Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

“Ke Tumau i te Alofa o te Atua”

 MATAUPU FAKAOPOOPO

Ke Maumalo i te Fai Tokotasi

Ke Maumalo i te Fai Tokotasi

A te fai tokotasi se amioga sē ‵lei i te feitu faka-te-agaga, e fai i ei ke mafaufau fua te tino ki mea kolā e fakafiafia atu ki a ia kae fakamasei ei te mafaufau. * E mafai foki o kilo atu te tino fai tokotasi ki nisi tino—e pelā fua me ne mea ne faite mō te faiga o faifaiga fakatauavaga. Ko kamata ei o kilo atu te tino fai tokotasi ki faifaiga fakatauavaga, e se pelā me se fakaasiga o te alofa i te va o tino e tokolua kae e pelā fua me se faka‵nogaga toetoe o lagonaga penā. Kae e toetoe fua tena aoga. A te ‵tonuga loa, i lō te tamatega o vaega o te foitino e uiga ki “te finalalolagi, ko te amio sē ‵ma, ko manakoga ma‵sei,” e fakamalosi aka ne te fai tokotasi a lagonaga konā i te foitino.Kolose 3:5.

Ne tusi mai te apositolo ko Paulo: “Taina fagasele, ona ko te mea ko maua ne tatou a folafolaga a te Atua, ke faka‵ma la tatou mai feitu kolā e fakamasei ne latou te foitino  mo te agaga, ka ke ola tatou i te olaga tapu katoatoa mo te mataku ki te Atua.” (2 Kolinito 7:1) Kafai e faigata ‵ki ke fakalogo koe ki pati konei, ke mo a koe e loto vāivāi. E toka faeloa a Ieova o “fakamagalo” kae fesoasoani atu. (Salamo 86:5; Luka 11:9-13) E tonu, a lagonaga ma‵sei i tou loto mo au taumafaiga ke fakagata te amioga tenā—faitalia te fai ne koe i nāi taimi—e fakaasi mai i ei se kilokiloga ‵lei. Ke masaua foki me “i te Atua e sili atu i o‵tou loto, kae e iloa foki ne ia a mea katoa.” (1 Ioane 3:20) E uke atu a mea e matea ne te Atua i lo ‵tou agasala fua; e matea ne ia a mea katoa i te tino. Ko tena iloa tenei e fai ei ke lagona ne ia mo te alofa a ‵tou fakamolemole mō se fakamagaloga. Tela la, ke mo a eiloa e ‵fiu koe i te saga atu ki te Atua i te loto maulalo mo te faiga o ‵talo, e pelā eiloa mo te fanatu o se tamaliki ki tena tamana māfai ko tupu se fakalavelave ki a ia. Ka fakamanuia eiloa koe ne Ieova mai te tuku atu o se loto lagona ‵ma. (Salamo 51:1-12, 17; Isaia 1:18) Kae e ‵tau eiloa o fai ne koe a faiga mautinoa ke fetaui mo au ‵talo. E pelā mo te mea tenei, e taumafai malosi koe o ‵kalo keatea mai vaega katoa o faifaiga finalalolagi kolā e fakasalalau mai e pelā foki mo taugasoa ma‵sei. *

Kafai e tumau eiloa te fakalavelave ko te fai tokotasi i a koe, fakamolemole faipati atu ki se tino i ou mātua Kelisiano io me se taugasoa matua i te feitu faka-te-agaga telā e amanaia tonu ki a koe. *Faataoto 1:8, 9; 1 Tesalonia 5:14; Tito 2:3-5.

^ pala. 1 A te fai tokotasi ko te milimiliga o koga tapu ke faka‵noga aka ei a manakoga fakatauavaga.

^ pala. 2 E pelā me se faiga mautinoa, e tuku ne kāiga e tokouke a te komupiuta a te kāiga i te potu alaala ko te mea ke faigofie o matea ne tino katoa. E se gata i ei, e ‵togi ne kāiga a polokalame kolā e faka‵ma ne latou keatea a mea kolā e se manakogina mai te komupiuta. Kae e seai se polokalame e katoatoa tena ‵lei.

^ pala. 1 Mō manatu aoga ke manumalo ei i te fai tokotasi, ke onoono ki te mataupu “Young People Ask . . . How Can I Conquer This Habit?” [“E Fesili Mai a Talavou . . . E Mafai Pefea o Manumalo Au i te Amioga Tenei?”] i te lomiga o te Awake!, i a Novema 2006, mo te tusi ko te Questions Young People AskAnswers That Work, Tusi 1, te itulau e 205-211.