Fanatu ki te fakasologa

Fanatu ki te lua o auala

Fanatu ki te fakasologa o mataupu

Molimau a Ieova

Tuvalu

Akoako Au Tama‵liki

 MATAUPU E 9

Ne Seki Fakagata te Faipati Atu o Ielemia e Uiga ki a Ieova

Ne Seki Fakagata te Faipati Atu o Ielemia e Uiga ki a Ieova

Kaia e kaitaua ei a tino ki a Ielemia?

Ne fakasao ne Ieova a Ielemia

I nisi taimi e fakatauemu mai a tino ki a tatou io me kaitaua mai ki a tatou māfai ko fai‵pati atu tatou ki a latou e uiga ki a Ieova. E fai ne te mea tenei ke fakagata te ‵tou fia fai‵pati atu e uiga ki te Atua. Kai maua aka eiloa ne koe se vaegā lagonaga penā?— E fakaasi mai i te Tusi Tapu a mea e uiga ki se tamataene telā ne alofa ki a Ieova kae toeitiiti ko fakagata tena faipati atu e uiga ki a ia. A tena igoa ko Ielemia. Ke onoono aka tatou ki nisi fakamatalaga e uiga ki a ia.

I te taimi koi foliki ei a Ielemia, ne fai atu a Ieova ki tou tagata me e ‵tau o fakailoa atu ki tino ke fakagata te faiga o mea ma‵sei. Ko oko eiloa i te faigata o te mea tenei ki a Ielemia, kae ne mataku tou tagata. Ne fai atu a ia ki a Ieova: ‘E se iloa ne au a pati e ‵tau o fai atu. Au koi foliki fua.’ Kae ne fai atu a Ieova ki a ia: ‘Sa mataku. Ka fesoasoani atu au ki a koe.’

Tela la, ne kamata o fakailoa atu ne Ielemia ki tino me ka fakasala latou māfai e se ‵fuli olotou amioga. Se a tau faka‵tau me ne fai ne tino a mea ne fai atu ne Ielemia?— Ikai. Ne fakatauemu latou ki a ia io me ne kaitaua malosi latou ki a ia. Ne ma‵nako a nisi tino ke tamate tou tagata! Se a tau faka‵tau me ne a lagonaga o Ielemia?— Ne mataku a ia kae fai mai: ‘Ka se toe faipati eiloa au e uiga ki a Ieova.’ Kae e mata, ne fakagata eiloa ne ia tena faipati atu?— Ikai, ne seki fai eiloa penā. Ne alofa malosi a ia ki a Ieova telā ne seki mafai o taofi aka tena faipati atu e uiga ki a ia. Kae ona ko te mea ne seki taofi aka ne Ielemia tena faipati atu, ne puipui faka‵lei eiloa ne Ieova tou tagata.

E pelā mo te taimi e tasi, ne ‵pei atu ne tāgata ma‵sei a Ielemia ki loto i se lua ‵poko telā e ‵fonu i pela. Ne seki ai ne ana meakai io me ne vai. Ne ma‵nako a tāgata konā o tiakina a Ielemia ke mate. Kae ona ko te fesoasoani o Ieova, ne sao ei a ia!

Ne a mea e mafai o tauloto ne tatou mai i te fakaakoakoga a Ielemia?— E tiga eiloa ne mataku a ia i nisi taimi, ne seki fakagata ne ia tena faipati e uiga ki a Ieova. Kafai e faipati atu koe e uiga ki a Ieova, e mafai o fakatauemu io me kaitaua atu a tino ki a koe. Kāti ka mā io me e mataku foki koe. Kae ke mo a eiloa ma fakagata tou faipati e uiga ki a Ieova. Ka fesoasoani atu faeloa a ia ki a koe, e pelā eiloa mo tena fesoasoani ki a Ielemia.

FAITAU I TAU TUSI TAPU

  • Ielemia 1:4-8; 20:7-9; 26:8-19, 24; 38:6-13