela la, e faka‵logo a Molimau a Ieova ki te fakamalosiga “ke ‵talo foki koutou mō tupu, pelā foki mo nisi tino katoa e iai te pule i a latou.” Kae ko te pogai e ‵talo ei tatou “ko te mea ke ola tatou i se olaga filemu mo te ‵lei, se olaga fakaatua mo te amio ‵lei.”1 Timoteo 2:2.

Te palota i taimi o palota. E āva a Kelisiano ‵tonu ki te saolotoga o nisi tino ke palota. E se ‵teke latou ki te faiga o palota, kae e faka‵logo latou ki malo kolā ne palotagina. E ui i ei, e tumau latou i te sē ‵kau ki se feitu i kinauga fakapolitiki a atufenua. (Mataio 22:21; 1 Petelu 3:16) Se a te mea e ‵tau o fai ne se Kelisiano i fenua kolā e fakatulafono i ei ke palota a tino katoa io me māfai e tokouke a tino e kaitaua ki tino kolā e se palota? Ona ko te mea ne olo eiloa a Satalaka, Mesako mo Apeteniko ki te koga ‵mao ko Tula, e mafai o fakaiku aka ne se Kelisiano, i se tulaga penā, ke fano a ia ki te koga e fai ei te palota māfai e ‵lei tena loto lagona. Kae e ‵tau o fakaeteete a ia ke mo a ma fakaseaoga tena tulaga tonu. E ‵tau o amanaia a ia ki akoakoga fakavae e ono konei:

  1. ‘E se ‵kau ki te lalolagi’ a soko o Iesu.Ioane 15: 19.

  2.   E sui ne Kelisiano a Keliso mo tena Malo.Ioane 18:36; 2 Kolinito 5:20.

  3. E ‵kau fakatasi te fakapotopotoga Kelisiano i te talitonuga e tasi, kae e ‵sai fakatasi a tino i ei ne te alofa faka-Keliso.1 Kolinito 1: 10; Kolose 3:14.

  4. E ‵losi atu ki tino kolā e palota ne latou se sui o te malo e uiga ki mea a te tino tenā e fai.—Ke onoono ki akoakoga fakavae i pati i te 1 Samuelu 8:5, 10-18 mo te 1 Timoteo 5:22.

  5. Ne kilo atu a Ieova ki te manakoga o tino Isalaelu ki se tino ke fai mo olotou tupu e pelā me se fakailoga ke tiaki ne latou a Ia.1 Samuelu 8:7.

  6. E ‵tau o maua ne Kelisiano te saolotoga ke fai‵pati atu ki tino katoa faitalia olotou talitonuga fakapolitiki e uiga ki te Malo o te Atua.Mataio 24:14; 28:19, 20; Epelu 10:35.

Galuega a te malo. E manakogina i nisi fenua ke ga‵lue a tino kolā e se talia ne latou ke ‵kau atu ki kautau i nisi galuega a te malo i se vaitaimi. Kafai e fai ne tatou se fakaikuga i te feitu tenei, e ‵tau o ‵talo atu tatou e uiga ki ei, sau‵tala ki ei mo se Kelisiano matua, ko fai ei te ‵tou fakaikuga e ‵tusa mo ‵tou loto lagona.Faataoto 2:1-5; Filipi 4:5.

E fai mai te Muna a te Atua ‘ke faka‵logo tatou ki malo mo tino pule, ke toka o fai so se mea ‵lei,’ kae ke paleni foki. (Tito 3: 1, 2) Ona ko te mea tenā, e mafai o ‵sili ifo a fesili konei ki a tatou eiloa: ‘Kafai e talia ne au se galuega a te malo e mata, ka gutugutulua au i toku tulaga faka-Kelisiano io me ka aofia au i tapuakiga ‵se?’ (Mika 4: 3, 5; 2 Kolinito 6:16, 17) ‘Kafai e fai ne au te galuega tenei, e mata, ka faigata o fai ne au oku tiute faka-Kelisiano io me ka fakagata aka ei te faiga o mea konā?’ (Mataio 28:19, 20; Efeso 6:4; Epelu 10:24, 25) ‘I te suā feitu, kafai e galue au i se galuega penā, e mata, e maua ne au se avanoaga ke fakalauefa atu aku galuega faka-te-agaga, e pelā mo te galue tumau i te galuega talai?’Epelu 6:11, 12.

 Kafai e ‵lei a lagonaga o se Kelisiano ke galue a ia i se isi galuega a te malo i lō tena fano ki te falepuipui, e ‵tau o āva a taina Kelisiano ki tena fakaikuga. (Loma 14:10) Kae kafai e se talia ne ia se vaegā galuega penā, e ‵tau foki o āva a nisi tino ki ei.1 Kolinito 10:29; 2 Kolinito 1:24.